איוב יז

א רוחי חבלה ימי נזעכו קברים לי ב אם לא התלים עמדי ובהמרותם תלן עיני ג שימה נא ערבני עמך מי הוא לידי יתקע ד כי לבם צפנת משכל על כן לא תרמם ה לחלק יגיד רעים ועיני בניו תכלנה ו והצגני למשל עמים ותפת לפנים אהיה ז ותכה מכעש עיני ויצרי כצל כלם ח ישמו ישרים על זאת ונקי על חנף יתערר ט ויאחז צדיק דרכו וטהר ידים יסיף אמץ י ואולם כלם תשבו ובאו נא ולא אמצא בכם חכם יא ימי עברו זמתי נתקו מורשי לבבי יב לילה ליום ישימו אור קרוב מפני חשך יג אם אקוה שאול ביתי בחשך רפדתי יצועי יד לשחת קראתי אבי אתה אמי ואחתי לרמה טו ואיה אפו תקותי ותקותי מי ישורנה טז בדי שאל תרדנה אם יחד על עפר נחת

א רוּחִי חֻבָּלָה יָמַי נִזְעָכוּ קְבָרִים לִי. ב אִם לֹא הֲתֻלִים עִמָּדִי וּבְהַמְּרוֹתָם תָּלַן עֵינִי. ג שִׂימָה נָּא עָרְבֵנִי עִמָּךְ מִי הוּא לְיָדִי יִתָּקֵעַ. ד כִּי לִבָּם צָפַנְתָּ מִּשָּׂכֶל עַל כֵּן לֹא תְרֹמֵם. ה לְחֵלֶק יַגִּיד רֵעִים וְעֵינֵי בָנָיו תִּכְלֶנָה. ו וְהִצִּגַנִי לִמְשֹׁל עַמִּים וְתֹפֶת לְפָנִים אֶהְיֶה. ז וַתֵּכַהּ מִכַּעַשׂ עֵינִי וִיצֻרַי כַּצֵּל כֻּלָּם. ח יָשֹׁמּוּ יְשָׁרִים עַל זֹאת וְנָקִי עַל חָנֵף יִתְעֹרָר. ט וְיֹאחֵז צַדִּיק דַּרְכּוֹ וּטֳהָר יָדַיִם יֹסִיף אֹמֶץ. י וְאוּלָם כֻּלָּם תָּשֻׁבוּ וּבֹאוּ נָא וְלֹא אֶמְצָא בָכֶם חָכָם. יא יָמַי עָבְרוּ זִמֹּתַי נִתְּקוּ מוֹרָשֵׁי לְבָבִי. יב לַיְלָה לְיוֹם יָשִׂימוּ אוֹר קָרוֹב מִפְּנֵי חֹשֶׁךְ. יג אִם אֲקַוֶּה שְׁאוֹל בֵּיתִי בַּחֹשֶׁךְ רִפַּדְתִּי יְצוּעָי. יד לַשַּׁחַת קָרָאתִי אָבִי אָתָּה אִמִּי וַאֲחֹתִי לָרִמָּה. טו וְאַיֵּה אֵפוֹ תִקְוָתִי וְתִקְוָתִי מִי יְשׁוּרֶנָּה. טז בַּדֵּי שְׁאֹל תֵּרַדְנָה אִם יַחַד עַל עָפָר נָחַת.

"

א רוּחִי חֻבָּלָה! יָמַי נִזְעָכוּ! קְבָרִים לִי!

ב אִם לֹא הֲתֻלִים עִמָּדִי, וּבְהַמְּרוֹתָם - תָּלַן עֵינִי!

ג שִׂימָה נָּא עָרְבֵנִי - עִמָּךְ, מִי הוּא לְיָדִי יִתָּקֵעַ?

ד כִּי לִבָּם צָפַנְתָּ מִּשָּׂכֶל, עַל כֵּן לֹא תְרֹמֵם!

ה לְחֵלֶק - יַגִּיד "רֵעִים!", וְעֵינֵי בָנָיו - תִּכְלֶנָה!

ו וְהִצִּגַנִי לִמְשֹׁל עַמִּים, וְתֹפֶת - לְפָנִים אֶהְיֶה.

ז וַתֵּכַהּ מִכַּעַשׂ - עֵינִי, וִיצֻרַי - כַּצֵּל כֻּלָּם!

ח יָשֹׁמּוּ יְשָׁרִים עַל זֹאת! וְנָקִי עַל חָנֵף שניהם יחד הנקי והחנף. פירוש אחר: הנקי יזעק נגד החנופה (ובפיסוק אחר מהרשום) - יִתְעֹרָר!

ט וְיֹאחֵז צַדִּיק דַּרְכּוֹ, וּטֳהָר יָדַיִם יֹסִיף אֹמֶץ!

י וְאוּלָם - כֻּלָּם תָּשֻׁבוּ וּבֹאוּ נָא, וְלֹא אֶמְצָא בָכֶם חָכָם!

יא יָמַי עָבְרוּ! זִמֹּתַי נִתְּקוּ! - מוֹרָשֵׁי לְבָבִי.

יב לַיְלָה - לְיוֹם יָשִׂימוּ, אוֹר קָרוֹב - מִפְּנֵי חֹשֶׁךְ.

יג אִם אֲקַוֶּה שְׁאוֹל בֵּיתִי, בַּחֹשֶׁךְ - רִפַּדְתִּי יְצוּעָי.

יד לַשַּׁחַת - קָרָאתִי: "אָבִי אָתָּה!", "אִמִּי" וַ-"אֲחֹתִי" - לָרִמָּה.

טו וְאַיֵּה אֵפוֹ תִקְוָתִי? וְתִקְוָתִי - מִי יְשׁוּרֶנָּה?!

טז בַּדֵּי שְׁאֹל - תֵּרַדְנָה, אִם יַחַד עַל עָפָר נָחַת.

"

{ס}