Ֆաննի Կորնֆորտ

Ֆաննի Կորնֆորտ;
Ծնվել է	հունվարի 3, 1835
Ծննդավայր	Steyning, Horsham, Արևմտյան Սասեքս, Անգլիա, Մեծ Բրիտանիայի և Իռլանդիայի միացյալ թագավորություն
Մահացել է	փետրվարի 24, 1909 (74 տարեկան)
Մահվան վայր	Graylingwell Hospital, Չիչեստեր, Անգլիա, Մեծ Բրիտանիայի և Իռլանդիայի միացյալ թագավորություն
Քաղաքացիություն	Մեծ Բրիտանիայի և Իռլանդիայի միացյալ թագավորություն
Մասնագիտություն	բնորդ
	Fanny Cornforth Վիքիպահեստում

Ֆաննի Կորնֆորտ (անգլ.՝ Fanny Cornforth, հունվարի 3, 1835(1835-01-03), Steyning, Horsham, Արևմտյան Սասեքս, Անգլիա, Մեծ Բրիտանիայի և Իռլանդիայի միացյալ թագավորություն - փետրվարի 24, 1909(1909-02-24), Graylingwell Hospital, Չիչեստեր, Անգլիա, Մեծ Բրիտանիայի և Իռլանդիայի միացյալ թագավորություն), բնորդուհի, տնտեսուհի։

Դանթե Գաբրիել Ռոսսետտիի սիրուհին։

Կենսագրություն

Ծնվել է Սուսեքսում՝ դարբնի ընտանիքում, իսկական անունը Սառա Կոքս (անգլ.՝ Sarah Cox) է^[1]։ Ռոսսետտիի հետ ծանոթացել է 1858 թվականին՝ դառնալով նրա մոդելը և սիրուհին Էլիզաբեթ Սիդալի բացակայության ժամանակ։

Երբ 1860 թվականին Սիդալը վերադարձել է, Ռոսսետտիին ամուսնացել է նրա հետ, ի պատասխան՝ Կորնֆորտը ամուսնացել է մեխանիկ Տիմոթի Հյուզի (անգլ.՝ Timothy Hughes) հետ, բայց նրանք իրար հետ երկար չեն ապրել։

Էլիզաբեթ Սիդալի մահվանից հետո 1862 թվականին տեղափոխվել է Ռոսսետտիի մոտ որպես տնային տնտեսուհի, և նրանց հարաբերությունները տևել են մինչև մահ^[2]։ Միևնույն ժամանակ նկարիչը կապ է ունեցել Ջեյն Մորիսի հետ, որը ամուսնացած էր Ուիլյամ Մորիսի հետ, այդ պատճառով սիրավեպը հարկ է եղել գաղտնի պահել։

Ինչ վերաբերվում է Կորնֆորտին, նրա հարաբերությունները Ռոսսետտիի հետ ոչ մեկի համար գաղտնիք չէր։ Նա ծագումով աղքատ սոցիալական խավից էր և նրա անկրթությունն ու կոպիտ արտասանությունը ցնցում էին նկարչի ընկերներին^[2]։ Ժամանակի ընթացքում Կորնֆորտը խիստ ավելացրել է քաշը, ինչի համար Ռոսսետտիից ստացել է «Թանկագին փղիկ» մականունը^[3]։ Բաժանման մեջ գտնվելով՝ Ռոսսետտիին նկարում և նրան էր ուղարկում փղիկներ։

Հարազատների միջամտության պատճառով Ռոսսետտիի առողջական վիճակի խիստ վատթարացումից հետո Կորնֆորտը ստիպված էր 1877 թվականին լքել նրա տունը։ 1879 թվականի նոյեմբերին ամուսնացել է Ջոն Շոթի (անգլ.՝ John Schott) հետ^[3]։

Ռոսսետտիի մահվան հաջորդ տարում նա ամուսնու հետ բացել է Ռոսսետտիի պատկերասրահը, որպեսզի վաճառի իր ունեցած մի քանի նկարը։ Նրա ամուսինը մահացել է 1891 թվականին, և Կորնֆորտը մնացել է իր խոզարածի՝ Ֆրեդերիկի հետ մինչև նրա մահը՝ 1898 թվականը, որից հետո վերադարձել է Արևմտյան Սուսեքս՝ շարունակելով ապրել ամուսնու ընտանիքի հետ, մինչև որ կամքին հակառակ ուղարկվել է աշխատանքային տուն^[4]։

Կյանքի վերջում տառապել է ծերունական սկլերոզից և 1907 թվականի մարտի 30-ին ընդունվել Սուսեքսի հոգեբուժարան, որտեղ 1909 թվականի փետրվարի 24-ին մահացել է թոքաբորբից^[4]։

Նրա կենսագիր և արվեստի պատմաբան Կ. Ուոլքերի պնդմամբ՝ թաղվել է Չիչեստերի գերեզմանոցում և փաստաթղթերում հիշատակվում է որպես Սառա Հյուզ։ Նրա անանուն գերեզմանը, ինչպես ենթադրվում է, հայտնաբերվել է 2015 թվականին^[5]^[6]։

Բեռն-Ջոնսը նրան օգտագործել է որպես բնորդուհի «Հույս» նկարի համար, որն անավարտ է մնացել^[7]։

Նկարներում

1859 — Bocca Baciata (Գեղարվեստի թանգարան, Բոստոն).
1861 — Լուկրեցիա Բորջիա / Lucrezia Borgia
1861 — Հիասքանչ Ռոզամունդ / Fair Rosamund
1865 — Կապույտ տաղավարը
1868 — Լեդի Լիլիթ / Lady Lilith
1874 — Սուրբ Գրաալի կույսը

Կապույտ տաղավարը
Հիասքանչ Ռոզամունդ
«Լեդի Լիլիթ», 1868 թվական
«Սուրբ Գրաալի կույսը» (The Damsel of the Sanct Grael)

Ծանոթագրություններ

↑ «Fanny Cornforth».
↑ ^2,0 ^2,1 Шестаков В. П. Прерафаэлиты: мечты о красоте. — М.: Прогресс-Традиция, 2004. ISBN 5-89826-217-2.
↑ ^3,0 ^3,1 «Center for Whistler Studies». Վերցված է 2008 թ․ փետրվարի 7-ին.{{cite web}}: CS1 սպաս․ url-status (link)(չաշխատող հղում)
↑ ^4,0 ^4,1 Kirsty Stonell Walker (19-е марта 2015-го года). «Fanny Found».
↑ Kennedy, Maev (2015 թ․ ապրիլի 13). «From siren to asylum: the desperate last days of Fanny Cornforth, Rossetti's muse». The Guardian. 0261-3077. Վերցված է 2020 թ․ մայիսի 18-ին.
↑ silverforketiquette (2016 թ․ նոյեմբերի 2). «Whatever Happened to Fanny Cornforth?» (անգլերեն). The Victorianist: BAVS Postgraduates. Վերցված է 2020 թ․ մայիսի 18-ին.
↑ Stephanie Graham Pina (2015 թ․ օգոստոսի 24). «The bias against Fanny Cornforth» (ամերիկյան անգլերեն). Pre-Raphaelite Sisterhood. Վերցված է 2020 թ․ մայիսի 18-ին.

Վիքիպահեստն ունի նյութեր, որոնք վերաբերում են «Ֆաննի Կորնֆորտ» հոդվածին։

[1] «Fanny Cornforth».

[dreams-2] 2,0 ^2,1 Шестаков В. П. Прерафаэлиты: мечты о красоте. — М.: Прогресс-Традиция, 2004. ISBN 5-89826-217-2.

[whistler-3] 3,0 ^3,1 «Center for Whistler Studies». Վերցված է 2008 թ․ փետրվարի 7-ին.{{cite web}}: CS1 սպաս․ url-status (link)(չաշխատող հղում)

[:0-4] 4,0 ^4,1 Kirsty Stonell Walker (19-е марта 2015-го года). «Fanny Found».

[5] Kennedy, Maev (2015 թ․ ապրիլի 13). «From siren to asylum: the desperate last days of Fanny Cornforth, Rossetti's muse». The Guardian. 0261-3077. Վերցված է 2020 թ․ մայիսի 18-ին.

[6] silverforketiquette (2016 թ․ նոյեմբերի 2). «Whatever Happened to Fanny Cornforth?» (անգլերեն). The Victorianist: BAVS Postgraduates. Վերցված է 2020 թ․ մայիսի 18-ին.

[7] Stephanie Graham Pina (2015 թ․ օգոստոսի 24). «The bias against Fanny Cornforth» (ամերիկյան անգլերեն). Pre-Raphaelite Sisterhood. Վերցված է 2020 թ․ մայիսի 18-ին.

[1]