ბადრიჯანი
| ბადრიჯანი | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 ბადრიჯანი |
||||||||||||||||||
| მენცარული კლასიფიკაცია | ||||||||||||||||||
|
||||||||||||||||||
| ლათინური ჯოხო | ||||||||||||||||||
| Solanum melongena L. | ||||||||||||||||||
| თხილუაშ სტატუსი | ||||||||||||||||||
|
ბადრიჯანი ვარ-და რუმე გუმნაღელამი ჯოღორიშ მაჸურზენაია (ლათ. Solanum melongena) — მიარეწანიანი ჩანარი ჯოღორიშ მაჸურზენაიაშობურეფიშ ფანიაშე. სიტიბაშ (20-30 °C) დო სილამეშ მოჸოროფე კულტურა.
ბადრიჯანიშ ოდაბადე რე ბჟაეიოლი ინდოეთი. ტყას ჩანს ობჟათე-ბჟაეიოლ აზიას (ინდოეთი, მიანმარი დო შხვა), ტროპიკულ ორტყაფუს კულტივირაფილი რე ანდაწანიან ჩანარო. მოლენკავკაციაშ რესპუბლიკეფს, რუსეთიშ დო უკრაინაშ ობჟათეშე, მოლდოვას დო მორჩილ აზიას მოჸუნა ღილე გრუნტის.
გუმნაღელი იკათუანს (%-ობათ): 7,1-11 სქირე ნიფთიარობას, 2,7 - 4 შანქარს, 0,6-1,4 ცილას, 0,1-0,4 ციმუს, თაშნეშე კალციუმიშ, ფოსფორიშ, რკინაშ დო შხვა ჯიმუეფს. ბადრიჯანს გიმირინუანა საკონსერვე წარმებას დო კულინარიას. მოფვალირი რე ჯიშეფი: დელიკატესი 163, დონური 14, გირძე იაიაშფერი 239, სიმფეროპოლური 105, საკონსერვე 10 დო შხვა.
მოსალობა 1530 ტ/ჰა. სუბტროპიკულ დო ზომიერი ჰეერიშ ქიანეფს ბადრიჯანი მოჸუნა მუჭოთ ართწანიანი კულტურა ნერგიშ გიშაჸონაფაშ მეთოდით. ივანე ჯავახიშვილიშ ჩინებათ, საქორთუოს ბადრიჯანი ჩინებული ჸოფე XII ოშწანურაშახ. ოკათე სელექციათ გოჭყაფილი რე აბანობური ჯიშები. რესპუბლიკას დორაიონაფილი ჯიშეფი რე: გარდაბანული, ბულგარული 014, შავგვრემანი. ბადრიჯანიშ მანებელეფი რე: მინდორიშ ბაღლინჯო, მახრაშობურეფი დო შხვა. ლახარეფი: სქირე სიჸორადე, ფილტოფთორა, ბჟღირაფა.
ლიტერატურა
[რედაქტირაფა | წყუშ რედაქტირაფა]- კვაჭაძე გ., ქორთული სხუნუეფიშ ენციკლოპედია, ტ. 2, ხს. 137, ქართი, 1977 წანა.