Nigra hematopo
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Haematopus ater Vieillot, 1825 | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Nigra hematopo, Haematopus ater, estas birda specio de la familio hematopedoj. Ĝi troviĝas en marbordoj de Argentino, Ĉilio, Malvinoj kaj Peruo, kaj estas vagantaj en Urugvajo. La populacion oni ĉirkaŭkalkulis je 15,000–80,000.[1]
Aspekto
[redakti | redakti fonton]La plumaro de la Nigra hematopo estas ardeznigra kun flugiloj kaj dorso sufiĉe malhelbruna. La longa beko estas sangoruĝa kaj la kruroj estas blankaj. Ambaŭ seksoj estas similaj laŭ aspekto. La birdo estas facile preteratentata sur roka bordo, ĝia malhela koloro miksiĝas kun la rokoj sur kiuj ĝi marŝas dum ĝi manĝas, kaj tial ĝi ne atentigas pri si. Ĝia ĉeesto, tamen, povas esti facile detektita per ĝiaj laŭtaj kaj karakterizaj avertaj vokoj. Ĝia kanto, kiam donita en dueto, konsistas el ekscitita fajfa babilado. Alvokoj inkluzivas notojn, kiuj sonas kiel "pip" kaj "piijii".
Distribuado kaj habitato
[redakti | redakti fonton]La nigra hematopo estas indiĝena de la marbordoj de Argentino, Ĉilio, Falklandinsuloj kaj Peruo, kaj ĝi estas vaganta al Urugvajo.[2] Ĝiaj naturaj vivejoj estas ŝtonaj marbordoj. Ĝi manĝas en la intertajda zono sur ŝtonaj marbordoj, en rokaj flakoj kaj sur ŝtonaj strandoj. Malofte, ĝi povas troviĝi sur sablaj strandoj ĉasante krabojn.[3]
Statuso
[redakti | redakti fonton]La IUCN taksas la nigran hematopon kiel "Malplej Zorgiga". Ne klaras ĉu la populacio pliiĝas aŭ malpliiĝas, sed la birdo havas tre vastan teritorion kaj totalan populacion laŭtakse iom inter 15 000 kaj 80 000 individuoj.[2]
Bildaro
[redakti | redakti fonton]-
Paro plukomanĝanta -
Surroke -
Ovo de Haematopus ater - MHNT
Referencoj
[redakti | redakti fonton]- ↑ New Species Protection Code of Conduct guides EU businesses towards nature protection (28a de Oktobro 2021).
- ↑ 2,0 2,1 BirdLife International (2016). "Haematopus ater". IUCN Red List of Threatened Species. 2016: e.T62015238A95185212. doi:10.2305/IUCN.UK.2016-3.RLTS.T62015238A95185212.en. Alirita la 12an de Novembro 2021.
- ↑ Blackish Oystercatcher – Haematopus ater | mundoazul. Arkivita el la originalo je 2011-02-24. Alirita 2011-02-03 .
Eksteraj ligiloj
[redakti | redakti fonton]- Mundo Azul 2011. Mundo Azul: Blackish oystercatcher