ವಿಷ್ಣು

ವಿಷ್ಣು
ವಿಷ್ಣು
ಪರಮಾತ್ಮೆ, ಪರಬ್ರಹ್ಮೆ, ದೇವೆರೆನ ರಕ್ಷಣೆ, ಎಡ್ಡೆಂತ್‌ನೆನ್ ಸಂರಕ್ಷಣೆ ಮಲ್ಪುನೆ, ಇಡೀ ವಿಶ್ವೊನು ನಿಯಂತ್ರಿಸುನಾಯೆ, ಕರ್ಮ ಪುನಃಸ್ಥಾಪನೆ, ಮೋಕ್ಷ
Member of ತ್ರಿಮೂರ್ತಿ
ಬೇತೇ ಪುದರ್ಲು	ನಾರಾಯಣ, ಜಗನ್ನಾಥೆ, ಜಗದೀಶ್ವರೆ, ಸುರೇಶೆ, ಪದ್ಮನಾಭೆ, ರಮಾಪತಿ, ಲಕ್ಷ್ಮಿಪತಿ, ಕಮಲನಯನೆ
ದೇವನಾಗರಿ	विष्णु
ಸಂಸ್ಕೃತ	ವಿಷ್ಣು
Affiliation	ದಶಾವತಾರ, ಪರಬ್ರಹ್ಮ (Vaishnavism), ತ್ರಿಮೂರ್ತಿ, ಭಗವಾನ್, ಈಶ್ವರ, ತ್ರಿದೇವ್
ಇಪ್ಪುನ ಜಾಗೆ	ವೈಕುಂಠ, ಕ್ಷೀರಸಾಗರ
ಮಂತ್ರ	ॐ नमो नारायणाय (ಓಂ ನಮೋ ನಾರಾಯಣ); ॐ नमो भगवते वासुदेवाय (ಓಂ ನಮೋ ಭಗವತೆ ನಾರಾಯಣ)
ಹತಾರ್	ಸುದರ್ಶನ ಚಕ್ರ, Mace (Kaumodaki gada), Conch (Panchajanya), Bow (Sharanga), Sword (Nandaka)
ಚಿಹ್ನೆ	ಶಾಲಿಗ್ರಾಮ್, ಕಮಲ
ವಾಹನ	ಗರುಡ
ಪರ್ಬ	ಹೋಳಿ, ರಾಮನವಮಿ, ಕೃಷ್ಣ ಜನ್ಮಾಷ್ಟಮಿ, ನರಸಿಂಹ ಜಯಂತಿ, ದೀಪಾವಳಿ, ಓಣಂ, ವಿವಾಹ ಪಂಚಮಿ, ವಿಜಯದಶಮಿ, ಅನಂತ ಚತುರ್ದಶಿ, ದೇವಶಯನೀ ಏಕಾದಶಿ, ಕಾರ್ತಿಕ ಪೌರ್ಣಮಿ, ತುಳಸಿ ವಿವಾಹ
ವೈಯಕ್ತಿಕ ಇಸಯೊಲು
ಸಹೋದರ/ರಿ	ಆದಿಪರಾಶಕ್ತಿ alias ಪಾರ್ವತಿ (in some traditions)
ಸಂಗಾತಿ	ಲಕ್ಷ್ಮೀ (ಶ್ರೀದೇವಿ, ಭೂದೇವಿ, ನೀಲಾದೇವಿ, ತುಳಸಿ, ಪದ್ಮಾವತಿ)
ಸಂತತಿ	ಬ್ರಹ್ಮ

ವಿಷ್ಣು ತ್ರಿಮೂರ್ತಿಲೆಡ್ ಒರಿಯೆ ಆದ್ ಇತ್ತ್‌ದ್, ಸಕಲ ಲೋಕೊಲೆನ ಪಾಲಕೆ ಪಂಡ್‌ದ್ ಹಿಂದೂ ಧರ್ಮ ನಂಬುದುಂಡು. ಭಗವದ್ಗೀತೆಡ್ ವರ್ಣಿಸಾಯಿನಂಚ 'ವಿಶ್ವರೂಪಿ' ನಾರಾಯಣ ಪಂಡ್‌ದ್‌ಲಾ ಲೆಪ್ಪುವೆರ್. ಧರ್ಮ ಸಂಸ್ಥಾಪನೆಗಾದ್ ದಶಾವತಾರ ರೂಪೊನು ತಾಲ್‌ದ್ ಭೂಲೋಕೊನು ರಕ್ಷಿಣೆ ಮಲ್ತ್‌ನಾಯೆ ಪಂದ್ ಪುರಾಣೊಲು ಪುಗರುಂಡು.

ವಿಷ್ಣು ತ್ರಿಮೂರ್ತಿಲೆಡ್ ಒರಿ. ವೈಷ್ಣವ ಪಂಥೊದ ಆರಾಧ್ಯದೈವ. ವಿಶ್ವರಕ್ಷಕೆ, ವಿಶ್ವದ ಚೈತನ್ಯ ಬೊಕ್ಕ ಸಕಲ ಜೀವರಾಶಿಲೆನ್ ತನ್ನ ಶಕ್ತಿರ್ದ್ ನಿಯಂತ್ರಿಸುನಾಯೆ ಪಂಡ್‌ದ್ ವಿಷ್ಣುನು ಪುರಾಣೊಲು ವರ್ಣಿಸವುಂಡು. ವೈಕುಂಠ ವಿಷ್ಣುನ ವಾಸಸ್ಥಾನ. ಮಹಾಲಕ್ಷ್ಮಿ ವಿಷ್ಣುನ ಬುಡೆದಿ. ಭೂಲೋಕೊಡು ಪಾಪದ ಕೊಡಪಾನ ಜಿಂಜಿನಗ ವಿಷ್ಣು ಅವತಾರೊಲೆನ್ ಪಡೆವೊಂದು ಪಾಪೊಗು ಕಾರಣರಾಯಿನಕ್‌ಲೆಗ್ ಶಿಕ್ಷೆ ಕೊರ್ದ್, ಜನಕುಲೆನ್ ಸಂರಕ್ಷಣೆ ಮಲ್ಪುನಾಯೆ ಪನ್ಪುನ ನಂಬಿಕೆ ಉಂಡು. ಕಷ್ಟೊಡು ಉಪ್ಪುನ ಭಕ್ತೆರೆನ್ ಕಾಪಾಡ್‌ದ್ ಮುಕ್ತಿ ಕೊರ್ಪುನೆನ್ ತೂಂಡ ವಿಷ್ಣು ಜನಸಾಮಾನ್ಯರೆಗ್ ಸ್ಪಂದಿಸುನ ದೇವೆರಾದ್ ತೋಜಿದ್ ಬರ್ಪೆ. ವಿಷ್ಣು ಅವತಾರೊಲೆನ್ ತಾಳ್‍ನಪಗ ಲಕ್ಷ್ಮಿಲಾ ಅವತಾರೊಲೆನ್ ತಾಳ್‌ದ್ ಆಯನ ಬುಡೆದಿಯಾದ್ ಜನಕುಲೆನ್ ರಕ್ಷಿಸುನ ಕಾರ್ಯೊಡು ನೆರವು ಆವೊಂದು ಬರ್ಪಲ್ ಪನ್ಪುನ ನಂಬಿಕೆ ಉಂಡು.

ಪುಟ್ಟು

ವಿಷ್ಣುನ ಬೇತೆ ಬೇತೆ ಪುದರುಲು

ವಿಷ್ಣುನು * ಲಕ್ಷ್ಮೀನಾರಾಯಣೆ, * ಹರಿ, * ಜನಾರ್ದನೆ, * ಮಾಧವೆ, * ಕೇಶವೆ, * ಅಚ್ಯುತೆ, * ಶ್ರೀನಿವಾಸೆ, * ಸಂಸ್ಕ್ಯತಿ ಇಂಚ ಲೆಪ್ಪುವೆರ್.

ವಿಷ್ಣುಗು ತಿಕ್ಕ್‌ನ ಶಾಪೊಲು

ವಿಷ್ಣು ಜನಕುಲೆನ್ ರಕ್ಷಿಸುನ ದೇವೆರ್ ಅಂಡಲಾ ಕೆಲವು ಶಾಪೊಲೆಗ್ ತಿಕ್ಕುನವು ಪುರಾಣೊಲೆರ್ದ್ ತೆರಿಪಾವುಂಡು. ಒರ ವಿಷ್ಣು ಮಹಾಲಕ್ಷ್ಮಿನ ಮೋನೆನ್ ತೂವೊಂದು ಕಾರಣ ಇಜ್ಜಂದೆ ತೆಲಿಪೆರೆ ಸುರು ಮಲ್ತೆ. ಉಂದೆನ್ ತೂದ್ ಲಕ್ಷ್ಮಿ ಎನ್ನ ಬಗೆಟ್ಟ್ ತಮಾಷೆ ಮಲ್ತೊಂದು ಉಲ್ಲೆ ಪಂಡ್‍ದ್ ತೆರಿಯೊಂದು ನಿನ್ನ ದೇಹೊರ್ದು ತರೆ ಬೇತೆ ಆವಡ್ ಪಂದ್ ಶಪಿಸಿಯಲ್. ಉಂದುವೇ ಸಂದರ್ಭೊಡು ಹಯಗ್ರೀವ ಪನ್ಪುನ ರಕ್ಕಸೆ ಒಂಜಿ ಸಾವಿರ ವರ್ಸೊ ಕಾಲ ಮುಟ್ಟ ತಪಸ್ಸು ಮಲ್ತ್‌‍ದ್ ಮಸ್ತ್ ವರಕುಲೆದ ಒಟ್ಟುಗು ಕುದುರೆದ ತರೆ ಉಪ್ಪುನ ಮಾನವರ್ದ್ ಮಾತ್ರ ಎಂಕ್ ಸಾವು ಪಂಡ್‌ದ್ ನನೊಂಜಿ ವರೊನು ಪಡೆವೊಂದು ಇತ್ತೆ. ಇಂಚ ಅದ್ಭುತ ಶಕ್ತಿನ್ ಪಡೆಯಿನ ಹಯಗ್ರೀವೆ ದೇವಲೋಕೊಗು ಮುತ್ತಿಗೆ ಪಾಡಿಯೆ. ಲಕ್ಷ್ಮಿನ ಶಾಪದಂಚನೇ ವಿಷ್ಣು ಆಯನ ತರೆನ್ ಕಳೆವೊಂಡೆ. ಆಪಗ ವಿಶ್ವಕರ್ಮೆ ಕುದುರೆದ ತರೆನ್ ವಿಷ್ಣುನ ದೇಹೊಗು ಜೋಡಿಸಾಯೆ. ಲಕ್ಷ್ಮಿನ ಶಾಪೊರ್ದು ವಿಷ್ಣು ಹಯಗ್ರೀವ ಅಸುರನ್ ಕೆರುಯೆರೆ ಸಾಧ್ಯ ಆಂಡ್.
ದೇವಾಸುರೆರೆನ ನಡುಟ್ಟು ಆಪಗಪಗ ನಡತೊಂದು ಇತ್ತ್‌ನ ಯುದ್ಧೊಲೆಡ್ ಒರ ಅಸುರೆರೆಗ್ ಸೋಲು ಉಂಡಾಂಡ್. ಆಪಗ ಅಸುರೆರ್ ಭೃಗುಮುನಿನ ಬುಡೆದಿ ಆಯಿನ ಪ್ರಲೋಮನ ಕೈತಡೆ ಪೋದ್ ರಕ್ಷಣೆ ಕೇಂಡೆರ್. ಆಳ್ ದೇವತೆಲೆನ್ ನಾಶ ಮಲ್ಪೆರೆ ತಪಸ್ಸನ್ ಸುರು ಮಲ್ತ್‌ಲ್. ಉಂದೆನ್ ತೆರಿನ ವಿಷ್ಣು ಆಯನ ಸುದರ್ಶನ ಚಕ್ರೊನು ಪ್ರಯೋಗ ಮಲ್ತ್‌ದ್ ಆಲೆನ್ ಕೆರಿಯೆ. ಉಂದೆರ್��್ ಭೃಗು ಮುನಿಕ್ಕ್ ಕೋಪ ಬತ್ತ್‌ದ್, ಮಾನವ ಜನ್ಮಪಡೆದ್ ಬುಡೆದಿನ್ ಅಗಲ್‌ದ್ ವಿರಹ ವೇದನೆನ್ ಅನುಭವಿಸ್‌ಲ ಪಂದ್ ವಿಷ್ಣುಗು ಶಾಪ ಕೊರಿಯೆ. ಈ ಶಾಪನೇ ರಾಮಾವತಾರೊಗು ಕಾರಣ ಆಂಡ್. ಇಂಚ ವಿಷ್ಣು ಹಲವು ಶಾಪೊಲೆನ್ ಪಡೆದ್ ದೇವತೆಲೆನ ರಕ್ಷಣೆಗ್ ಕಾರಣ ಆಯೆ ಪನ್ಪುನ ಕಥೆಕುಲು ಮಸ್ರ್ ಉಂಡು.

ಸುದರ್ಶನ ಚಕ್ರ

ವಿಷ್ಣುನ ಆಯುಧ ಸುದರ್ಶನ ಚಕ್ರ. ಉಂದೆತ್ತ ಉಗಮದ ಬಗೆಟ್ಟ್ ರಡ್ಡ್ ರೀತಿದ ಕಥೆಕುಲು ಉಂಡು. ಕಾರ್ತಿಕ ಶುಕ್ಲ ಚರ್ತುದಶಿದ ದಿನ ವಿಷ್ಣು ಕಾಶೀ ಕ್ಷೇತ್ರೊನು ಸೇರ್‌ದ್, ಸಾವಿರ ಕಮಲೊಲೆಡ್ ಶಿವನ್ ಪೂಜೆ ಮಲ್ತೊಂದು ಉಪ್ಪುನಗ, ಶಿವೆ ಆ ಕಮಲೊಲೆಡ್ ಒಂಜೆನ್ ಅದೃಶ್ಯ ಮಲ್ತೆ. ವಿಷ್ಣು ಕಮ್ಮಿ ಆಯಿನ ಕಮಲ ಪುಷ್ಪದ ಬದಲ್‍ಗ್ ಆಯನ ಕಣ್ಣ್‌ಡೇ ಶಿವನ್ ಪೂಜೆ ಮಲ್ಪೆರೆ, ಶಿವೆ ಒಲಿದ್, ಆಯೆ ಜಲಂಧರೆ ಪನ್ಪುನ ದೈತ್ಯನ್ ಕೆರ್‌ನ ಆಯುಧನ್ ವಿಷ್ಣುಗು ಕೊರಿಯೆ.
ನನೊಂಜಿ ಕಥೆತ್ತ ಪ್ರಕಾರ ದೇವ ಬಡಗಿ ಸಾಣೆ ಪತ್ತೊಂದು ಉಪ್ಪುನಗ ಬೂರುನ ಎಲ್ಯ ಎಲ್ಯ ಚೂರುಲೆನ್ ಸೇರಾದ್ ಸುದರ್ಶನ ಚಕ್ರ ರಚಿಸಾದ್, ಅಯಿನ್ ದ್ವಾದಶಾದಿತ್ಯೆರೆಡ್ ಒರಿ ಆಯಿನ ವಿಷ್ಣುಗು ಕೊರಿಯೆ. ವಿಷ್ಣು ಉಂದೆನ್ ದುಷ್ಟೆರೆನ್ ಶಿಕ್ಷಿಸಯೆರೆ ಬಳಸಿಯೆ. ಸುದರ್ಶನ ಚಕ್ರೊಗು ವಜ್ರನಾಭ ಪನ್ಪುನ ನನೊಂಜಿ ಪುದರ್‌ಲಾ ಉಂಡು. ಈ ಚಕ್ರದ ನಡುಟ್ಟು ಒಟ್ಟೆ ಇತ್ತ್‌ದ್ ಉಂದೆತ್ತ ನಡುರ್ದು ಸಾವಿರ ಕೈಕುಲು ಪರಡ್‌ದ್ ಉಂಡು. ಉಂದೆತ್ತ ಪಿದಯಿದ ಭಾಗ ಚೂಪಾದ್ ಉಂಡು.

ಲಕ್ಷಣೊಲು

ವಿಷ್ಣುನ ಎದೆತ್ತ ಮಿತ್ತ್ ಉಪ್ಪುನ ಚಿಹ್ನೆಗೆ ಶ್ರೀವತ್ಸ ಪನ್ಪುನ ಪುದರ್ ಉಂಡು. ಆಯನ ಕೈತಲ್ ಉಪ್ಪುನ ಶಂಖದ ಪುದರ್ ಪಾಂಚಜನ್ಯ. ಉಂದೆನ್ ಸ್ಪರ್ಶ ಮಲ್ಪುನ ಮೂಲಕನೇ ಅಪಾರ ಬುದ್ಧಿವಂತಿಕೆ ತಿಕ್ಕುಂಡು ಪನ್ಪುನ ನಂಬಿಕೆ ಉಂಡು. ಸಾರಂಗ ಆಯನ ಧನುಸ್ಸು. ಉಂದೆಕ್ಕ್ ವೈಷ್ಣವ ಚಾಪ ಪನ್ಪುನ ಪುದರ್‌ಲಾ ಉಂಡು. ವೈಜಯಂತಿ ಆಯನ ಕಂಠಾಭರಣ. ಐನ್ ಆಭರಣ ಒಟ್ಟು ಮಲ್ತ್‌ದ್ ಮಲ್ತ್‌ನ ಈ ಹಾರೊಗು ವನಮಾಲಾ ಪನ್ಪುನ ಪುದರ್ ಉಂಡು. ವಿಷ್ಣುವನ ವಾಹನ ಗರುಡೆ.

ಋಗ್ವೇದೊಡು ವಿಷ್ಣುನ ಪ್ರಸ್ತಾಪ ಕೆಲವು ಕಡೆಟ್ಟ್ ಉಂಡು. ಆಂಡ ಮುಲ್ಪ ಇಂದ್ರಗ್ ಹೆಚ್ಚಿನ ಪ್ರಾಮುಖ್ಯ ಉಪ್ಪುನವು ತೋಜಿದ್ ಬರ್ಪುಂಡು. ಮುಲ್ಪ ವಿಷ್ಣು ಇಂದ್ರನ ಎಲ್ಯ ಸೋದರ ಸ್ಥಾನ ಪಡೆವೊಂದೆ. ಇಂಚಾದ್ ವಿಷ್ಣು ಸಹಸ್ರನಾಮೊಲೆಡ್ ಉಪೇಂದ್ರ, ಇಂದ್ರಾವರಜ ಇಂಚಿತ್ತಿ ಪುದರುಲು ಸೇರೊಂದುಂಡು. ಮಹಾಭಾರತೊಡು ಭೀಷ್ಮೆ ವಿಷ್ಣುಶಕ್ತಿದ ವಿವರ ಕೊರ್ಪೆ.

ತೂಲೆ

ಉಲ್ಲೇಕೊಲು

↑ Wendy Doniger (1999). Merriam-Webster's Encyclopedia of World Religions. Merriam-Webster. p. 1134. ISBN 978-0-87779-044-0.
↑ Editors of Encyclopaedia Britannica (2008). Encyclopedia of World Religions. Encyclopaedia Britannica, Inc. pp. 445–448. ISBN 978-1-59339-491-2. {{cite book}}: |author= has generic name (help)
↑ ^೩.೦ ^೩.೧ Constance Jones; James D. Ryan (2006). Encyclopedia of Hinduism. Infobase Publishing. pp. 491–492. ISBN 978-0-8160-7564-5.
↑ Muriel Marion Underhill (1991). The Hindu Religious Year. Asian Educational Services. pp. 75–91. ISBN 978-81-206-0523-7.

[1] Wendy Doniger (1999). Merriam-Webster's Encyclopedia of World Religions. Merriam-Webster. p. 1134. ISBN 978-0-87779-044-0.

[2] Editors of Encyclopaedia Britannica (2008). Encyclopedia of World Religions. Encyclopaedia Britannica, Inc. pp. 445–448. ISBN 978-1-59339-491-2. {{cite book}}: |author= has generic name (help)

[jones492-3] ೩.೦ ^೩.೧ Constance Jones; James D. Ryan (2006). Encyclopedia of Hinduism. Infobase Publishing. pp. 491–492. ISBN 978-0-8160-7564-5.

[4] Muriel Marion Underhill (1991). The Hindu Religious Year. Asian Educational Services. pp. 75–91. ISBN 978-81-206-0523-7.

[೧]

ತೂ ಪಾ ಸಂ ವಿಷ್ಣು ದೇವೆರೆನ ಅವತಾರೊಲು
ದಶಾವತಾರ	ಮತ್ಸ್ಯ ಕೂರ್ಮ ವರಾಹ ನರಸಿಂಹ ವಾಮನ ಪರಶುರಾಮ ರಾಮ ಕೃಷ್ಣ¹ Buddha¹ ಕಲ್ಕಿ
ಬೇತೆ ಅವತಾರೊಲು	ನಾಲ್ ಕುಮಾರೆರ್ ನಾರದ ನರ-ನಾರಾಯಣ ಕಪಿಲ ದತ್ತಾತ್ರೇಯ Yajna Rishabha Prithu ಧನ್ವಂತರಿ ಮೋಹಿನಿ ವ್ಯಾಸ Prsnigarbha ಹಯಗ್ರೀವ ಹಂಸ
¹ The list of ten avatars varies regionally. The two substitutions involve Balarama, Krishna and Buddha is considered the avatar of Vishnu. Krishna is almost always included; in exceptions, he is considered the source of all avatars.