Інстытут арганічнай хіміі НАН Украіны
| Інстытут арганічнай хіміі Нацыянальнай акадэміі навук Украіны | |
|---|---|
 | |
| Міжнародная назва | Institute of Organic Chemistry of the National Academy of Sciences of Ukraine |
| Дата заснавання | 1939 |
| Дырэктар | Міхаіл Уладзіміравіч Воўк |
| Юрыдычны адрас |
 Украіна, 02660 Кіеў,вул. Акадэміка Кухара, 5 |
| Сайт | ioch.kiev.ua/uk/golovna |
 Медыяфайлы на Вікісховішчы | |
Інстытут арганічнай хіміі НАН Украіны — навукова-даследчая ўстанова ў складзе Аддзялення хіміі Нацыянальнай акадэміі навук Украіны, займаецца навуковымі даследаваннямі ў галіне тэарэтычных і эксперыментальных даследаванняў будовы, тэорыі колеру і рэакцыйнай здольнасці арганічных злучэнняў; тонкага арганічнага сінтэзу; хіміі гетэраатамных арганічных злучэнняў; надмалекулярнай хіміі макрацыклічных злучэнняў; навуковых асноў сінтэзу злучэнняў з практычна карыснымі ўласцівасцямі, у тым ліку фізіялагічна актыўных рэчываў, цыянінавых фарбавальнікаў, арганічных каталізатараў і комплексаўтваральнікаў.
Гісторыя
[правіць | правіць зыходнік]Заснаваны ў 1939 годзе на базе Інстытута хімічнай тэхналогіі АН УССР і сектара арганічнай хіміі Інстытута хіміі АН УССР.
За гады свайго існавання інстытут стаў заснавальнікам некалькіх хімічных устаноў. У 1958 годзе на базе лабараторыі высокамалекулярных злучэнняў быў арганізаваны Інстытут хіміі палімераў і манамераў АН УССР. У 1987 годзе на базе Аддзялення біяарганічнай хіміі быў створаны Інстытут біяарганічнай хіміі АН УССР.
Структура
[правіць | правіць зыходнік]- Аддзел хіміі фосфарарганічных злучэнняў
- Аддзел колеру і будовы арганічных злучэнняў
- Аддзел хіміі элементаарганічных злучэнняў
- Аддзел хіміі функцыянальных гетэрацыклічных сістэм
- Аддзел хіміі макрацыклічных злучэнняў
- Аддзел медыцынскай хіміі
- Аддзел фізіка-хімічных даследаванняў
- Аддзел хіміі фторарганічных злучэнняў
- Аддзел хіміі арганічных злучэнняў серы
