Regina Cordium
 | |
|---|---|
.jpg) | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1860 |
| բարձրություն | 0,25 մետր |
| լայնություն | 0,2 մետր |
| ուղղություն | Պրեռաֆայելիտներ |
| նյութ | յուղաներկ և փայտե տախտակ |
| գտնվում է | Յոհաննեսբուրգի պատկերասրահ |
| հավաքածու | Յոհաննեսբուրգի պատկերասրահ |
Ծանոթագրություններ | |
 Regina Cordium by Dante Gabriel Rossetti (1860) Վիքիպահեստում | |
«Regina Cordium» (թարգմանաբար՝ «Սրտերի թագուհի»), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1860 թվականին։ Ներկայումս նկարը գտնվում է Յոհանեսբուրգի գեղարվեստական պատկերասրահի հավաքածուում։
Տեղեկություն նկարի մասին
[խմբագրել | խմբագրել կոդը]«Regina Cordium» կտավը Ռոսսետտին նկարել է Էլիզաբեթ Սիդալի հետ ամուսնությունից հետո՝ որպես ամուսնական դիմանկար[1]։ Անվանումը, որը թարգմանվում է որպես «Սրտերի թագուհի», նաև զուգորդում է առաջացնում խաղաթղթերից ագռավի թագուհու հետ, ինչն ընդգծել է նաև հենց Ռոսսետտին՝ նկարագրելով կտավը իր նամակներից մեկում[1]։
.jpg)
.jpg)
Նկարում մինչև ուսերը, ոսկեզօծ ֆոնին պատկերված է Էլիզաբեթ Սիդալը, որի ձեռքին ծաղիկ կա[2]։ Դիմանկարը ձեռք է բերել քննադատ Ջոն Ռասկինը, որին որոշ ժամանակ անց սկսել են դուր չգալ «կարմիր մազերը և մարջանե ուլունքները», և նա վաճառել է կտավը իր ընկերոջը[2]։ Արվեստաբան Ալիսթեր Գրիվը նկարն անվանել է «դիտավորյալ պարզամիտ» և նշել խաղաթղթին հատուկ դեկորատիվ տարրեր[1]։
1861 թվականին Ռոսսետտին պատվերով ստեղծել է իր ընկեր Ջոն Էլդոմ Հիթոնի կնոջ դիմանկարը բացարձակապես նույն կոմպոզիցիայով և ֆոնով, կրկնվել են նաև դետալները՝ արդուզարդը և ձեռքի ծաղիկը։ Այս նկարը ևս կոչվել է «Regina Cordium»[3]: Դիմանկարի ստեղծման համար նա հրավիրվել է Յորքշիրում գտնվող Հիթոնի առանձնատունը, որտեղ աշխատանքի համար անցկացրել է ամսից ավելի[4]։
1866 թվականին Ռոսսետտին ստեղծել է ևս մեկ «Սրտերի թագուհի», բայց այս անգամ արդեն բոլորովին այլ կոմպոզիցիայով և հերոսուհու կերպարով։ Բնորդուհին եղել է Ալեքսա Ուայլդինգը[2]։ Այս կտավում հերոսուհին ոսկեգույն ֆոնին պատկերված է բալի ծառի հետ։ Նկարի ոճը հիշեցնում է Միջնադարի նկարչությունը։ Նկարն առատ է խորհրդանշական դետալներով, որոնց մեծ մասը կապված է սիրո կամ սրտային խորհրդանշանների հետ. պարանոցին սրտաձև մանյակ, մեդալիոն կապված աչքերով Ամուրի պատկերով, հերոսուհու ձեռքին հիրիկ, իսկ առաջին պլանում՝ վարդեր[5]։
Նկարը ներկայումս գտնվում է Քելվինգրոուվ գեղարվեստական պատկերասրահի հավաքածուում։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Regina Cordium». Rossetti Archive (անգլերեն). Վերցված է 2016 թ․ հունվարի 10-ին.
- ↑ 2,0 2,1 2,2 Marillier, Henry Currie. Dante Gabriel Rossetti: an illustrated memorial of his art and life. — George Bell and Sons, Chiswick Press, Charles Whittingham and Co., 1899. — С. 107.
- ↑ «Regina Cordium». Rossetti Archive (անգլերեն). Վերցված է 2016 թ․ հոկտեմբերի 1-ին.
- ↑ «Regina Cordium». Rossetti Archive (անգլերեն). Վերցված է 2016 թ․ հոկտեմբերի 1-ին.
- ↑ «Dante Gabriel Rossetti - Regina Cordium : Alexa Wilding» (անգլերեն). Glasgow Museums. Արխիվացված է օրիգինալից 2016 թ․ հոկտեմբերի 3-ին. Վերցված է 2016 թ․ հոկտեմբերի 1-ին.
