Պերճ Զեյթունցյան

Վիքիպեդիայում կան հոդվածներ Զեյթունցյան ազգանունով այլ մարդկանց մասին։

Պերճ Զեյթունցյան
Ծնվել է	հուլիսի 18, 1938(1938-07-18)[1][2][3]
Ծննդավայր	Ալեքսանդրիա, Եգիպտոս[2][3]
Վախճանվել է	օգոստոսի 21, 2017(2017-08-21)[4][1] (79 տարեկան)
Վախճանի վայր	Երևան, Հայաստան
Մասնագիտություն	գրող, թարգմանիչ, հրապարակախոս և սցենարիստ
Ազգություն	հայ
Քաղաքացիություն	Եգիպտոսի թագավորություն,  ԽՍՀՄ և  Հայաստան
Կրթություն	Պյատիգորսկի պետական լեզվաբանական համալսարան (1963)[2] և Սցենարիստների և ռեժիսորների բարձրագույն դասընթացներ (1964)
Անդամակցություն	ԽՍՀՄ Գրողների միություն և Տիբերինա ակադեմիա[3]
Աշխատավայր	Հայֆիլմ, «Երևան» հեռուստաֆիլմերի ստուդիա և ՀԳՄ[2]
Պարգևներ	Երևանի պատվավոր քաղաքացի [3] և
Զավակներ	Զարմինե Զեյթունցյան
Պերճ Զեյթունցյան Վիքիքաղվածքում
Պերճ Զեյթունցյան Վիքիդարանում
Perch Zeytuntsyan Վիքիպահեստում

Պերճ Արմենակի Զեյթունցյան (հուլիսի 18, 1938(1938-07-18)^[1][2][3], Ալեքսանդրիա, Եգիպտոս^[2][3] - օգոստոսի 21, 2017(2017-08-21)^[4][1], Երևան, Հայաստան), հայ արձակագիր, դրամատուրգ, հրապարակախոս և թարգմանիչ։ ԽՍՀՄ գրողների միության անդամներ։ ՀԽՍՀ մշակույթի վաստակավոր գործիչ (1989), պետական մրցանակի կրկնակի դափնեկիր, Հռոմի արվեստների և հասարակական գիտությունների «Տիբերինա» ակադեմիայի պատվավոր անդամ^[5]։

Ծնվել է 1938 թվականի հուլիսի 18-ին Եգիպտոսի Ալեքսանդրիա քաղաքում։ 1948 թվականին ծնողների հետ տեղափոխվել է Խորհրդային Հայաստան։ Սովորել է Երևանի Ղազարոս Աղայանի անվան միջնակարգ դպրոցում, որն ավարտել է 1956 թվականին ոսկե մեդալով^[5]։ 1963 թվականին ավարտել է Պյատիգորսկի օտար լեզուների ինստիտուտի հեռակա բաժինը։ 1963-1964 թվականներին սովորել է Մոսկվայի երկամյա բարձրագույն սցենարական դասընթացներում։

1953 թվականին «Պիոներ» ամսագրում տպագրվել է Պերճ Զեյթունցյանի առաջին պատմվածքը՝ «Նվեր»։ 1956 թվականին հրատարակվել է նրա ստեղծագործությունների առաջին ժողովածուն «Նրա առաջին ընկերը»։ 1956 թվականին գրողին շնորհվել է Հայաստանի երիտասարդական փառատոնի I մրցանակ՝ ոսկե մեդալ, իսկ 1957 թվականին ստացել է ԽՍՀՄ երիտասարդական փառատոնի II մրցանակ՝ արծաթե մեդալ^[5]։

1965-1968 թվականներին եղել է «Հայֆիլմ» կինոստուդիայի խմբագիրը, 1965-1975 թվականներին՝ հեռուստաֆիլմերի «Երևան» ստուդիայի գլխավոր խմբագիրը, 1975-1986 թվականներին՝ Հայաստանի գրողների միության քարտուղարը։ 1986-1990 թվականներին զբաղեցրել է «Պիոներ» ամսագրի գլխավոր խմբագիրի պաշտոնը։ 1991-1992 թվականներին եղել է Հայաստանի մշակույթի առաջին նախարարը^[5]։

Պերճ Զեյթունցյանը հեղինակել է 12 պիես, որոնք բեմադրվել են Երևանի թատրոններում։ Գրքերը թարգմանվել են 11 լեզուներով, այդ թվում՝ ռուսերեն, անգլերեն, ֆրանսերեն, արաբերեն^[6][7]։

• 1986 - ստացել է Գրողների միության Գ. Սունդուկյանի անվան մրցանակ,
• 1987 - ընտրվել է Հռոմի «Թիբերինա» ակադեմիայի պատվավոր անդամ,
• 1989 - ստացել է ՀԽՍՀ մշակույթի վաստակավոր գործչի կոչում,
• 1998 - արժանացել է Մովսես Խորենացու անվան մեդալի,
• 1999 - «Խոր վիրապ» պիեսի համար ստացել է պետական մրցանակ,
• 2003 - արժանացել է Թեքեյան մշակութային միության «Հայկազուն Ուզունյան» գրական մրցանակի լավագույն արձակ ստեղծագործության համար («Մի նայիր հայելուն»),
• 2004 - հրապարակախոսության համար արժանացել է ժուռնալիստների միության «Ոսկե գրիչ» մրցանակի,
• 2004 - արժանացել է ՀՀ գրողների միության Լ. Շանթի անվան մրցանակի տարվա լավագույն պիեսի համար («Մահապատիժ հայկական ձևով»),
• 2005 - Մշակույթի գործիչների համահայկական լիգայի կողմից ստացել է «Հայ արվեստի ասպետ» կոչում,
• 2005 - ընտրվել է Երևանի պատվավոր քաղաքացի,
• 2006 – ստացել է Ֆրանսիայի հայ համայնքի «Արարատ» մրցանակ,
• 2007 - արժանացել է Հայաստանի թատերական գործիչների միության «Արտավազդ» մրցանակի,
• 2007 - արժանացել է Մայր աթոռ Սուրբ Էջմիածնի «Սուրբ Սահակ, Սուրբ Մեսրոպ» շքանշանի
• 2007 - Կալիֆոռնիայի UCLA համալսարանի հայագիտական ամբիոնի կողմից ստացել է «Գրիգոր Նարեկացի» մրցանակ,
• 2008 - ստացել է Միջազգային հայկական «Կարոտ» փառատոնի մրցանակ որպես լավագույն դրամատուրգ,
• 2008 - ստացել է ՀՀ «Մեսրոպ Մաշտոց» շքանշան,
• 2008 - արժանացել է ՀՀ մշակույթի նախարարության ոսկե մեդալի,
• 2008 - արժանացել է Հայաստանի ազգային գրադարանի «Հակոբ Մեղապարտ» մեդալի,
• 2008 - պարգևատրվել է Հայաստանի գրողների միության «Գրական վաստակի համար» ոսկե մեդալով,
• 2009 - ՀՀ մշակույթի նախարարության կողմից ստացել է «Արվեստի երախտավոր» կոչումը^[5],
• 2013 - ՀՀ Վարչապետի որոշմամբ պարգևատրվել է ՀՀ վարչապետի հուշամեդալով,
• 2016 - Հայաստանի Հանրապետության Անկախության 25-ամյակի առթիվ, հայ գրականության և մշակույթի զարգացման գործում ներդրած մեծ ավանդի համար պարգևատրվել է Պատվո շքանշանով^[8]։

• Նրա առաջին ընկերը (պատմվածքներ), Երևան, 1956, 160 էջ։
• Մեր թաղի ձայները (պատմվածքներ, վիպակ), Երևան, 1959, 152 էջ։
• Մեզնից հետո (վեպ), Երևան, 1963, 340 էջ։
• Փարիզի համար (պատմվածքներ), Երևան, 1965, 56 էջ։
• Կլոդ Ռոբերտ Իզերլի (վեպ), Երևան, 1968, 256 էջ։
• Զեյթունցյան Պերճ, Դովլաթյան Ֆրունզե «Երևանյան օրերի խրոնիկա», Երևան, 1971, 159 էջ։
• Կատակերգություն առանց մասնակիցների (վիպակներ), Երևան, 1975, 312 էջ։
• Արշակ Երկրորդ (վեպ), Երևան, 1977, 532 էջ։
• Ամենատխուր մարդը (պիեսներ), Երևան, 1981, 388 էջ։
• Իրիկնային հեքիաթներ (պատմվածքներ), Երևան, 1983, 60 էջ։
• Մեծ լռություն (պիեսներ), Երևան, 1985, 408 էջ։
• Ընտիր երկեր, հատ. 1. «Ամենատխուր մարդը», «Քսաներորդ դարի լեգենդը», «Անավարտ ��ենախոսություն», «Վերջին խաղը», «Երևանյան օրերի խրոնիկան», Երևան, 1987, 584 էջ։
• Ընտիր երկեր, հատ. 2. «Պիեսներ», «Արշակ Երկրորդ», Երևան, 1987, 608 էջ։
• Վերջին արևագալը (վեպ), Երևան, 1989, 656 էջ։
• Ցուլերը դեռ այնտեղ են (հրապարակախոսություն), Երևան, 1990, 192 էջ։
• Ծնվել է ու մահացել (պիեսներ), Երևան, 1995, 232 էջ։
• Մեզանից յետոյ, Պէյրութ, 1998, 352 էջ։
• Յիսուս Նազովրեցին և նրա երկրորդ աշակերտը, Անթիլիաս, 1999, 96 էջ։
• Հիսուս Նազովրեցին և իր երկրորդ աշակերտը։ Խոր վիրապ (պիեսներ), Երևան, 2001, 138 էջ։
• Մի նայիր հայելուն (վիպակ և պիես), Երևան, 2004, 126 էջ։
• Ապրենք տասը պատվիրաններով (հոդվածներ, հրապարակախոսություն), Երևան, 2009, 656 էջ։
• Ոտքի՛, դատարանն է գալիս, Երևան, 2013, 248 էջ։

• Պերճ Զեյթունցյան. Յուրաքանչյուր տասից մեկը
• Խոր Վիրապ

• Էրսքին Քոլդուել, Տաք գետը, պատմվածքներ, 1962։
• Գրեհեմ Գրեն, Խաղաղ ամերիկացին, վեպ, 1963։
• Էռնեստ Հեմինգուեյ, Կիլիմանջարոյի ձյուները, պատմվածք, 1963։
• Էռնեստ Հեմինգուեյ, Հրաժեշտ զենքին, վեպ, 1972։

• Մարգարյան Սիրանուշ, Պատմության ժամանակը / Խմբ. Ս. Սարինյան, Երևան, 2000, 212 էջ։
• Ղուլյան Արտակ, Պերճ Զեյթունցյանի արձակը։ Սեղմագիր, Երևան, 2005, 22 էջ։
• Ղուլյան Արտակ, Երկատման հիմնախնդիրը և նմանակի ֆենոմենը Պերճ Զեյթունցյանի արձակում, Ստեփանակերտ, Դիզակ պլյուս, 2007, 42 էջ։
• Մուրադյան Լիանա, Պերճ Զեյթունցյանի դրամաների լեզուն, Երևան, 2008, 112 էջ։
• Սարհատյան Աիդա, Շարահյուսական կապակցման միջոցները և նրանց ոճական արժեքը Պերճ Զեյթունցյանի արձակում, Երևան, 2008, 164 էջ։

Վիքիքաղվածքն ունի քաղվածքների հավաքածու, որոնք վերաբերում են

Պերճ Զեյթունցյան հոդվածին

Վիքիքաղվածքն ունի նյութեր, որոնք վերաբերում են «Պերճ Զեյթունցյան» հոդվածին։

Վիքիդարանն ունի նյութեր, որոնք վերաբերում են «Պերճ Զեյթունցյան» հոդվածին։

Վիքիպահեստն ունի նյութեր, որոնք վերաբերում են «Պերճ Զեյթունցյան» հոդվածին։

Թեմատիկ կայքեր Հայաստանի գրողների միություն Բառարաններ և հանրագիտարաններ Արմենիապեդիա · Արմենիապեդիա · Հայազգ   Չափորոշչային վերահսկողություն ՀԳՀԳ: 8621 · BNF: 13530838z · GND: 137422016 · ISNI: 0000000083654683 · LCCN: n85193846 · LNB: 000241114 · NKC: xx0020859 · NTA: 392823209 · SUDOC: 05962082X · VIAF: 24762249 · WorldCat VIAF: 24762249

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 685)։

դ ք խ Հայաստանի մշակույթի նախարարները Հայաստանի առաջին հանրապետություն 1918-1920 Հանրային կրթության և արվեստի նախարարներ: Միքայել Աթաբեկյան (4 նոյեմբերի 1918թ. - 4 դեկտեմբերի 1918թ.) • Գևորգ Մելիք-Ղարագյոզյան (4 դեկտեմբերի 1918թ. - 24 հունիսի 1919թ.) • Սիրական Թադևոսի Տիգրանյան (24 հունիսի 1919թ. - 5 օգոստոսի 1919թ.) • Նիկոլ Աղբալյան (19 օգոստոսի 1919թ. - 5 մայիսի 1920թ.) • Գևորգ Ղազարյան (5 մայիսի 1920թ. - 23 նոյեմբերի 1920թ.) • Վահան Մինախորյան (23-29 նոյեմբերի 1920թ.) Անդրկովկասյան ԽՍՖՀ կամ Հայկական ԽՍՀ Լուսավորության ժողովրդական կոմիսարներ: Աշոտ Գարեգինի Հովհաննիսյան (4 դեկտեմբերի 1920 - 14 նոյեմբերի 1921) • Պողոս Մկրտչի Մակինցյան (14 նոյեմբերի 1921 - 7 օգոստոսի 1922) • Սարգիս Աբովյան (7 օգոստոսի 1922 - 23 հունվարի 1923) • Ասքանազ Մռավյան (23 հունվարի 1923 - 23 հոկտեմբերի 1929) • Արտավազդ Միքայելի Եղիազարյան (21 նոյեմբերի 1929 - 28 օգոստոսի 1931) • Դրաստամատ Ասքանազի Տեր-Սիմոնյան (28 օգոստոսի 1931 - 5 հոկտեմբերի 1932) • Զարմայր Անդրեասի Աշրաֆյան (9 դեկտեմբերի 1932 - 17 ապրիլի 1933) • Լևոն Եղիայի Արիսյան (11 սեպտեմբերի - 28 նոյեմբերի 1933) • Ներսիկ Ստեփանյան (28 նոյեմբերի 1933 - 26 հունիսի 1934) • Արտավազդ Միքայելի Եղիազարյան (26 հունիսի 1934 - 20 փետրվարի 1936) Կուլտուրայի (մշակույթի) մինիստրներ: Զավեն Տիգրանի Գրիգորյան (27 մարտի - 29 դեկտեմբերի 1953) • Անդրանիկ Խաչատուրի Շահինյան (6 փետրվարի 1954 - 19 նոյեմբերի 1959) • Հրաչյա Խաչատուրի Մարգարյան (19 նոյեմբերի 1959 - 6 մարտի 1964) • Ռոբերտ Խաչատրյան (6 մարտի 1964 - 6 մարտի 1966) • Հովհաննես Բաղդասարյան (6 մարտի 1966 - 18 դեկտեմբերի 1967) • Կամո Բաբիի Ուդումյան (18 դեկտեմբերի 1967 - 29 օգոստոսի 1972) • Ռուբեն Հովսեփի Պարսամյան (13 սեպտեմբերի 1972 - 28 օգոստոսի 1979) • Գուրգեն Աշոտի Առաքելյան (9 հունվարի 1980 - 19 դեկտեմբերի 1985) • Յուրի Ավետիսի Մելիք-Օհանջանյան (19 դեկտեմբերի 1985 - 3 դեկտեմբերի 1990) Հայաստան Մշակույթի նախարարներ։ Պերճ Զեյթունցյան (3 դեկտեմբերի 1990 - 5 դեկտեմբերի 1991) • Հակոբ Մովսես (5 դեկտեմբերի 1991 - 1995) Մշակույթի, երիտասարդության հարցերի և սպորտի նախարարներ: Հակոբ Մովսես (1995 - 8 նոյեմբերի 1996) • Արմեն Սմբատյան (8 նոյեմբերի 1996 - 20 ապրիլի 1998) • Ռոլանդ Շառոյան (8 մայիսի 1998 - 11 հունիսի 2003) Մշակույթի և երիտասարդության հարցերի նախարարներ։ Թամարա Պողոսյան (11 հունիսի 2003 - 3 մայիսի 2004) • Հովիկ Հովեյան (3 մայիսի 2004 - 5 հունվարի 2006) • Գևորգ Գևորգյան (7 փետրվարի - 22 մայիսի 2006) • Հասմիկ Պողոսյան (8 հունիսի 2006 - 8 հունիսի 2007) Մշակույթի նախարարներ: Հասմիկ Պողոսյան (2007թ. հունիսի 8 - 2016 սեպտեմբերի 27) • Արմեն Ամիրյան (2016 սեպտեմբերի 27 - 2018, մայիսի 2) • Լիլիթ Մակունց (2018, մայիսի 12)

դ ք խ «Սուրբ Մեսրոպ Մաշտոցի շքանշան» ասպետների ցանկ 2008 թվական Սերգեյ Մերգելյան • Հրայր Հովակիմյան • Արթուր_Չիլինգարով  • Յուրի Վարդանյան  • Պերճ Զեյթունցյան 2009 թվական Նիկոլայ Նիկողոսյան • Արմեն Թախտաջյան • Վահրամ Ներսիսյանց • Զավեն Եկավյան • Ալլա Պուգաչովա • Գարեգին Բ 2010 թվական Զորի Բալայան • Թորգոմ Մանուկյան • Էդուարդ Թադևոսյան • Հովհաննես Չեքիջյան •Սերգեյ Լավրով • Հովհաննես Բարսեղյան • Սվետլանա Նավասարդյան • Մուրադ Մուրադյան 2011 թվական Վիլեն Գալստյան • Վիկտոր Յանուկովիչ • Արթուր Մեսչյան • Գրիգոր Գուրզադյան •Սամվել Կարապետյան • Ռոպեր Հատտէճեան • Ռուբեն Վարդանյան • Օֆելյա Համբարձումյան • Ռուբեն Մաթևոսյան • Ալեն Ժյուպե • Պատրիարք Կիրիլ 2012 թվական Զարեհ Խրախունի • Արշակ Պետրոսյան 2013 թվական Վարդուհի Վարդերեսյան • Նորայր Առաքելյան • Տիգրան Իզմիրլյան 2014 թվական որևէ մեկը չի պարգևատրվել 2015 թվական Մեծի Տանն Կիլիկիո Կաթողիկոս Ն. Ս. Օ. Տ.Տ Արամ Ա Պորտալ:Հայաստան