Walther Hermann Nernst

Walther Hermann Nernst

Nome orixinal	(de) Walther Nernst
Biografía
Nacemento	25 de xuño de 1864 Wąbrzeźno, Polonia (pt)
Morte	18 de novembro de 1941 (77 anos) Bad Muskau (pt)
Lugar de sepultura	Cemiterio municipal de Gotinga
Educación	Universidade de Würzburg (1886–) Universidade de Graz (1886–) Universidade Humboldt de Berlín (1885–) Universidade de Zürich (1883–) Universidade de Leipzig
Director de tese	Friedrich Kohlrausch (pt)
Actividade
Campo de traballo	Fisicoquímica
Lugar de traballo	Zürich Heidelberg Gotinga Leipzig Berlín Graz Múnic
Ocupación	químico, físico, profesor universitario
Empregador	Universidade de Gotinga Universidade Humboldt de Berlín Physikalisch-Technische Bundesanstalt (pt)
Membro de	Accademia delle Scienze di Torino (1905–) Real Academia das Ciencias de Suecia Academia de Ciencias de Hungría Academia de Ciencias de Rusia Academia Prusiana das Ciencias Academia de Ciencias da URSS Academia de Ciencias de Baviera Academia de Ciencias de Gotinga Leopoldina Royal Society
Participou en
1911	1st Solvay Conference on Physics (en)
Obra
Doutorando	Francis Simon (pt) , Karl Friedrich Bonhoeffer (pt) , Arnold Eucken (pt) , Fritz Lange (pt) , Robert von Lieben (mul) , Irving Langmuir, William Duane (pt) , Max Speter (en) , Kurt Wohl (en) , Hans Schimank (pt) , Hermann Schottky (en) , John Eggert (pt) , Friedrich Dolezalek (pt) e Frederick Lindemann (pt)
Familia
Cónxuxe	Emma Lohmeyer
Premios
(2011)  Salón da Fama dos Inventores Nacionais (2 de xuño de 1932)  Membro estranxeiro da Royal Society (1928)  Medalla Franklin (1920)  Premio Nobel de Química (1914)  Bunsen Medal (en) (1906)  Silliman Memorial Lectures (en)  Orde do Mérito das Ciencias e as Artes
Descrito pola fonte	Nordisk familjebok Dicionario Enciclopédico Brockhaus e Efron New Encyclopedic Dictionary (en)
Páxina web	nernst.de

Walther Hermann Nernst, nado en Briesen, (Prusia, hoxe Wąbrzeźno) o 25 de xuño de 1864 e finado en Ober-Zibelle (Alemaña) o 18 de novembro de 1941, foi un físico e químico alemán, Premio Nobel de Química en 1920.

Nado na Prusia occidental, considerábase alemán, aínda que de nai polaca.

Estudou nas universidades de Zürich, Berlín, Graz e Würzburg. Tras traballar algún tempo en Leipzig, desde 1891 exerceu como profesor de física na Universidade de Gotinga, onde, en 1895, fundou o Instituto de Química, Física e Electroquímica.

Posteriormente, en 1905 trasladouse á Universidade Humboldt de Berlín como profesor e director do Instituto de Química Física. En 1922 foi nomeado presidente do Instituto Fisicotécnico de Berlín-Charlottenburg, cargo que deixou en 1933. Desde entón dedicouse ao estudo da electroacústica e astrofísica.

Casou con Emma Lohmeyer en 1892 con quen tivo dous fillos e tres fillas.^[1]

Os seus traballos axudaron a establecer a moderna físico-química. Traballou nos campos da electroquímica, termodinámica, química do estado sólido e fotoquímica. Os seus descubrimentos inclúen a ecuación de Nernst.

Desenvolveu o chamado "teorema da calor", segundo o cal a entropía dunha materia tende a anularse cando a súa temperatura aproxímase ao cero absoluto, e que constitúe a Terceira Lei da Termodinámica. Recibiu o premio Nobel de Química, premio que foi anunciado o 10 de novembro de 1921 e entregado aquel mesmo ano.

Desenvolveu tamén unha teoría osmótica para explicar e determinar o potencial dos eléctrodos dunha pila de concentración e formulou a lei de distribución dunha materia entre dúas fases dadas.

Inventou a chamada lámpada de Nernst, cuxo filamento (constituído por óxidos de circonio e itrio) faise condutor ao quentarse, podendo alcanzar temperaturas superiores en máis de 1000 °C ás doutras lámpadas, máis eficaz que as antigas lámpadas de arco de carbón e que adoita empregarse como fonte de raios infravermellos.

A partir de 1933 dedicouse ao estudo da electroacústica e a astrofísica, inventou unha microbalanza, así como un piano eléctrico en colaboración coas compañías Bechstein e Siemens, e no que utilizou amplificadores de radio.

Na súa honra bautizouse ao asteroide (24748) Nernst descuberto o 26 de setembro de 1992 por Freimut Börngen e Ludtz D. Schmadel.

Commons ten máis contidos multimedia sobre:  Walther Hermann Nernst

• Premio Nobel de Química
• Potencial de eléctrodo
• Ecuación de Nernst

• Páxina web do Instituto Nobel, Premio Nobel de Química 1920 (en inglés)
• Biografía na páxina do Instituto Nobel
• Perfil de Walther Hermann Nernst NNDB (en inglés)

Predecesor: Fritz Haber

Premio Nobel de Química 1920

Sucesor: Frederick Soddy