28 декември

<<	декември					>>
Н	П	В	С	Ч	П	С
01	02	03	04	05	06	07
08	09	10	11	12	13	14
15	16	17	18	19	20	21
22	23	24	25	26	27	28
29	30	31
2024

28 декември — 362-иот ден во годината според грегоријанскиот календар (363-и во престапна година). Остануваат 3 денови до крајот на годината.

Настани:

1895	Во Париз, во просториите на „Гранд кафе“, браќата Луј и Огист Лимиер, организираа прва филмска проекција. Тоа беа првите „подвижни слики“ во историјата, кратки филмови. Оваа филмска претстава предизвика воодушевување кај публиката и се смета за датум на раѓањето на кинетомаграфијата. Само десет години подоцна, битолските браќа Манаки, Јанаки и Милтон, го снимија првиот филмски кадар на Балканот.
1908	Од земјотрес во Месина и Калабрија, во Италија, загинаа околу 83.000 лица.
1943	Во селата Прждево и Клисура, кај Неготино, партизанскиот баталјон „Страшо Пинџур“ ги нападна германските делови за врска и деловите за противавионски из��идувања. По куса борба кај селото Прждево, загинаа седум германски војници, додека нападот врз селото Клисура, не успеал поради интервенција на бугарските единици од Кавадарци и Демир Капија.
1944	Во Скопје почна тридневната работа на Второто (вонредно) заседание на АСНОМ.
1944	Во Скопје почна да работи Радио Скопје на куси бранови од 50 метри на македонски јазик. Првата емисија што ја емитуваше беше преносот од Второто (вонредно) заседание на АСНОМ.
1995	Од космодромот во Бајконур, Казахстан, од една руска носечка ракета, е лансиран сателит од индиско производство. Заедно со сателитот беше уште едно летало, наречено „Скипер“, сопственост на Универзитетот во Јута, САД.
1997	Долготрајните недоразбирања во Австралиската епархија на МПЦ, во Мелбурн кулминираа и со масовна тепачка меѓу приврзаниците на спротивставените страни (на приврзаниците и противниците на владиката Петар), пред редовната богослужба во МПЦ „Свети Ѓорѓи“ и „Пресвета Богородица“, во мелбурнското предградие Епинг.

Родени:

1713	Никола Луј де Лакај — француски астроном.
1856	Вудро Вилсон — претседател на САД.
1885	Владимир Татлин — руски и советски сликар и архитект.
1887	Валтер Рутман — германски експериментален режисер.
1888	Фридрих Мурнау — германски режисер.
1903	Џон фон Нојман — унгарско-американски математичар и физичар.
1934	Меги Смит — англиска глумица.
1950	Алекс Чилтон — американски поп-рок музичар, член на групата „Биг стар“ (Big Star).
1954	Дензел Вашингтон — американски глумец.
1961	Бошко Ѓуровски — македонски фудбалер.
1962	Мишел Петручијани — француски џез-музичар.
1972	Патрик Рафтер — австралиски тенисер.
1978	Џон Леџенд — американски пејач.
1981	Сиена Милер — британско-американска глумица.
1982	Милан Барош — чешки фудбалер.
1990	Маркос Алонсо Мендоса — шпански фудбалер.

Починале:

1694	Марија II — кралица на Англија.
1703	Мустафа II — отомански султан.
1925	Сергеј Александрович Есенин — руски поет.
1937	Морис Равел — француски композитор.
1945	Теодор Драјзер — американски писател.
1984	Сем Пекинпо — американски филмски режисер.
2001	Џемаил Максут — македонски театарски и филмски глумец.
2001	Атанас Петровски — македонски филмски режисер и продуцент.
2004	Сузан Зонтаг — американска писателка.
2005	Стево Жигон — југословенски и српски глумец.
2010	Атина Бојаџи — македонска маратонка во пливање.
2015	Леми Килмистер — англиски рок-музичар, член на групата „Моторхед“.
2015	Џон Бредбери — англиски рок-музичар, тапанар на ска-групата „Спешлс“ (The Specials).
2016	Деби Рејнолдс — американска глумица и пејачка.