Ytterbium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Ytterbium is e sjemisch element mit es symboeal Yb en 't atoeamnómmer 70. 't Is e zilverwit lanthanied.

Ytterbium wuuertj ónger anger toepas in optische element, wie in glaasvezelversterkers, fosfore en lasers. Ouch vindj 't toepassing inne katalyse enne metallurgie.

't Metaal is zaach en neet al te bestenjig ane lóch. 't Los op in verdundje zoere en reageertj lankzem mit water. 't Óngergeit 'ne faaseuvergank bie 798 °C nao 'n liefgecentreerdje kubische structuur. 't Is e metaal, mer ónger hoeag drök gedruueg 't zich wie 'nen halfgeleier.

Ytterbiumsjemie wuuertj wie de meiste lanthaniedsjemie behieërs dore neiging drie elektrone aaf te staon en 'n Yb³⁺-ion te vörme. Ómdet de kónfiguraasje van dit ion aevel 4f¹³ is, óntbrèk mer ein elektron ane 4f-sjil. d'n Twieëwaerdigen toestandj Yb²⁺ mit 'n vól 4f¹⁴-kónfiguraasje kump daoveur ouch veur.

Wie al anger lanthanide kump ytterbium allein in gebónjen toestandj veur in sómmige minerale. De wichtigste commercieel brón is monaziet, det óngevieër 0,03% aan ytterbium bevatj.