Վլադիմիր Նաումով (կինոռեժիսոր)

Վլադիմիր Նաումով
Վլադիմիր Նաումով
Ծննդյան թիվ՝	դեկտեմբերի 6, 1927
Ծննդավայր՝	Լենինգրադ, ՌԽՖՍՀ, ԽՍՀՄ
Վախճանի թիվ՝	նոյեմբերի 29, 2021 (93 տարեկան)
Վախճանի վայր՝	Մոսկվա, Ռուսաստան
Քաղաքացիություն՝	ԽՍՀՄ; Ռուսաստան
Մասնագիտություն՝	կինոռեժիսոր, գրող, դերասան, սցենարիստ, թատերական ուսուցիչ, պրոդյուսեր, ռեժիսոր, մանկավարժ և կինոպրոդյուսեր
Պարգևներ՝	; և Ոսկե արծիվ
IMDb։	ID 0622643

Անվան այլ կիրառումների համար տե՛ս՝ Վլադիմիր Նաումով (այլ կիրառումներ)

Վլադիմիր Նաումովիչ Նաումով (ռուս.՝ Влади́мир Нау́мович Нау́мов, դեկտեմբերի 6, 1927(1927-12-06)^[1]^[2]^[3], Լենինգրադ, ՌԽՖՍՀ, ԽՍՀՄ^[3] - նոյեմբերի 29, 2021(2021-11-29)^[4], Մոսկվա, Ռուսաստան), խորհրդային և ռուս կինոռեժիսոր, սցենարիստ, դերասան, պրոդյուսեր և մանկավարժ: 1983 թվականին դարձել է ԽՍՀՄ ժողովրդական արտիստ^[5]:

Նա Սերգեյ Փարաջանովի դասընկերն էր խորհրդային կինոդպրոցում^[6]: 1977 թվականին եղել է Մոսկվայի 10-րդ միջազգային կինոփառատոնի ժյուրիի անդամ^[7]: Նրա 1981 թվականի «Թեհրան-43» ֆիլմը Մոսկվայի 12-րդ միջազգային կինոփառատոնում արժանացել է Ոսկե մրցանակի^[8]:

Կյանք և կարիերա

Նաումովը՝ կինոօպերատոր Նաում Նաումով-Ստրաժի որդին, 1947-1951 թվականներին սովորել է Իգոր Սավչենկոյի մոտ Մոսկվայի Գերասիմովի անվան կինեմատոգրաֆիայի համառուսական պետական ինստիտուտում (ՎԳԻԿ) և աշխատել է որպես նրա օգնականներից մեկը «Տարաս Շևչենկո» (1951) կենսագրական ֆիլմի վրա, որն ավարտել է իր դասընկեր Ալեքսանդր Ալովի հետ՝ Սավչենկոյի հանկարծակի մահից հետո: Այդ դեբյուտի հաջողությունից հետո Ալովը և Նաումովը սկսեցին ֆիլմեր նկարահանել Կիևի կինոստուդիայում՝ որպես թիմ «Ալով և Նաումով» անունով:

1983 թվականից հետո, երբ Ալովը մահացավ, Նաումովն ինքնուրույն նկարահանեց մի քանի ֆիլմ: Նրա առաջին ֆիլմը «Ընտրություն»-ն էր (1987թ): 1989 թվականին Նաումովն ավարտեց «Օրենք» ֆիլմը՝ հիմնված մի սցենարի վրա, որն արգելված էր ավելի քան 20 տարի առաջ: Այդ ֆիլմը և «Տասը տարի առանց նամակագրության թույլտվության» (1990թ) անդրադառնում են երկրի ստալինյան անցյալին: 1994 թվականի «Սպիտակ խնջույք» դրամայի սցենարը, որտեղ իր վերջին դերն է խաղացել Ինոկենտի Սմոկտունովսկին, Նաումովի և հայտնի իտալացի սցենարիստ Տոնինո Գուեռայի համագործակցության արդյունք էր: Գուեռայի հետ մեկ այլ նախագիծ՝ «Նարդոյի գաղտնիքը» ֆիլմը(1997/99թթ), գտնվում էր անվերջ ֆինանսական դժվարությունների մեջ և անցավ մի քանի փուլ, մինչև վերջապես 2001 թվականին թողարկվեց որպես «Ժամացույց առանց սլաքների» անվան ներքո: Ինչպես Նաումովի 1990-ականների մյուս ֆիլմերը, այն լրջորեն տուժեց Ռուսաստանի կինոարդյունաբերության ճգնաժամից և բավականին քիչ դիտումներ ունեցավ:

Նաումովը դասավանդում էր ՎԳԻԿ-ում 1980 թվականից, իսկ 1986 թվականին ստացավ պրոֆեսորի կոչում: 2000 թվականին նա սկսեց դասավանդել Մոսկվայի Նատալյա Նեստերովայի անվան մասնավոր համալսարանում^[5]:

Վլադիմիր Նաումովը մահացել է 2021 թվականի նոյեմբերի 29-ին, 93 տարեկան հասակում^[9]։

Ֆիլմագրություն

Նշում. մինչև 1987 թվականը բոլոր ֆիլմերը նկարահանվել են Ալեքսանդր Ալովի հետ

«Տարաս Շևչենկո» (1951թ)
«Անհանգիստ երիտասարդություն» (1954թ)
«Պավել Կորչագին» (1957թ)
«Քամի» (1959թ)
«Խաղաղություն ներս եկողին» (1961թ)
«Մետաղադրամ» (1965թ)
«Տգեղ պատմություն» (1966թ)
«Թռիչք» (1970թ)
«Լեգենդ Թիլի մասին» (1976թ)
«Թեհրան-43» (1981թ)
«Ափ» (1984թ)
«Ընտրություն» (1987թ)
«Օրենք» (1989թ)
«Տասը տարի առանց նամակագրության իրավունքի» (1990թ)
«Սպիտակ խնջույք» (1994թ)
«Նարդոյի գաղտնիքը» (1999թ)
«Ժամացույց առանց սլաքների» (2001թ)
«Ջոկոնդան ասֆալտի վրա» (2007թ)

Ծանոթագրություններ

↑ ^1,0 ^1,1 Наумов Владимир Наумович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^2,0 ^2,1 filmportal.de — 2005.
↑ ^3,0 ^3,1 ^3,2 ^3,3 ^3,4 Գերմանիայի ազգային գրադարանի կատալոգ (գերմ.)
↑ ^4,0 ^4,1 ^4,2 https://tass.ru/kultura/13053855
↑ ^5,0 ^5,1 Peter Rollberg (2009). Historical Dictionary of Russian and Soviet Cinema. US: Rowman & Littlefield. էջեր 484–485. ISBN 978-0-8108-6072-8.
↑ Source: [1] IMDb accessed on 12 August 2007
↑ «10th Moscow International Film Festival (1977)». MIFF. Արխիվացված է օրիգինալից 2013-01-16-ին. Վերցված է 2013-01-07-ին.
↑ «12th Moscow International Film Festival (1981)». MIFF. Արխիվացված է օրիգինալից 2013-04-21-ին. Վերցված է 2013-01-25-ին.
↑ «Lyubimova Expressed Condolences In Connection With The Death Of Vladimir Naumov» (բրիտանական անգլերեն). 29 November 2021. Արխիվացված է օրիգինալից 2021-11-29-ին. Վերցված է 2021-11-29-ին.

Արտաքին հղումներ

Vladimir Naumov Internet Movie Database կայքում

[_c6067b3665ca2f29-1] 1,0 ^1,1 Наумов Владимир Наумович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_206959a1441e3d24-2] 2,0 ^2,1 filmportal.de — 2005.

[_5a6238ee7f9ba83a-3] 3,0 ^3,1 ^3,2 ^3,3 ^3,4 Գերմանիայի ազգային գրադարանի կատալոգ (գերմ.)

[_e4c64c082db45e65-4] 4,0 ^4,1 ^4,2 https://tass.ru/kultura/13053855

[rollberg-5] 5,0 ^5,1 Peter Rollberg (2009). Historical Dictionary of Russian and Soviet Cinema. US: Rowman & Littlefield. էջեր 484–485. ISBN 978-0-8108-6072-8.

[6] Source: [1] IMDb accessed on 12 August 2007

[Moscow1977-7] «10th Moscow International Film Festival (1977)». MIFF. Արխիվացված է օրիգինալից 2013-01-16-ին. Վերցված է 2013-01-07-ին.

[Moscow1981-8] «12th Moscow International Film Festival (1981)». MIFF. Արխիվացված է օրիգինալից 2013-04-21-ին. Վերցված է 2013-01-25-ին.

[9] «Lyubimova Expressed Condolences In Connection With The Death Of Vladimir Naumov» (բրիտանական անգլերեն). 29 November 2021. Արխիվացված է օրիգինալից 2021-11-29-ին. Վերցված է 2021-11-29-ին.

[1]