Brtqqiz

Tamazirt n brtqqiz niɣ d tagdudant n Brtqqiz (Repulica Portuguesa) tga yat tmazirt imẓẓiyn n Urupa illan ɣ iffus nns, tili ɣ utaram n yat tsga mi ttinin tagzirt Taybirit, tzdi d Ssblyun ɣ ugmmuḍ nns d uẓẓlmḍ nns, tmḥidi d ugaru Aṭlanṭi ɣ utaram nns.^[1] Licbuna ad igan tamaẓunt n tmazirt ad d tmdint nns akkʷ mqqurn, tutlayt nns tamaddudt tga Tabrtqqizt. Tuggt n yikalln nns gan ɣar timsal, llan kra idrarn ngr as d Sblyun, imma tawwṭfa n wakal nns tgadda d 91,982 Km², mayad iɣ ur nḥasb tigzirin nns yaḍnin zun d "Azuris" d "Maḍiṛa" d "Makaw".^[1]

Ibrtqizn illa darsn yan yiḍiṣ ur imẓẓiyn ɣ umzruy n tmazirt n Sus d Lmɣrib.

Brtqqiz

awank ilan abaḍ, timizar, puissance coloniale

Yamu ɣ	Europe Sud-Ouest, Union européenne, Espace économique européen, Europe du Sud
Asakud n ussrsl nɣ isllwi	23 Mayyu 1179
Ism s tutlayt taymmat	Portugalská republika, República Portuguesa, la République portugaise
Ism amaddud	Portugalská republika, Portugal, la République portugaise, República Portuguesa
Ism ɣ tutlayt taẓuṛant	República Portuguesa, Portugal
Ism agʷzzal	🇵🇹
Transcription API	pərtʊˈɡalʲɪjə
Nommé(e) en référence à	Portus Cale
Tutlayt tamaddut	Tutlayt Tabṛṭqqizt, Tutlayt Tamirandit
Hymne	A Portuguesa
Culture	culture du Portugal
Énoncé de la devise	Europe's West Coast, Arfordir Gorllewin Ewrop
Tamnẓawt	Urupa
Tamazirt	Brtqqiz
Tamaẓunt	Lisbonne
Agmmaḍ akudan	UTC±00:00
Baigné par	Agaru Aṭlanti
Asdɣr ajɣrafi	péninsule Ibérique
Ismlan ijɣrafiyn	38°42′0″N 9°11′0″O
Coordonnées du point le plus à l'est	41°34′30″N 6°11′25″O
Coordonnées du point le plus au nord	42°9′15″N 8°11′56″O
Coordonnées du point le plus au sud	36°57′37″N 7°53′13″O
Coordonnées du point le plus à l'ouest	38°46′52″N 9°30′2″O
Ida akkʷ yattuyn	Ponta do Pico
Ida akkʷ izdrn	Agaru Aṭlanti
Régime politique	tagduda
Fonction occupée par le chef d'État	président de la République portugaise
Ixf n uwank	Marcelo Rebelo de Sousa
Poste occupé par le chef de l'exécutif	Premier ministre du Portugal
Chef ou cheffe de l'exécutif	António Costa
A pour gouvernement	conseil des ministres
Tanbaḍt tamzzgart	Gouvernement du Portugal
Assemblée délibérante	Assemblée de la République
Corps judiciaire suprême	Tribunal suprême de justice
Lbank anammas	banque du Portugal
Jour férié	Jour du Portugal, Republic Day
Adrim	euro
Idra iwtta d	Ṣbanya
Conduite à	droite
Prise électrique	Europlug, Schuko
Précédé par	royaume de Portugal
Remplace	Empire colonial portugais, royaume de Portugal
Discipline dont c'est l'objet	études portugaises
Asit amaddud	https://www.portugal.gov.pt/en/gc21
Hashtag	Portugal
Domaine internet	.pt
Acnyal	drapeau du Portugal
Blasonnement	armoiries du Portugal
Géographie	géographie du Portugal
Caractérisé par	pays libre
Histoire	histoire du Portugal
Saint patron	Georges de Lydda
Sens de circulation des trains	gauche
Portail open data	Open Data Portugal
Économie du sujet	économie du Portugal
Démographie du sujet	démographie du Portugal
Date d'initialisation du calendrier grégorien	15 Kṭubr 1582
Niveau de zoom OpenStreetMap	6
Code pays pour mobile	268
Indicatif téléphonique national	+351
Préfixe interurbain	aucune valeur
Numéro d'appel d'urgence	112
Préfixe pays GS1	560
Plaque d'immatriculation	P
Chiffres d'identification maritimes	263
Caractère Unicode	🇵🇹
Catégorie pour cartes géographiques	Category:Maps of Portugal

Yat 5000 n usggʷas ayad, middn lli tt inn kkan zdɣnin ɣ Brtqqiz ar asn ttinin ayt ibirya, ɣ ifili n tasutin rad d sul ackin kra n tigrummiwin yaḍnin n imzdaɣn zun d Ifiniqn, iqṛṭajiyyn, Isiltiyyn, Igrikn, Iṛmmuyn, Wiziguṭṭ, ula Imaziɣn.^[1]

Ddrn ibrtqqizn f tfllaḥt d ma srs ittyagaln zun d tifiyyi n imugayn, ifullusn, asngar, aḍil d unẓiẓ, akʷfay, baṭaṭa, timiṭac.^[1] Ddrn daɣ f tgmrt n yislman zun d ssrdin d ttuna, tamguri dɣ nttat dars yat taɣamt ɣ tdamsa nnsn zun d tasbbabt n ssima, ibrdan slawan win taḍuṭ, Asiṛamik, Atrisinti, tiɣawsiwin n utci, uṛẓiyyn... Imma ɣ ma izdin d izgndrn (lmɛdn) aylli d ṭṭayn iga t tamriwin (yan wanaw n yiẓṛan).^[1]

Ɣ gr isggʷasn n 1400 d 1500 rad ssntin kra n ibṛṭqizn ad staran ɣ umaḍal, azmz-ad ittyawsmma "Azmz n twafit immqurn" , ɣ wakud ann a rad bnun Yibrtqqizn tamnukda Tabrtqqizt mqqurn tizi lli rad srsn afus f mad ur idrusn ɣ yidɣarn ɣ Tfriqt ɣ Wasya ula ɣ Wamirika n iffus^[1], umẓn akkʷ kra n idɣarn ɣ tmizar n Iclḥiyyn zun d Agadir d Umgdul (Taṣṣuṛt), taḍuṛi nnsn rad tili f ufus n Yisɛdiyyn dffir n yimiɣ n wasif n Lmxazn.

Zrin ɣ umzruy n brṭqiz kada d mddn gan ayt waddur zun d:

• Fasku Di Gama.

• Hinri bu iɣrubba.

• Firnand Majillan.

• Ibn Ṣaḥib Ṣṣalat (إبن صاحب الصلاة)

• Firnanḍu Pissuwwa.

• Kristyanu Runalḍu.

• Amalya Rudrigiz.

• Anṭunyu Gutiric.

• Juzif Murinyu.

• Lwis De Kamuwis

ibrtqizn ur tn d yaɣ s tmizar n ccluḥ ar yan uzmz imaṭln lliɣ ran ad ẓṭṭeṭn aɣaras n iɣrrubba ngr Dkkala d Saw Xurxi di Mina, ukan timizar lli llanin ɣ yiffus n wasif n tansift ur ta sul ttyafant ɣ wakud ann, ibayn is gisnt illa lxir iggutn, idɣarn-ad ffuɣn afus n uwank Awṭṭaṣ gan win iguyya nnsn, Sus ɣ wakud ann zɛma ɣ tasut 16 n tlalit ikka tt inn iga yat ljnnt i yisbbabn d yat tasgrut ngr tsbbabt n tnsruft d ittackan ssɣ Tumbuktu d Sanigal, d ma illan ɣ ugafa n udrar n Drn zun d Mṛṛakc d Fas ar Yilel agrakal, bla ad nttu kullu izuɣaz n Sus win uzzal d nnqrt d wurɣ d ṣṣkkaṛ, yan umallas ism as Al Ɛumari isnɣms is d ɣ tizwiri n tasut 13 yan uzgn n ukilu n wanas win tmdult igadda d 2/3 n taẓayt nns d wurɣ. ¨Ɣ tizwiri n tasut 15 n tlalit rad txsi tmdult, tmmatti tsbbabt s Waqqa lli issixf yan urgaz ism as Sidi Muḥmmd u Mbark..^[2]

Ɣ usggʷas 1505 yan urgaz abrtqizi mi ism Jwaw lupiz Sikwira lli inbḍn Massa, iqbl as ugllid Abrṭqizi Manwil Amzwaru ad ibnu yan ugadir ifk as ism n "Santa Kruz di Kapu Agir", usun da isti ikka tt inn illa ɣ uḍaṛ n yan wawrir, tlla ɣinn yat tallɛint n waman, ula kra n yikalln xlfnin cwanin i tfllaḥt ɣ yan udɣar fkan as sul ism n Funti (ssɣ "Fonte" lli igan "tanuṭfi" s tutlayt tabiṭqizzt), Jwaw lupiz rad iṣṣṛṣu yan ubrgmmi n ukccuḍ tama n uɣbalu lli, isrs ɣ tama nns yat titmi n imrig (Artillerie) bac ad t ur zziwzn ayt tmazirt slawan gisn taqbilt n Yiksimn lli uginin tilit n iṛmmuyn ɣ tmazirt.^[3] Lliɣ ismd ifta s Tmraɣt (12 km ɣ ugafa n Ugadir) ibna yan ubrgmmi yaḍni f yan usulil illan tama nns ifka as ism n "Ben Miraw", imil iwin as t Iclḥiyyn, f ɣik ann, yiwrri nn s Ubrṭqiz dar ugllid Dum Manwil izznza as ibrgmmi-ad n Santa kruz s yat tassumt n 5.000 kruzadus n iqariḍn. Yazn ilmma ugllid Dum Manwil aqbṭan Fransisku di Kasṭṛu d yat tgrgurt n isrdadsn d imɛlmmiyn, isgudr mzyann ibrgmmi-lli, issutl-as gigan n igudar d imrig ẓẓaynin bac ad fllas isitti akkʷ azzaɣn n imknasn Iclḥiyyn lli d ttarmnin bla ṛṛmuyt ad as awin ibrgmmi nns lliɣ iɣama mnnaw isggʷasn, ɣ wakud ann nit issnti "Ccrif Asɛdi" ar ismuna ɣ imknasn d imnayn ssɣ tiqbilin n Sus d mad t inn iwalan, waxxa Dum di Fransisku di Kasṭṛu ibikks s 120 n imnayn n irgazn ṛwanin d 600 n isrdasn, ifka i yibrgmmi-ad tismt n Santa Kruz di Gi D Agwa Di Narba (Santa kruz acku tlla ɣ iggi nns yat tzggʷa n lmasiḥ).^[3]

1. ↑ ^{1,0 1,1 1,2 1,3 1,4} et ^1,5 The world Book Student Discovery Encyclopedia Vol.9
2. ↑ Socioeconomic Dimensions of Reconquista and Jihad in Morocco: Portuguese Dukkala and the Sadid Sus,[1] 1450-1557
3. ↑ ^3,0 et ^3,1 Chronique de Santa-Cruz du cap de Gué (Agadir)[2]
4. ↑ https://terriermichel.wordpress.com/agadir-rapide-survol-de-son-histoire/