Odoljario

Odoljario
Deskribapena
Mota	heriotzaren kausa, zantzu klinikoa general symptom (en)
Espezialitatea	larrialdietako medikuntza
Arrazoia(k)	suntsiketa
Tratamendua
Erabil daitezkeen botikak	desmopressin (en) , aprotinin (en) , tranexamic acid (en) , aminocaproic acid (en) , protamine sulfate (en) eta Zilar nitrato
Identifikatzaileak
GNS-10	R58
GNS-9	456.20
MedlinePlus	000045
eMedicine	000045
MeSH	D006470

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Odoljarioa edo hemorragia odola zirkulazio-aparatutik kanpora ateratzea da^[1]. Kanpokoa izanez gero, diagnostikoa errazagoa da, baina barne-odoljarioek proba diagnostikoak eskatzen dituzte antzeman ahal izateko.

Odol galera handia den odoljarioetan, hau da, odolaren %50 galtzen den kasuetan shock hipobolemikoa agertzen da.

Kokapenaren arabera, gaixotasun mota hauek aurki ditzakegu:

• Arnas aparatua: Ahotik ikusten da eta hemoptisi izena dauka.
  • Birikako minbizia.
  • Biriketako tronboenbolismoa (BTE).
  • Bronkitis akutua.
  • Tuberkulosia.
  • Sudurreko odoljarioa.

• Digestio-aparatua: Ahotik (hematemesi) edo ipurtzulotik (errektorragia edo ondesteko odoljarioa).
  • Abdomeneko minbizia.
  • Dibertikulitia.
  • Hesteetako hanturazko gaixotasuna.
  • Ultzerak.

• Gernu-aparatua: Uretratik (hematuria).
  • Puxikaren minbizia.
  • Koliko nefritikoa.

• Nerbio-sistema: Barneko odoljarioak dira, OTAren bidez antzematen direnak.
  • Burmuinean: Burezur-barneko odoljarioak izena hartzen dute orokorrean, hematoma subdural, hemorragia subaraknoideo eta garuneko odoljario desberdinduz.

Hemostasia edo odoljarioaren amaiera helburu, lehenik eta behin, hemorragia errazten edo handitzen duten sendagaiak kendu behar ditugu, egonez gero.

Konponbide kirurgikoa edukiz gero, planteatu behar da. Bestela, badaude tratamendu medikoak ("hemostasikoak") egoera hauek kontrolatzen saiatzeko: K Bitamina (K1 eta K3), azido aminokaproiko eta azido tranexamikoa.