Гуакамоле

Гуакамоле
Гуакамоле
	ісп.: guacamole
Краіна паходжання	Мексіка;
Кампаненты
Асноўныя	avocado[d]; сок лайма[d]; каляндра[d]; jalapeño[d]; павараная соль;
	Медыяфайлы на Вікісховішчы

Гуакамоле (guacamole, гуакамоуле , гуакамоул, гвакамоле, гвакамоуле, вакамоле) — закуска з пюрыраванай мякаці авакада. Мае кансістэнцыю густога соуса (пасты). Страва мексіканскай кухні.

Паходжанне

Гісторыя гуакамоле сыходзіць у часы ацтэкаў.

Слова «гуакамоле» (guacamole) — з мексіканскай іспанскай мовы, паходзіць ад слова з мовы ацтэкаў (науатль) Ahuacamolli (Ahuacatl = «авакада» molli = «соус»).

Прыгатаванне

Існуе мноства рэцэптаў гуакамоле, якія адрозніваюцца рознымі дадаткамі, заправамі, а таксама ступенню драбнення кампанентаў.

У тых мясцовасцях, дзе авакада дарагія, у якасці напаўняльніка часам дадаюць іншыя прадукты (напрыклад, маянэз); аднак такія версіі гуакамоле менш якасныя, бо ў іх смак авакада перабіваецца смакам напаўняльніка.

Склад

Акрамя авакада, асноўныя кампаненты гуакамоле — сок лайма ці лімона і соль.

Часта па жаданні таксама дадаюцца памідоры, розныя перцы (у тым ліку перац чылі), зялёная або іншая цыбуля, кінза і іншая зеляніна, часнок і іншыя прыправы.

Асноўны рэцэпт

Мякаць свежых авакада (лупіна і костка не выкарыстоўваюцца) пюруецца з даданнем соку лімона ці лайма, і солі на смак. Цытрынавы сок з'яўляецца антыаксідантам, гэта значыць прадухіляе акісленне авакада і афарбоўванне гуакамоле ў неапетытны карычняваты колер.

Затым дадаюцца астатнія інгрэдыенты, звычайна дробна насечаныя.

Для пюравання і здрабнення могуць выкарыстоўвацца як проста відэлец і нож, так і блэндар. Некаторыя аддаюць перавагу гуакамоле з дробнымі кавалачкамі зыходных прадуктаў і пюруюць авакада відэльцам, дадаючы дробна нарэзаную зеляніну і гародніну. Іншыя ж аддаюць перавагу пюрэ і выкарыстоўваюць блэндар.

Ужыванне

Традыцыйна гуакамоле ядуць з кукурузнымі чыпсамі (tortilla chips). Гэтак жа гуакамоле ядуць з любымі чыпсамі, хлебам і да т. п. ці падаюць як соус (падліўкай) да розных страў, асабліва да страў мексіканскай кухні.

Гуакамоле распаўсюджана ў Мексіцы, ЗША, іншых краінах свету. Таксама папулярна сярод вегетарыянцаў.