Вікіпэдыя:Правіла пра пароль

Гэтая старонка — частка правілаў Вікіпэдыі. Пададзеным тут нормам мусяць падпарадкоўвацца ўсе ўдзельнікі. Перад рэдагаваньнем упэўніцеся, што зьмены адпавядаюць пагадненьню. Калі маеце сумневы, сьпярша абмяркуйце зьмены на старонцы абмеркаваньня.

Гэта падсумаваньне Правіла пра пароль.

Пароль — важны складнік кампутарнай бясьпекі. Кепска падабраны пароль можа прывесьці да недазволенага доступу да ўліковага запісу. Гэта можа мець наступствы, якія ставяць пад пагрозу бясьпеку і прыватнасьць іншых удзельніц і ўдзельнікаў. Моцны пароль ня толькі бароніць асобу, але Вікіпэдыю і Вікірух у цэлым. Гэтае правіла ахоплівае кожнага, хто зарэгістраваў уліковы запіс у Вікіпэдыі.

Патрабаваньні да паролю:

1. прынамсі 8 знакаў;
2. адсутнічае ў сьпісе 100 000 найбольш пашыраных у выкарыстаньні пароляў (у Бібліятэцы звычайных пароляў);
3. адрозьніваецца ад імя карыстальніцы(-ка).

Пры гэтым, пароль мае налічваць прынамсі 10 знакаў, калі карыстальнік(-ца) у суполцы робатаў або належыць да ліку адміністратараў, бюракратаў, рэдактараў фільтру злоўжываньняў, адміністратараў інтэрфэйсу, сьцюардаў ці правяральнікаў удзельнікаў.

Дружына бясьпекі «Вікімэдыі» можа запатрабаваць зьмяненьня пароляў усіх карыстальніц і карыстальнікаў у выпадку здарэньня.