നീർ‌വാളം

ഇംഗ്ലീഷ് വിലാസം

https://ml.wikipedia.org/wiki/Croton_tiglium

നീർ‌വാളം Purging Croton
Croton tiglium
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Malpighiales
Family:	Euphorbiaceae
Subfamily:	Crotonoideae
Tribe:	Crotoneae
Genus:	Croton
Species:	C. tiglium
Binomial name
Croton tiglium L.[1] (1753)

ഭാരതത്തിൽ മിക്കവാറും എല്ലായിടത്തും വളരുന്ന ഔഷധമൂല്യമുള്ള ഒരു സസ്യമാണ്‌ നീർ‌വാളം. മഴ കൂടുതൽ ലഭിക്കുന്ന സംസ്ഥാനങ്ങളായ കേരളം, അസ്സം, ബംഗാൾ എന്നിവിടങ്ങളിൽ കാട്ടുചെടിയായും ഇത് കാണപ്പെടുന്നു. യുഫോർബിയേസീ (Euphorbiaceae) സസ്യകുടുംബത്തിൽ ഉൾപ്പെട്ട ഇതിന്റെ ശാസ്ത്രീയനാമം ക്രോട്ടൺ ടിഗ്‌ലിയം (Croton tiglium). എന്നാണറിയപ്പെടുന്നത്^[2].

• സംസ്കൃതം - ജയപാല:, ദന്തിബീജ
• ഹിന്ദി - ജമൽഗോട്ട

• രസം - കടു, തിക്തം
• ഗുണം - ലഘു, രൂക്ഷം
• വീര്യം - ഉഷ്ണം

6 മീറ്റർ വരെ പൊക്കത്തിൽ വളരുന്ന ഒരു നിത്യ ഹരിതവൃക്ഷമാണിത്. 5 മുതൽ 10 സെന്റീമീറ്റർ വരെ നീളവും 3-7 സെന്റീമീറ്റർ വരെ വീതിയുമുള്ള ഇലകളാണ്‌ ഇതിനുള്ളത്. ഇലകളുടെ അരികുകൾ പല്ലുകൾ പോലെയാണ്‌. നീളമുള്ള ഇലത്തണ്ടുകളിലായി ഇലകൾ ക്രമീകരിച്ചിരിക്കുനു. ഏകലിംഗപുഷ്പങ്ങളാണ്‌ ഈ സസ്യത്തിനുള്ളത്. ആൺ പൂക്കളും പെൺ പൂക്കളും ഒരേ സസ്യത്തിൽ തന്നെ കാണപ്പെടുന്നു. പൂക്കൾ ചെറുതും പച്ചയും മഞ്ഞയും കലർന്ന തവിട്ട് നിറത്തിലുള്ളവയായി കാണപ്പെടുന്നു. ഒരു പൂവിൽ 5 ബാഹ്യദളങ്ങളും 5 ദളങ്ങളും ഉണ്ട്. 15-20 വരെ കേസരങ്ങൾ കാണപ്പെടുന്നു. മൂന്ന് വരിപ്പുകൾ ഉള്ള ഉരുണ്ട കായ്കളാണ്‌ ഇതിനുള്ളത്. അവയ്ക്ക് മൂന്ന് സെന്റീമീറ്ററോളം നീളവും കാണപ്പെടുന്നു. 8 ഞരമ്പുകൾ കാണപ്പെടുന്ന വിത്ത് ഏകദേശം 1 സെന്റീമീറ്റർ വരെ വലിപ്പമുള്ളതുമാണ്^[3]‌.

വേര്‌, ഇല, വിത്ത് എന്നിവയാണ്‌ ഔഷധയോഗ്യമായ ഭാഗങ്ങൾ

വിത്തുകൾ ശുദ്ധിചെയ്യുന്നതിനായി തോട് കളഞ്ഞ് ഗോമൂത്രത്തിലിട്ട് വേവിച്ച് ഊറ്റി ഉണക്കിയെടുക്കു��്നു.

1. ↑ "Croton tiglium information from NPGS/GRIN". Retrieved 2008-02-19.
2. ↑ "ayurvedicmedicinalplants.com-ൽ നിന്നും". Archived from the original on 2010-09-20. Retrieved 2010-02-09.
3. ↑ ഡോ.എസ്. നേശമണി. ഔഷധസസ്യങ്ങൾ . വാല്യം 11. The State Institute of Languages, തിരുവനന്തപുരം. പുറം 321-323

• ഔഷധസസ്യങ്ങളുടെ പട്ടിക