Эйнштейн, Альберт

Альберт Эйнштейн
нем. Albert Einstein
Төрүттүнген хүнү	1879 марттың 14(1879-03-14)[1][2][3][…]
Мөчээн хүнү	1955 апрельдиң 18(1955-04-18)[4][2][3][…] (76 хар)
Чурт	Германская империя[d][5][6] апатрид[d][7]  Швейцария[8]  Цислейтания[d][5]  Веймарская республика[d][9]  Германия[10][8]  Американың Катышкан Штаттары[d][5]
Ашаа азы кадайы	Милева Эйнштейн-Марич[d][8] биле Эльза Эйнштейн[d][8]
Автограф

Альберт Эйнштейн (нем. Albert Einstein; март 14, 1879, Германия - апрель 18, 1955, АКШ) — физик-теоретик, амгы теоретиктиг физиканы үндезилээннерниң бирээзи, 1921 чылда физикага Нобель шаңналының лауреады, хөй-ниити ажылдакчызы. Германияга (1879—1893, 1914—1933), Швейцарияга (1893—1914) болгаш АКШ-ка (1933—1955) чурттап чораан. Делегейде 20 хире кол университеттерниң хүндүлүг доктору, элээн хөй Эртемнер Академиязының кежигүнү, ооң иштинде ССРЭ-ниң ЭА-ның даштыкы хүндүлүг кежигүнү.

А. Эйнштейн – физика талазы-биле 300 ажыг эртем ажылдарының автору, оон ыңай 150 номнар болгаш эртем философиязынга, төөгүге база оон-даа өске эртемнерге хамаарышкан чүүлдерниң автору.

Альберт Эйнштейн 1879 чылдың март 14-те Германияның өвүр чарыында Ульм деп хоорайга бай эвес еврей уктуг өг-бүлеге төрүттүнген.

Адазы, Герман Эйнштейн (1847-1902) ол үеде матрацтарга болгаш периналарга чүг дыгыы бүдүрер улуг эвес предприятиениң ээзи турган. Авазы, Паулина Эйнштейн (төрүмелинде Кох, 1858-1920) кукурузалар садар шору бай өг-бүлеге төрүттүнген^[11]. 1880 чылдың чайынында өг-бүлези Мюнхенче көжү�� чоруй барганнар. Аңаа Герман Эйнштейн акызы Якоб-биле электри херекселдери садар улуг эвес фирма ажыдып алган. Мюнхенке Альберта Мария деп кыс дуңмазы төрүттүнген (Майя, 1881-1951).

Эйнштейн эге билигни тус черниң католиктиг школазынга алган. Ооң бодунуң сактыышкыннарындан алырга ол бичиизинде ханы шажынчы байдалдыг турган, оон тура 12 харлыында адырылган. Эртем номнары номчуп тургаш ол Библия номунда бижип каан чүүлдер шынга дүүшпес, а күрүне аныяк салгалды мегелээр сагыштыг деп билген. Ол бүгү ону бот бодалдыг болгаш авторитеттерге кезээ каралыг хамааржыр кылдыр болдурган^[12]. Сөөлүнде ол бичии турда эң күштүг чүүлдер дээрге компас, Евклидтиң "Начала" оон Иммануил Кантдың "Арыг угаанның шүгүмчүлели" турган деп сагынган. Оон аңгыда ол авазының чугаалааны-биле алды харлыындан эгелеп скрипкага база ойнап эгелээн. Назынынының иштинде ол хөгжүмге сундулуун кагбаан.

1. ↑ https://www.ige.ch/de/ueber-uns/einstein.html
2. ↑ ^{2,0 2,1} Bibliothèque nationale de France идентификатор BNF (фр.): платформа открытых данных — 2011.
3. ↑ ^{3,0 3,1} Архив по истории математики Мактьютор — 1994.
4. ↑ Эйнштейн Альберт // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1978. — Т. 29 : Чаган — Экс-ле-Бен. — С. 578—579.
5. ↑ ^{5,0 5,1 5,2} https://www.einstein-website.de/z_information/verschiedenes.html
6. ↑ JSTOR — 1995.
7. ↑ http://www.einsteinsommerhaus.de/index.php?id=539&no_cache=1
8. ↑ ^{8,0 8,1 8,2 8,3} Каталог Немецкой национальной библиотеки (нем.)
9. ↑ http://www.einsteinsommerhaus.de/index.php?id=539
10. ↑ https://newspapers.ushmm.org/events/albert-einstein-quits-germany-renounces-citizenship
11. ↑ Einstein: Science and Religion. Short life history: Pauline Einstein Archived 2011-07-22 at the Wayback Machine
12. ↑ Einstein: Science and Religion. Becoming a Freethinker and a Scientist

Бо дээрге белеткеп каан чүүл-дүр. Эдип база немеп тургаш, ук төлевилелге дузалап болур силер.

Өске дылдың Википедиязында бо чүүлден хөй кылдыр бижип каан чүүл бар: Альберт Эйнштейн (орус) Ук чүүлдү өске дылдың Википедиязындан очулдургаш, төлевилелге дузалап болур Силер.