شوکت علی (سیاست دان)

شوکت علی (سیاست دان)
معلومات شخصیت
پیدائش	10 مارچ 1873ء [1]  رام پور
وفات	4 جنوری 1939ء (66 سال)  دہلی
شہریت	برطانوی ہند
والدہ	آبادی بانو بیگم
عملی زندگی
مادر علمی	علی گڑھ مسلم یونیورسٹی
پیشہ	حریت پسند
درستی - ترمیم

شوکت علی مولانا محمد علی جوہر کے بھائی تھے، جو تحریک خلافت میں اُن کے شانہ بشانہ رہے۔

عظیم رہنما مولانا شوکت علی کی پیدائش 10 مارچ 1873ء کو رام پور میں ہوئی۔

انھوں نے اپنی اعلی تعلیم علی گڑھ میں ایم اے او کالج سے حاصل کی.

تعلیم سے فراغت کے بعد سرکاری ملازمت سے منسلک ہو گئے تاہم 1913ء میں انھوں نے ملک کی آزادی کی خاطر ملازمت کو خیرباد کہہ دیا اور انجمن خدام کعبہ کی بنیاد رکھی۔

سیاسی سرگرمیوں میں پیش پیش رہنے کے سبب انھیں قید و بند کی صعوبتیں بھی جھیلنی پڑیں۔

1919ء میں اپنے چھوٹے بھائی مولانا محمد علی جوہر کے ساتھ مل کر تحریک خلافت کی بنیاد ڈالی۔

ابتدائی طور پر انھوں نے انگریزوں سے آزادی حاصل کرنے کی خاطر ہندو-مسلم اتحاد کو مضبوط بنانے کے لیے گاندھی جی کے ہر قدم میں ان کا ساتھ دیا۔ مہاتما گاندھی اور انڈین نیشنل کانگریس کی تحریکوں میں بڑھ چڑھ کر حصہ لینے کے سبب 1921ء سے 1923ء کے درمیان انھیں جیل رسید کر دیا گیا تھا۔

1928ء میں نہرو رپورٹ جیسی مسلم کش پالیسیوں کے سبب انھوں نے آل انڈیا مسلم لیگ کی پالیسیوں کی حمایت شروع کر دی اور قائد اعظم محمد علی جناح کے ساتھ پاکستان کے قیام کی تحریک چلانے لگے۔ 1937ء میں وہ ہندوستان کی مرکزی قانون ساز اسمبلی کے رکن بھی منتخب کیے گئے۔

ملک کی آزادی کا یہ جانباز سپاہی 26 نومبر 1938ء کو اس دار فانی سے کوچ کر گیا۔ ان کا انتقال دہلی کے قرول باغ میں ہوا اور تدفین 28 نومبر کو جامع مسجد دہلی کے قریب ہوئی۔

• خلافت تحریک
• آل انڈیا مسلم لیگ
• انڈین نیشنل کانگریس

• Video Clip of Maulana Shaukat Ali from University of South Carolina---In order to view this clip you must download QuickTime Player.