Масакр во Гуменџе

Масакр во Гуменџе ― масакр извршен врз 52-ца македонски и грчки борци, во мај/јуни, 1944 година.^[1]

Хронологија на настаните

Во мај 1944 година германските окупаторски војски започнале воени операции против единиците на ЕЛАС на планината Пајак. Воените операции биле неуспешни и германските сили претрпеле околу 10 жртви, меѓу кои загинал и еден грчки командант. По овој настан следела одмазда врз мирното население. Најпрво било запалено селото Голема Ливада, ограбени биле и други села, а уапсени повеќе од 100 патриоти - Македонци и Грци од Гуменџе и околината. Сите биле членови на КПГ и ЕАМ, додека Гоно Маслинчев и Танасис Александропулос биле кадри на КПГ во Гуменичко. На 8 мај бил обесен еден од уапсените лица, Г. Георгопулос, додека другите биле испратени во логорот во Солун „Павлос Мелас“.^[1]

По еден месец, 52 од уапсените повторно биле префрлени во Гуменџе и биле застрелани во месноста позната како „Чкрчишта“, на еден километар од градот. Уапсените биле стрелани по петмина, а потоа фрлани во еден необележан гроб.^[1]

Нивните последни зборови биле: „Да живее ЕЛАС! „Да живее КПГ!“ „Да живее слободата!“^[1]

Наводи

↑ ^1,0 ^1,1 ^1,2 ^1,3 Повеќе автори - Хр. Менчев (2009). For Sacred National Freedom (PDF). Австралија: Pollitecon Publications. стр. 97. ISBN 978-0-9804763-3-0.^{[мртва врска]}

[:0-1] 1,0 ^1,1 ^1,2 ^1,3 Повеќе автори - Хр. Менчев (2009). For Sacred National Freedom (PDF). Австралија: Pollitecon Publications. стр. 97. ISBN 978-0-9804763-3-0.^{[мртва врска]}

[1]