Studénka

	Studénka
	germane Stauding
	urbo
	Nova kastelo
Flago	Blazono
	Oficiala nomo: Studénka
Ŝtato	Ĉeĥio
Regiono	Moraviasilezia regiono
Distrikto	Distrikto Nový Jičín
Administra municipo	Studénka
Historiaj regionoj	Moravio, Ĉeĥa Silezio
Montaro	Moravia pordego
Fervojstacio	Studénka
- fervojlinio	n-ro 270
Rivero	Odro
Situo	Studénka
- alteco	239 m s. m.
- koordinatoj	49° 42′ 34″ N 18° 03′ 47″ O / 49.70944 °N, 18.06306 °O (mapo)
Areo	30,9 km² (3 090 ha)
Loĝantaro	9 309 (2024)
Denseco	301,26 loĝ./km²
Unua skribmencio	1436
Horzono	MET (UTC+1)
- somera tempo	MET (UTC+2)
Poŝtkodo	742 13
NUTS 3	CZ080
NUTS 4	CZ0804
NUTS 5	CZ0804 599921
Katastraj teritorioj	3
Partoj de urbo	3
Bazaj setlejunuoj	14
	Situo enkadre de Ĉeĥio Situo enkadre de Ĉeĥio
	Situo enkadre de Moraviasilezia regiono Situo enkadre de Moraviasilezia regiono
	Vikimedia Komunejo: Studénka
	Retpaĝo: www.mesto-studenka.cz
	Portalo pri Ĉeĥio

Tiu ĉi artikolo temas pri urbo en distrikto Nový Jičín. Pluaj signifoj estas indikitaj en paĝo Studénka (apartigilo).

Koordinatoj: 49° 42′ 34″ N 18° 03′ 47″ O / 49.70944 °N, 18.06306 °O (mapo)

Studénka (germane Stauding) estas urbo en Ĉeĥio, situanta en Moraviasilezia regiono, en distrikto Nový Jičín. Ĝi etendiĝas sur ambaŭ flankoj de la historia moravia-silezia landa limo. Ĝi meritis sian konatecon kiel sidejo de entrepreno Vagónka Studénka (ekde 2006 MSV Metal Studénka) kaj kiel naskoloko de kardinalo Tomášek. Vivas ĉi tie 9 309 loĝantoj (2024).

La najbaraj municipoj de la setlejo estas Petřvald, Pustějov, Bartošovice, Albrechtičky, Jistebník, Bílov, Bravantice, Velké Albrechtice kaj Mošnov.

Membrigo de urbo

La urbo membriĝas en tri katastrajn teritoriojn kun tri partoj:

Butovice – devene pure moravia vilaĝo, en tempoj de komunismo estis al ties katastro alligita vico da parceloj okcidente de la devena katastra teritorio Studénka nad Odrou
Nová Horka – ĝi situas en Moravio, sur la suda bordo de rivero Odro.
Studénka nad Odrou (loka parto Studénka) – preskaŭ la tuta katastro situas en Silezio, malgranda nordokcidenta parto de la katastro estis devene konsisto de Butovice kaj do de Moravio, ĝi etendiĝas sur la norda bordo de rivero Odro.

Historio

La unua skribmencio pri la vilaĝo devenas el la jaro 1436.

La municipoj, kiuj hodiaŭ kreas urbon Studénka, estis de pratempoj tradicie germanaj kaj tial en la jaroj 1938-1945 ili apartenis al nazia Tria imperio enkadre de provinco Sudetio. Post la dua mondmilito plimulto de devenaj loĝantoj estis ellandigita. En la malplenigitajn municipoj transloĝiĝis nova ĉeĥa loĝantaro el enlando.

Al la 1-a de januaro 1959 estis kunigitaj municipoj Butovice kaj Studénka. Sub la nomo Studénka ili estas ekde tiu tempo urbo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	3 817
1880	3 971
1890	4 264
1900	4 889
1910	5 946
1921	6 673

Jaro	Loĝantoj
1930	7 105
1950	5 685
1961	7 627
1970	10 173
1980	10 790
1991	10 736

Jaro	Loĝantoj
2001	10 505
2014	9 867
2016	9 720
2017	9 691
2018	9 643
2019	9 536

Jaro	Loĝantoj
2020	9 477
2021	8 981
2022	9 277
2023	9 326
2024	9 309

Transporto

Fervoja malfeliĉo en la jaro 2008

Pli detalaj informoj troveblas en artikolo Fervoja akcidento en Studénka 2008.

La 8-an de aŭgusto 2008 okazis en Studénka tragika fervoja malfeliĉo, kiam trajno EuroCity Comenius kunpuŝiĝis kun ŝosea superveturejo, kiu kelke da sekundoj antaŭ tio frakasiĝis sur la fervojon.^[1] Laŭ registro de la rapideco el lokomotivo la ttrajno veturis en momento de aktivigo de rapidbremso per rapideco 134 km/h kaj la kunpuŝiĝo okazis en rapideco 90 km/h.^[2] Surloke mortis 6 homoj kaj 67 estis vunditaj kaj forveturigitaj en ĉirkaŭajn malsanulejojn, kie al sia vundiĝoj subiĝis pluaj du personoj.

Fervoja malfeliĉo en la jaro 2015

La 22-an de julio 2015 sur proksima fervojpasejo okazis plua fervoja akcidento. Trajno SC 512 Pendolino veturanta sur linio Bohumín – Františkovy Lázně kunpuŝiĝis kun kamiono, kiu ŝtopiĝis inter malsupreingitaj fervojaj bariloj. Mortis 3 vojaĝantoj kaj 17 pluaj estis vunditaj.