Gikan sa Bikol Sentral na Wikipedia, an talingkas na ensiklopedya
Iterbyo
An iterbyo (Ingles: ytterbium) iyo sarong elementong kimikal na may simbolong Yb asin atomikong bilang na 70. Ini an ika-14 asin penultimadong elemento sa lantanidong serye, na iyo an basehan kan relatibong kapusogan kan oksidasyong istadong +2 kaini. Alagad, arug kan iba pang mga lantanido, an pinakaaram na oksidasyong istado kaini iyo +3, arug sa oksido, halido, asin iba pang mga kompuwesto kaini. Sa tubigong solusyon, arug kan mga kompuwesto nin iba pang huring lantanido, an mga tunawong kompuwesto kan iterbyo minaporma nin mga komplekso sa siyam na molekula nin tubig. Huli sa saradong shell electron configuration kaini, an densidad asin an mga punto nin pagkatunaw asin pagkalakaga kaini iyo signipikong nalalain kumpara sa kadaklan nin iba pang mga lantanido.
An natural na iterbyo iyo salak nin pitong pusog na isotopo, na an gabos iyo presente sa mga konsentrasyon nin 0.3 parte kada milyon. An elementong ini iyo pigmimina sa Tsina, an Estados Unidos, Brasil, asin Indya sa porma nin mga mineral na monazite, euxenite, asin xenotime. An konsentrasyon nin iterbyo iyo hababa huli ta mahihiling sana ini sa pipirang ibang mga bihirang pankinabang elemento; dugang pa, ini saro sa mga pinakahababa an pagigin abundante. Kapag naguno asin napreparar, an iterbyo iyo may peligro sa pagtao nin irita sa mata asin onit. An metal iyo peligroso sa kalayo asin pagsabog.
