Portugal

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

Portugal is 'n rippebliek op 't Iberisch sjiereiland, ten weste vaan Spaanje. 't Land grens aon gein aander land es Spaanje en ligk oostelek vaan de Atlantische Oceaan. De naom kump vaan 't hybride Portus Kale ("sjoene have"), 'ne Latiens-Griekse naom veur de stad Porto. Hoofstad en groetste stad is Lissabon; aander stei zien Coimbra, Faro en Porto.

De inwoeners vaan Portugal neump me Portugeze.

Betrach Bestuurleke indeiling vaan Portugal veur 't hoofartikel euver dit óngerwerp.

Portugal is besjtuurlik ingedeildj in achtieën districte (distritos) op 't vastelandj en twee autonoom regio's (regiões autónomas) mit eine gouverneur, de Azore en Madeira. De districte zeen ongerverdeildj in 309 gemeintes, die op häör beurt weer zeen ongerverdeildj in 4.261 freguesias (deilgemeintes mit ein eige besjtuur).

Vreuger waas Portugal verdeildj in elf provincies (van noord nao zuid): Minho, Trás-os-Montes, Alto Douro, Douro Litoral, Beira Alta, Beira Baixa, Estremadura, Ribatejo, Alto Alentejo, Baixo Alentejo en Algarve.

1. Aveiro
2. Beja
3. Braga
4. Bragança
5. Castelo Branco
6. Coimbra
7. Évora
8. Faro
9. Guarda
10. Leiria
11. Lissabon
12. Portalegre
13. Porto
14. Santerém
15. Setúbal
16. Viana do Castelo
17. Vila Real
18. Viseu

In Portugal weurdj Portugees gesjpraoke. In'ne sjtreek rondj Miranda do Douro, ein plaats en gemeinte in 't noordooste van Portugal is 't Mirandees erkindj es minderheidstaal. Miranda do Ouro ligk aan'ne rivier de Ouro, ein van'ne grotere riviere in Portugal.

Ongeveer 81% van'ne Portugeze is katholiek, wobie in Portugal aevegood de vrieheid van geluif geldj. 't Belangriekste plaetske veur pelgrims is 't bedevaartsoort Fátima. Dao zoew de heilige maag Maria in 1917 veur drie Herderskienjer zeen versjene.