Isabey masjidi
| Masjid | |
 | |
| Isabey masjidi | |
| Mamlakat |  Turkiya
|
| Shahar | Izmir |
| Joylashuvi | Selçuk tumani, Egey mintaqasi |
| Meʼmoriy uslub | Islom, Saljuqiylar meʼmorchiligi |
| Meʼmor | Şamlı Dımışklıoğlu Ali |
| Binokorlik sanasi | 1374–1375-yillar |
| Gumbazlar soni | 2 |
| Gumbazlar soni | 2 |
| Minoralar soni | 1 |
| Minoralar soni | 1 |
| Qurilish materiali | yoʻnilgan tosh, marmar, gʻisht |
 Isabey masjidi Vikiomborda
| |
Isabey masjidi (turkcha: İsa Bey Camii) – 1374–1375-yillarda qurilgan masjid[1], Onadoʻli beyliklaridan qolgan eng qadimgi meʼmoriy sanʼat asarlaridan biri. Izmirning Selçuk shahridagi Ayasluğ tepaliklari etagida joylashgan.
Tarixi
[tahrir | manbasini tahrirlash]Bino suriyalik meʼmor Ali ibn Mushaimish ad-Dimashqiy tomonidan Aydınoğulları begi Isabey sharafiga qurilgan[2][3]. Masjid loyihasi Damashqdagi Umaviylar masjidi asosida ishlab chiqilgan[4].
1829-yilda kelib masjid vayronaga aylangan, 1842-yilda esa minora qulab tushgan[5]. XIX asrda karvonsaroy sifatida ham foydalanilgan. Masjidning yonida sakkizburchak shaklida tosh va gʻishtdan qurilgan, piramida shaklidagi tomga ega boʻlgan Saljuqiylar ehromi mavjud.
Meʼmorchiligi
[tahrir | manbasini tahrirlash]Masjid sharqiy va gʻarbiy tomonlarda joylashgan ikkita asosiy kirish eshigiga ega boʻlib, ichkarisida hovli va hovuz mavjud[6]. Gʻarbiy devorga yozuvlar va geometrik shakllar ishlangan. Bu devorlar marmar bilan qoplangan, qolgan tomonlari esa yo'nilgan toshdan qilingan. Diametri 9.4 metr (31 ft) va 8.1 metr (27 ft) boʻlgan gumbazlarining chetlari Iznik kafellari bilan bezatilgan. Ichki hovlida 12 ta ustunlar ayvonlarni oʻrab turadi. Gʻishtdan qurilgan minoraning poydevori sakkiz burchakli qilib qurilgan, uning balkondan yuqori qismi vayron boʻlgan. Masjidning gʻarbiy tomonida yana bir minora joylashgan boʻlib, ushbu minora hozirgi kunda butunlay vayron boʻlgan. Mehrob esa boshqa masjidga koʻchirilgan, chunki uning oʻrnida binoda yangi eshik ochilgan.
Galereya
[tahrir | manbasini tahrirlash]-
Iso Bey masjidining tashqi ko'rinishi -
Hovliga kirish -
Masjidga kirish -
Masjidning ichki qismi -
Reja
Yana qarang
[tahrir | manbasini tahrirlash]Manbalar
[tahrir | manbasini tahrirlash]- ↑ The Evolution of Architectural Form in Turkish Mosques (1300-1700), Suut Kemal Yetkin, Studia Islamica, No. 11 (1959), 76-77.
- ↑ Bloom, Jonathan M. (1993). "On the Transmission of Designs in Early Islamic Architecture". Muqarnas 10: 21–28. doi:10.2307/1523168.
- ↑ Behrens-Abouseif, Doris. The Arts of the Mamluks in Egypt and Syria: Evolution and Impact (en). V&R unipress GmbH, 2012. ISBN 978-3-89971-915-4.
- ↑ Bloom, Jonathan. Grove Encyclopedia of Islamic Art & Architecture: Three-Volume Set. OUP USA, 14 May 2009 — 142–143-bet. ISBN 978-0-19-530991-1.
- ↑ Michael Greenhalgh, From the Romans to the Railways: The Fate of Antiquities in Asia Minor, (Brill, 2013), 90.
- ↑ Bloom, Jonathan. Grove Encyclopedia of Islamic Art & Architecture: Three-Volume Set. OUP USA, 14 May 2009 — 142–143-bet. ISBN 978-0-19-530991-1.
Adabiyotlar
[tahrir | manbasini tahrirlash]- Bayrak, Orhan M. (1994). p. 407, Türkiye Tarihi Yerler Rehberi (expanded 3rd edition). İnkılâp Kitabevi. ISBN 975-10-0705-4.
Havolalar
[tahrir | manbasini tahrirlash] |
Vikiomborda Isabey masjidi haqida turkum mavjud |
- Isabey masjidining tarixi va meʼmorchiligi koʻplab fotosuratlar bilan (Wayback Machine saytida 2021-09-16 sanasida arxivlangan)
- Isabey masjidi tasvirlari (Wayback Machine saytida 2021-12-03 sanasida arxivlangan)
- Masjidning 30 dan ortiq rasmlari
- Iso Bey masjidiga tashrif – Suratlar kiritilgan
