Beyoncé Knowles

Beyoncé
Beyoncé mnamo 2023.
Maelezo ya awali
Jina la kuzaliwa	Beyonce Giselle Knowles
Amezaliwa	4 Septemba 1981 (1981-09-04) (umri 43)
Asili yake	Houston, Texas
Miaka ya kazi	1990 - hadi leo
Studio	Parkwood
Tovuti	beyonce.com

Beyoncé Giselle Knowles (alizaliwa 4 Septemba 1981), anayefahamika zaidi kwa jina moja Beyoncé pronounced /biˈjɒn.seɪ/ ni mwimbaji wa R & B, mtunzi wa nyimbo, mtayarishaji wa rekodi, mwigizaji na mwanamitindo kutoka Marekani. Alizaliwa na kukulia Houston, Texas na alihudhuria shule mbalimbali zinazofunza sanaa. Pia alianza kushiriki katika mashindano ya kuimba na kucheza ngoma akiwa mtoto. Knowles alikuja kujulikana katika mwisho wa miaka ya 1990 kama mwimbaji kiongozi wa kikundi cha wasichana cha R & B, Destiny's Child. Kulingana na Sony, mauzo ya rekodi za Knowles, yakiunganishwa na yale ya kikundi cha Destiny's Child, yamezidi milioni 100.^[1]

Wakati wa kuvunjika kwa kikundi cha Destiny's Child, Knowles alitoa albamu yake ya kwanza, Dangerously in Love (2003), ambayo ilikuwa mojawapo ya albamu za mwaka zilizokuwa na mafanikio zaidi na jambo hili liliashiria uwezo wake wa kufaulu kama msanii kivyake. Albamu hiyo ilikuwa na mafanikio muhimu ya kibiashara, huku ikitoa nyimbo mashuhuri kama "Crazy in Love", "Baby Boy", na kumshindia Knowles tuzo tano za Grammy katika mwaka 2004. Kutawanyika kwa kikundi cha Destiny's Child mwaka 2005 kuliendeleza mafanikio yake: albamu yake ya pili, B'Day, iliyotolewa mwaka 2006, ilikuwa namba moja kwenye chati za Bango, na ilikuwa na nyimbo kama "Déjà Vu", "Irreplaceable", na "Beautiful Liar". Albamu yake ya tatu, I Am... Sasha Fierce, ilitolewa Novemba 2008, na ilikuwa na nyimbo kama "If I Were a Boy", "Single Ladies (Put a Ring on It)", "Halo" na "Sweet Dreams". Knowles amefikisha idadi ya nyimbo tano zinazopendwa sana miongoni mwa orodha ya nyimbo 100, hivyo basi kuwa mmoja kati ya wasanii wawili wa kike walio na idadi kubwa ya nyimbo zilizochukua nafasi ya kwanza katika miaka ya 2000.

Mafanikio ya albamu alizoimba akiwa peke yake yamemfanya Knowles kuwa mmoja wa wasanii wanaosifika sana katika sekta ya muziki, na amepanua kazi yake kwa kujihusisha na uigizaji na kuidhinisha bidhaa. Alianza kazi yake ya uigizaji mwaka 2001, aliposhiriki katika filamu ya kimuziki [4] Katika mwaka wa 2006, alishiriki kama mmoja wa wahusika wakuu katika filamu ya malinganisho ya 1981 ya Broadway musical Dreamgirls, ambayo ilimfanya ilimpatia uteuzi mara mbili katika Golden Globe Nominations. Knowles alizindua shirika la familia yake la mitindo, House of Deréon, mwaka 2004, na limekuwa likihusika na kuidhinisha bidhaa kama Pepsi, Tommy Hilfiger, Armani na L'Oréal. Katika mwaka wa 2009, jarida la Forbes lilimworodhesha Knowles namba nne katika orodha yake ya watu mashuhuri walio na nguvu na ushawishi mkubwa katika dunia, wa tatu katika orodha ya wanamuziki wa hadhi ya juu, na namba moja katika orodha ya juu ya watu mashuhuri wanaolipwa malipo bora zaidi chini ya miaka 30, akiwa na zaidi ya mapato ya dola milioni 87, kati ya 2008 na 2009.^[2][3]

Knowles alizaliwa katika Houston, Texas, na ni binti wa Mathew Knowles, meneja mashuhuri wa rekodi, na Tina Beyincé, mtengenezaji wa mavazi na nywele. Babake Knowles 'ni Mmarekani mwenye asili ya Kiafrika na mama yake ni Mkrioli mwenye asili ya (Mwafrika Mmarekani, Mmarekani alisia, na Mfaransa).^[4] Knowles alibatizwa na kuchukua jina la mama yake la kati, kama ishara ya shukrani kwa mama yake na kuzuia jina hilo lisisahaulike, kwani ni wanaume wachache tu wa familia ya Beyincé wanaolitumia jina hilo.^[4] Babu na bibi wa mama yake, Lumis Albert Beyincé na Agnéz Deréon, walikuwa Wakrioli kutoka Louisiana.waliozungumza Kifaransa ^[4] Yeye ni dada mkubwa wa Solange, mwimbaji - mtunzi wa nyimbo, na mwigizaji.

Knowles alisomea St Mary's Elementary School katika Texas, ambapo yeye alihudhuria madarasa ya kucheza dansi, ikiwa ni pamoja na ballet na jazz. Kipawa chake cha kuimba kiligunduliwa wakati mwalimu wake wa dansi alipoanza kuimba wimbo na yeye akaumaliza wimbo huo, na kuweza kuimba nota za juu.^[5] Ingawa alikuwa msichana mwenye soni, kama mama yake alivyosema, upendo wa Knowles wa kuimba na kucheza muziki ulianza bila kutarajiwa baada ya kushiriki katika shindano la kuonyesha vipawa shuleni. Mara tu alipopata nafasi ya kupanda jukwaani, yeye aliweza kukabiliana na soni zake na akataka kuwa mwimbaji na mchezaji dansi.^[6] Akiwa na umri wa miaka saba, Knowles aliingia shindano lake la kwanza la kuonyesha kipawa chake, na kuimba wimbo wa John Lennon, "Imagine". Yeye alishinda na akapongezwa kwa shangwe na vifijo.^[7][8] Akiwa na umri huo, Knowles alianza kuwavutia waandishi wa habari, alipotajwa katika Houston Chronicle kama mmoja wa walioteuliwa kushindana katika maonyesho ya mtaani ya 'The Sammy'.^[9]

Mnamo 1990, Knowles alijiunga na Parker Elementary School, shule inayofunza muziki huko Houston, ambapo alikuwa akiimba katika kwaya ya shule.^[5] Pia alihudhuria shule ya The High School for Performing and Visual Arts katika Houston ^[10] na baadaye akaenda Alief Elsik High School, iliyo katika eneo la Houston la Alief. ^[4][11] Knowles alikuwa kiongozi wa nyimbo katika kwaya ya kanisa lake, la St John's United Methodist.^[5] Hata hivyo, yeye alikaa katika kwaya kwa miaka miwili kwa sababu alikuwa anashughulikia kazi yake ya muziki.^[12]

Akiwa na umri wa miaka minane, Knowles alikutana na LaTavia Roberson akiwa katika majaribio ya kikundi cha waimbaji wasichana.^[13] Wao, pamoja na rafiki ya Knowles Kelly Rowland, waliwekwa katika kikundi kilichoimba rap na kucheza dansi. Mwanzoni kikundi hiki kilichoitwa Girl's tyme,^[7] kilipunguzwa na kuwa cha wasichana sita.^[5] Kutokana na kuwepo kwa Knowles na Rowland, kikundi hiki cha Girl's tyme kiliwavutia watazamaji katika taifa zima. Mtayarishaji wa R&B kutoka pwani ya magharibi, Arne Frager, alisafiri kwa ndege hadi Houston ili kuwaona. Hatimaye yeye aliwapeleka kwenye studio yake - The Plant Recording Studios - iliyoko Kaskazini mwa California, na kushirikisha nyimbo za Knowles kwa sababu yeye ,Frager, alifikiria kuwa Knowles alikuwa na uwezo wa kuimba.^[5] Kama sehemu ya jitihada za kuingiza kikundi cha Girl's tyme kwenye studio kubwa ya kurekodi, mkakati ambao Frager alipanga kuutumia ulikuwa ni kwanza kukishirikisha kikundi hiki katika Star Search, ^[6] kipindi kilichokuwa kikubwa zaidi cha kuonyesha kipawa kwenye TV ya kitaifa kwa wakati ule.^[5] Girl's tyme walishiriki katika mashindano lakini wakashindwa kwa sababu wimbo waliouimba haukuwa mzuri, Knowles mwenyewe alikubali.^[14][15] Knowles alipatwa na "kipingamizi " cha kwanza katika kazi yake baada ya kushindwa, lakini baada ya kugundua kuwa waimbaji wengine mashuhuri kama Britney Spears na Justin Timberlake walipitia kipingamizi kama kile, yeye alirejesha tumaini.^[5]

Ili kusimamia kikundi hiki, babake Knowles (ambaye wakati huo alikuwa muuzaji wa vifaa vya matibabu) alijiuzulu katika mwaka wa 1995 kutoka kwa kazi yake.^[16] Yeye kujitolea muda wake na kuanzisha kambi ya "Boot Camp" kwa ajili ya mazoezi yao.^[6] Hatua hii ilipunguza pato la familia ya Knowles kwa nusu na wazazi wake wakatengana kwa sababu ya shinikizo iliyotokana na hatua hiyo ya kujiuzulu.^[4] Muda mfupi baada ya kuingizwa kwa Rowland, Mathew alipunguza idadi ya awali ya kikundi hiki hadi nne,^[5] na LeToya Luckett aliyejiunga nao katika mwaka wa 1993.^[13] Huku wakifanyia mazoezi katika chumba cha Tina cha kutengenezea nywele na kwenye vitaru vya nyumba zao, kikundi kiliendelea kuimba kama katika maonyesho ya vikundi vingine vya wasichana vya R&B vilivyokuwa tayari vimefahamika;^[13] Tina alichangia kwa kutengeneza mavazi yao, jambo ambalo aliendelea kufanya hata katika wakati wa kikundi cha Destiny's Child. Pamoja na msaada wa Mathew, wao walifanyiwa majaribio ya sauti na kampuni za kurekodi na hatimaye wakasainiwa na kampuni ya Elektra Records, ambayo iliwafutilia mbali baada ya miezi michache kabla hawajatoa albamu yoyote.^[4]

Makala kuu: Destiny's Child

Kutokana na wahyi kutoka katika kifungu cha Kitabu cha Isaya, kikundi kilibadilisha jina lake kuwa Destiny's Child katika mwaka wa 1993.^[13] Pamoja, walitumbuiza watu katika matukio ya mitaa, na baada ya miaka minne, kikundi hiki kilitia saini na Columbia Records, mwishoni mwa 1997. Mwaka uo huo, kikundi cha Destiny's Child kilirekodi wimbo wake wa kwanza, "Killing Time", uliotumika katika filamu iliyotolewa mwaka wa 1997 ya, Men in Black. ^[13][15] Mwaka uliofuata, kikundi kilitoa albamu yake ya kwanza iliyokuwa na jina la kikundi na kupata wimbo wao mashuhuri wa kwanza "No, No, No". Albamu hiyo ilikipatia kikundi hiki nafasi katika ya sekta ya muziki na kukipatia mauzo ya wastani pamoja na kukishindia tuzo tatu za "Wimbo bora zaidi wa R & B / Soul" wa "No, No, No", "Albamu bora zaidi ya mwaka ya R & B / Soul "na" Msanii mpya bora zaidi wa R & B / Soul au Rap ", katika mashindano ya Soul Train Lady wa Tuzo za Soul.^[13] Hata hivyo, kundi kilitimiza umaarufu kamili baada ya kuitoa albamu ya pili iliyohitimu kiwango cha 'multi-platinum' ya The Writing's on the Wall mwaka 1999. Rekodi hii inahusisha baadhi ya nyimbo za kikundi hiki zinazojulikana sana kama "Bills, Bills, Bills", wimbo wa kwanza wa kikundi hiki kuwa namba moja, Jumpin 'Jumpin' ", na" Say My Name ", ambao ndio uliokuwa wimbo maarufu zaidi kwa wakati huo, na umebaki mmoja wa nyimbo zao zilizovuma sana. Wimbo wa "Say My Name" ulishinda kategoria ya [[Wimbo wa R&B ulioimbwa vyema zaidi na kikundi cha watu wawili au zaidi kilicho na sauti nzuri na wimbo bora zaidi wa R & B katika mashindano ya tuzo za Grammy Awards za 2001.|Wimbo wa R&B ulioimbwa vyema zaidi na kikundi cha watu wawili au zaidi kilicho na sauti nzuri na wimbo bora zaidi wa R & B katika mashindano ya tuzo za Grammy Awards za 2001. ^[13]]] Albamu ya The Writing's on the Wall iliuza zaidi ya nakala milioni saba,^[14] na kimsingi kuwa albamu yao iliyouza nakala nyingi zaidi.^[17][18]

Pamoja na mafanikio yao ya kibiashara, kikundi hiki kikaingizwa katika msukosuko ulioangaziwa sana na vyombo vya habari na uliohusisha mashtaka yaliyofunguliwa na Luckett na Roberson kwa uvunjaji wa mkataba. Msukosuko huu ulizidishwa baada ya Michelle Williams na Farrah Franklin kuonekana kwenye video ya wimbo "Say My Name", kumaanisha kuwa Luckett na Roberson walikuwa wameshabadilishwa.^[13] Hatimaye, Roberson na Luckett walitoka kwenye kikundi. Franklin pia hatimaye alififia kutoka kwenye kikundi baada ya miezi mitano,^[14] kama ilivyothibitishwa na kutokuwepo kwake wakati wa maonyesho ya matangazo ya ukuzaju na utumbuizaji. Yeye alisema kuwa alitoka kwenye kikundi hicho kwa sababu ya matamshi hasi ndani ya kikundi yaliyosababisha ugomvi.^[13]

Baada ya kutulia, waimbaji hawa watatu walirekodi albamu ya "Independent Women Part I", ambayo ilishirikishwa kwenye filamu ya 2000, Charlie's Angels. Huu ukawa ndio wimbo uliokaa kwenye chati kwa muda mrefu sana, kwani uliongoza kwenye chati ya Marekani ya nyimbo [[/0} kwa muda wa wiki kumi na moja mfululizo.|/0} kwa muda wa wiki kumi na moja mfululizo.^[13][17]]] Mafanikio hayo yalikiimarisha kikundi hiki na kuwafanya wasifike.^[7] Baadaye mwaka huo, Luckett na Roberson waliondoa kesi dhidi ya wanakikundi wenzao, lakini wakadumisha mashtaka dhidi Mathew, ambayo yaliishia katika makubaliano ya pande zote mbili ya kuacha kushushiana hadhi mbele ya umma.^[13] Albamu ya tatu ya Destiny's Child, Survivor, ilionyesha mzozo waliopitia, kwa kutoa wimbo wake wa kwanza uliotoweka baadaye, na ambao waliutoa kukabiliana na mzozo huo.^[19] Hata hivyo, maudhui ya nyimbo za albamu hiyo ya "Survivor", yaliwafanya Luckett na Roberson wafungue mashtaka upya dhidi ya kikundi hiki, kwa kuamini kwamba zilikuwa zimewalenga wao.^[13] Hata hivyo, kesi ilifungwa katika Juni 2002.^[18] Wakati uo huo, albamu ilitolewa Mei 2001, na kuwa namba moja katika Bango la nyimbo 200 mashuhuri la Marekani na kuuza nakala kwa 663,000.^[20] Kufikia sasa, albamu ya Survivor imeuza zaidi ya nakala milioni kumi duniani kote, zaidi ya asilimia arobaini zikiwa zimeuzwa katika Marekani pekee.^[21] Albamu hii ilitoa nyimbo zingine zilizokuwa namba moja -"bootylicious" na wimbo wa anwani, "Survivor", wimbo huu wa mwisho ndio uliokishindia kikundi hiki tuzo ya Grammy ya wasilisho bora zaidi la R & B na na kikundi cha waimbaji wawili au zaidi kilicho na Sauti nzuri. Baada kutoa albamu yao ya likizo, 8 Days of Christmas, kikundi hiki kilitangaza kutawanyika kwake na kila mmoja wao kuanza kuimba peke yake.^[13]

Mwaka 2000, Knowles aliingia katika mkataba wa kutolewa albamu tatu na kampuni ya Columbia Records.^[22] Wakati Knowles alikuwa katika Destiny's Child, yeye pia aliimba peke yake. Aliimba na mwenzake Marc Nelson katika wimbo wa "When all is Said and Done" ulioshirikishwa kwenye filamu ya 1999 ya The Best Man, na akashirikishwa katika wimbo wa 2000 wa "I Got That" na rapa Amil. ^[22] Mapema mwaka 2001, wakati kikundi cha Destiny's Child kilikuwa kinakamilisha albamu ya Survivor, Knowles alipata nafasi ya kuwa mmoja wa wahusika wakuu katika filamu iliyotayarishwa ili kuonyeshwa kwenye televisheni na MTV, [82] na aliigiza akishirikiana na mwigizaji wa filamu kutoka Marekani Mekhi Phifer. Filamu hii iliyotengenezewa Philadelphia, ni kama ufafanuzi wa kisasa wa opera ya karne ya 19, Carmen , iliyoandaliwa na mtunzi wa Kifaransa Georges Bizet. ^[23]

Mwaka 2002, Knowles alishiriki kama mmoja wa wahusika wakuu katika filamu ya vichekesho ya Austin Powers in Goldmember, kama mhusika Foxxy Cleopatra wakiwa mkabala na Mike Myers. ^[24] Filamu hii iliongoza kwenye 'sanduku la posta' na kupata dola milioni 73.1 katika wikendi yake ya kwanza.^[7] Knowles alirekodi wimbo wake wa kwanza, "Work It Out", ulioshirikishwa katika filamu hii.^[25] Mwaka uliofuata, Knowles aliigiza pamoja na Cuba Gooding, Jr katika filamu ya kimapenzi na vichekesho ya Fighting Temptations , na kurekodi wimbo wa "Fighting Temptation", akishirikiana na waimbaji wa kike Missy Elliott, MC Lyte, na Free for it soundtrack.^[26][27]

Mwaka uo huo Knowles alishiriki katika wimbo wa Jay-Z (mume wake), wa "'03 Bonnie & Clyde". ^[7] Pia alirekodi toleo tofauti la wimbo wa 50 Cent wa "In Da Club" na akautoa Machi 2003.^[28] Luther Vandross na Knowles waliimba upya wimbo wa "The Closer I Get to You", ambao ulikuwa umeimbwa awali na Roberta Flack na Donny Hathaway katika mwaka wa 1977.^[29] Toleo lao la wimbo huo lilishinda tuzo ya Grammy katika kategoria ya wimbo bora wa R & B ulioimbwa na watu wawili au Kikundi chenye Sauti katika mwaka uliofuata, na wimbo wa Vandross, "Dance With My Father", ambao pia ulihusisha Knowles, ulishinda katika kategoria ya wimbo bora wa R & B ulioimbwa na mwimbaji wa kiume mwenye sauti nzuri.^[30][31]

Baada ya Williams na Rowland kutoa albamu zao, Knowles alitoa albamu yake ya kwanza, Dangerously in Love, katika Juni 2003.^[29] Albamu hii iliyoshirikisha wanamuziki wengi ilikuwa na mchanganyiko wa nyimbo za mpigo wa kasi na wa polepole. Albamu ilipata kushika nafasi ya kwanza kwenye Bango la nyimbo 200 mashuhuri ilipofika na, kuuza nakala 317,000 katika wiki yake ya kwanza.^[20] Albamu hii ilithibitishwa kuhitimu kiwango cha '4x platinum' tarehe 5 Agosti 2004 na shirika la Recording Industry Association of America,^[32] na imeuza nakala milioni 4.2 kufikia sasa katika Marekani.^[33]

Albamu hii ilitoa nyimbo mbili zilizokuwa namba moja. Wimbo wa "Crazy in Love", ulioshirikisha kifungu cha 'rap' kilichoimbwa na Jay-Z, ulitolewa kama wimbo wa kwanza wa albamu hii na ulibakia kwenye Bango la nyimbo 100 mashuhuri kwa wiki nane mfululizo ^[34] na kuongoza katika chati zingine nyingi kote duniani. Knowles pia alifanikiwa kuvuma Uingereza, na kuongoza kwenye chati nyingi za nyimbo na albamu huko.^[35][36] Wimbo wa pili wa albamu hiyo, "Baby Boy", ambao ulimshirikisha mwimbaji wa mtindo wa Dancehall, Sean Paul, pia ulikuwa mmojawapo wa nyimbo mashuhuri za 2003, ukivuma katika vituo vya redio huko Marekani na kukaa kwa kipindi cha wiki tisa kama namba moja kwenye Bango la nyimbo 100 mashuhuri- wiki moja zaidi kushinda wimbo wa "Crazy in Love ".^[37][38] Tofauti na wimbo wa "Crazy in Love", nyimbo tatu za mwisho zilifikia mafanikio ya kibiashara kwa haraka zaidi, na kuipandisha albamu hii juu ya chati na kuchangia pakubwa katika kuthibitishwa kwake kama albamu iliyohitimu kiwango cha 'multi-platinum'.^[39]

Knowles alishinda tuzo tano katika shindano la Grammy Awards 2004 kutokana na juhudi zake mwenyewe, na zilikuwa ni pamoja na Uimbaji Bora wa Kike wa R & B kwa wimbo "Dangerously in Love 2", Wimbo Bora wa R & B kwa wimbo "Crazy in Love", na Albamu Bora ya Kisasa ya R & B. Anashirikiana katika ushindi huu na wasanii wengine wa kike wanne: Lauryn Hill (1999), Alicia Keys (2002) Norah Jones (2003) na Amy Winehouse (2008). ^[17][40] Katika mwaka wa 2004, yeye alishinda tuzo ya BRIT ya mwimbaji mmoja ya Kimataifa.^[41]

Mwaka 2004, Knowles alikusudia kutoa albamu ya kufuatilia ile ya Dangerously in Love, ambayo ingekuwa na baadhi ya nyimbo zilizobaki baada ya kurekodi ile ya kwanza. Hata hivyo, matarajio yake ya kimuziki yalisimamishwa kutokana na ratiba zilizokinzana, ikiwemo ile ya kurekodi na kikundi cha Destiny's Child kwa albamu ambayo ingekuwa yao ya mwisho.^[42] Mapema katika mwaka huo, Knowles aliimba wimbo wa taifa wa Marekani katika hafla ya Super Bowl XXXVIII katika uwanja wa michezo wa Reliant huko Houston; yeye alikubali kuwa jambo hili lilikuwa limetimiza ndoto yake ya utoto.^[43]

Baada ya safari ya miaka mitatu iliyohusisha yeye kushughulikia miradi yake binafsi, Knowles aliungana na Rowland na Williams kwa sababu ya albamu ya Destiny Fulfilled, iliyotolewa Novemba 2004.^[13] Albamu hii ilifika namba mbili kwenye Bango la nyimbo 200 mashuhuri, na ikatoa nyimbo tatu zilizoingia kwenye orodha ya nyimbo arobaini za kwanza zikiwemo "Lose My Breath" na "Soldier". ^[44] Katika harakati za kuipigia debe albamu hiyo, kikundi hiki kulianza ziara ya 2005 ya Destiny Fulfilled... And Lovin 'It , duniani, ambayo ilianza katika Aprili na ikaendelea hadi Septemba. Wakiwa katika ziara ya Barcelona, Uhispania, kikundi hiki kilitangaza kutawanyika kwao baada ya kufikia mwisho wa ziara ya Amerika ya Kaskazini.^[13][45] Mnamo Oktoba 2005, kikundi hiki kilitoa albamu ya mkusanyiko, iliyoitwa # 1's, na iliyokuwa na nyimbo zao zote ambazo zilishawahi kuwa namba moja na zile zilizojulikana sana. Albamu hii ya nyimbo zao mashuhuri ilijumuisha nyimbo tatu mpya, ikiwa ni pamoja wimbo wa "Stand Up For Love". Kikundi hiki kilipongezwa kwa kupewa nyota katika hafla ya Hollywood Walk of Fame mnamo Machi 2006.^[43] Pia walitambuliwa kama kikundi cha kike kilichokuwa na mauzo bora zaidi ulimwenguni kote.^[46][47]

Huku akiendelea na kazi yake ya filamu, Knowles alishiriki kama mmoja wa wahusika wakuu katika filamu ya The Pink Panther, na kucheza kama mhusika Xania, aliyesifika kimataifa, wakiwa na Steve Martin, ambaye huigiza kama Inspekta Clouseau. ^[48][49] Filamu hiyo ilitolewa 10 Februari 2006, na ikapata nafasi ya kwanza katika 'sanduku la posta', na kuuza tiketi za dola milioni 21.7 katika wiki ya kwanza.^[7] Knowles alirekodi wimbo wa "Check on It" ulioshirikishwa kwenye filamu, akishirikiana na Slim Thug, na kufikia namba moja kwenye Bango la nyimbo 100 mashuhuri. ^[48]

Mwishoni mwa mwaka 2005, Knowles tena alisitisha kutolewa kwa albamu yake ya pili baada ya kupata nafasi katika Dreamgirls, filamu iliyolinganisha filamu ya 1981 Broadway kuhusu kikundi cha waimbaji wa kike cha 1960 kilicholinganishwa na kile cha Motown cha waimbaji wa kike kilichoitwa The Supremes. Katika filamu hii, yeye anacheza nafasi ya Deena Jones anayelinganishwa na Diana Ross.^[48][50] Knowles aliambia jarida la Billboard : "Sitashughulikia albamu yangu hadi nimalize kuigiza kwenye filamu hii." ^[33] Filamu hii iliyotolewa Desemba 2006, ilishirikisha Jamie Foxx, Eddie Murphy, na Jennifer Hudson. Knowles alirekodi nyimbo kadhaa kwa ajili ya kutumika kwenye filamu hii, ukiwemo wimbo alioubuni wa "Listen". ^[51] Mnamo 14 Desemba 2006, Knowles alipendekezwa kupata tuzo mbili za Golden Globe kutokana na filamu hiyo ya Dream Girls: Kategoria ya mwigizaji bora wa kike - 'Motion Picture Musical or Comedy' na Wimbo bora wa kubuni kutokana na wimbo alioubuni wa "Listen".^[52]

Kutokana na msukumo uliotokana na nafasi yake katika filamu ya Dreamgirls, Knowles alianza kuifanyia kazi albamu yake ya pili bila mpango maalum, huku akisema kwenye habari za MTV, "[Baada ya kumalizika kwa utayarishaji wa filamu] mimi nilikuwa na mambo mengi ndani yangu, hisia nyingi, mawazo mengi".^[53] Knowles alifanya kazi na watu wengine walioshiriki kwenye muziki hapo awali, ikiwa ni pamoja na Rich Harrison, Rodney Jerkins na Sean Garrett, katika studio za muziki za Sony mjini New York. Alishiriki katika ama kuandika au kutayarisha karibu nyimbo zote zilizokuwa katika albamu hiyo, ambayo ilikamilika kutayarishwa katika muda wa wiki tatu.^[54]

Albamu ya B'Day ilitolewa duniani kote tarehe 4 Septemba 2006 na tarehe 5 Septemba 2006 katika Marekani wakati mmoja na maadhimisho ya miaka ishirini na tano yake ya kuzaliwa. Albamu hii ilitolewa na kuwa namba moja kwenye Bango la nyimbo 200 mashuhuri, huku ikiuza zaidi ya nakala 541,000 katika wiki ya kwanza, na yakawa ndio mauzo yake ya juu zaidi katika wiki ya kwanza akiwa anaimba peke yake.^[55] Albamu imethibitishwa kufikia kiwango cha platinumu kwa mara tatu huko Marekani na shirika la Recording Industry Association of America. ^[32] Albamu hii ilitoa wimbo uliokuwa namba moja huko Uingereza, wa "Déjà Vu", ambao ndio ulikuwa wa kwanza kutolewa kutoka kwa albamu hii, akishirikiana na Jay-Z. " Wimbo wa "Irreplaceable" ulitolewa Oktoba mwaka 2006 kama wimbo wa pili wa albamu hii duniani kote na wa tatu katika Marekani "Wimbo huu uliongoza kwenye Bango la nyimbo 100 mashuhuri kwa wiki 10 mfululizo, na kumpatia Knowles wimbo wake uliokaa katika nafasi ya kwanza kwenye bango kufikia sasa.^[56] Ingawa albamu hii ilikuwa na mafanikio, kibiashara, utayarishaji wake ambao ulichukua muda mfupi ulizua mijadala mikali.^[57][58][59]

Knowles alitoa upya albamu hii ya B'Day tarehe 3 Aprili 2007 ,^[60] iloyokuwa na nyimbo tano mpya na matoleo ya Kihispania ya nyimbo za "Irreplaceable", na "Listen". ^[61] Sambamba na hayo, diwani ya albamu ya B'Day ilitolewa akishirikisha video 10 za muziki.^[61][62] Katika kuipigia debe albamu hii, Knowles kulianza ziara yake ndefu iliyoitwa The Beyoncé Experience tour, na kutembelea zaidi ya kumbi tisini duniani, na ambayo ilitolewa kama video ya DVD iliyoitwa The Beyoncé Experience Live!. ^[63] Katika mashindano ya Grammy Awards, 2007, albamu ya B'Day ilimshindia Knowles tuzo ya Albamu Bora ya Kisasa ya R & B.^[64] Knowles alifanywa jambo la kihistoria katika shindano la 35 la kila mwaka linalohusisha mashindano ya muziki Annual American Music Awards kwa kuwa mwanamke wa kwanza kushinda tuzo ya msanii wa Kimataifa.^[43]

Mnamo 10 Februari 2008, Knowles aliimba akishirikiana na Tina Turner katika shindano la 50 la Grammy Awards. Wao waliimba mojawapo ya nyimbo mashuhuri za Tuner, "Proud Maria", na kupokea maoni chanya kutoka vyombo vya habari. Knowles alitoa albamu yake ya tatu, I Am ... Sasha Fierce, tarehe 18 Novemba 2008.^[65] Knowles husema kwamba jina Sasha Fierce ni jina la kimaajazi ambalo yeye hulichukua wakati anaimba kwenye jukwaa.^[66] Albamu hii ilitangulia na kutolewa kwa nyimbo zake mbili, "If I Were a Boy" na "Single Ladies (Put a Ring on It)". ^[67][68] Wakati wimbo wa "If I Were a Boy" uliongoza kwenye chati mbalimbali duniani, hasa katika nchi za Ulaya, wimbo wa "Single Ladies (Put a Ring on It)" ulichukua nafasi ya kwanza kwenye chati ya Billboard Hot 100 , kwa wiki nne ingawa si mfululizo, na kumpatia Knowles wimbo wake wa tano kuwa namba moja katika Marekani.

Knowles aliigiza kwenye filamu ya kimuziki, Cadillac Records, ^[69] ambapo Knowles alikuwa ametunikiwa kuchaguliwa kuiga katika mchezo mwimbaji mashuhuri wa 'blues', Etta James. ^[70] Uigizaji wake katika filamu hiyo umepokea sifa kutoka wakosoaji.^[71] Knowles pia aliigiza pamoja na Ali Larter na Idris Elba katika filamu ya kutisha iitwayo obsessed, ambayo ilikuwa katika utayarishaji tangu Mei 2008. Filamu hii ilipokea maoni duni na imepata asilimia mbovu ya 18% katika orodha ya 'Rotten Tomatoes'. Hata hivyo, filamu hii kufikia sasa imethibitisha kuwa na mafanikio ya kibiashara na ilitolewa katika Marekani tarehe 24 Aprili 2009. Filamu hii ilikusanya dola milioni 11.1 katika siku yake ya kwanza kutolewa ^[72] na kumalizia wikendi yake ya kufunguliwa katika nafasi ya kwanza, na jumla ya dola 28.6 milioni.^[72]

"Halo", wimbo wa nne wa albamu ya I Am ... Sasha Fierce, ulichukua nafasi ya tano, hivyo kuwa wimbo wa 12 wa Knowles kutokea katika orodha ya nyimbo 10 za kwanza katika chati ya 'Hot 100', akiwa ameimba peke yake. Jambo hili lilimfanya Knowles msanii wa kike aliye na nyimbo nyingi zaidi katika orodha ya nyimbo kumi za kwanza kwenye chati ya 'Hot 100' katika muongo huu.^[73][74] Yeye pia ndiye msanii wa kike aliyekaa sana kwenye nafasi ya kwanza katika muongo huu, kwa kukaa jumla ya wiki 36 katika namba moja, kuwa na nyimbo nyingi miongoni mwa nyimbo tano na nyimbo kumi za kwanza katika muongo huu, kwa jumla ya nyimbo kumi na tatu,^[73][74] pamoja na kuwa na nyimbo nyingi kabisa miongoni mwa nyimbo 40 mashuhuri muongo huu, kwa kuwa na jumla ya nyimbo 18.^[75]

Knowles alishinda Msanii Bora wa Kike (Outstanding Female Artist) katika mashindano ya NAACP Image Awards 2009.^[76] Yeye pia alishinda tuzo ya Msanii Bora wa R & B katika mashindano ya 2009 Teen Choice Awards. Knowles aliimba kwenye sikukuu ya Lincoln Memorial iliyokuwa tarehe 18 Januari 2009 iliyoandaliwa kwa heshima ya kuanzisha rasmi utawala wa Barack Obama, Rais wa 44 wa Marekani. Knowles pia aliimba wimbo toleo lake la R & B la wimbo maarufu unaojulikana kuimbwa na Etta James, wa "At Last", wakati Rais Obama na mke wake Michelle walikuwa wakicheza ngoma yao ya kwanza kama Rais na mama wa kwanza wa Marekani, tarehe 20 Januari 2009 katika hafla ya 'Neighborhood Inaugural Ball'.

Katika kupigia debe albamu yeke, Knowles kufanya ziara ndefu iliyoitwa I Am ...Tour Concert tours iliyoanza katika majira ya kuchipua ya 2009, na kutembelea kumbi tofauti duniani kote. Alihitimisha awamu ya ziara yake ya Amerika ya Kaskazini na onyesho la siku nne lililohusisha watu maalum na lilokuwa katika, Encore Theater inayotoshea watu 1,500 na iliyo kwenye 'Steve Wynn's Encore Resort' mjini Las Vegas, kuanzia 30 Julai hadi 2 Agosti 2009. Kufikia 2 Agosti 2009, ziara ya Knowles ilikuwa imetangazwa rasmi kuwa 'Maonyesho nambari 1', kutokana na idadi kubwa ya watu waliohudhuria na safari hiyo iliyohusisha sehemu mbalimbali. Mwandishi wa jarida la Billboard , Bob Allen anathibitisha mafanikio ya ziara hiyo kwa kusema: "Kutokana na taarifa ya mapato kufikia dola 36 milion tangu ziara ianze, oyesho lake liko miongoni mwa maonyesho 15 ya kwanza, kukiwa na ziara zingine zilizopangwa kuanzia mwaka wa 2010." ^[77][78]

Video ya wimbo wa "Single Ladies (Put a Ring on It)" ilishinda tuzo ya mwaka ya 2009 BET Awards. Aidha, video hii ilipendekezwa kupata jumla ya tuzo tisa katika shindano la 2009 MTV Video Music Awards, na hatimaye ikashinda tuzo ya Video ya mwaka na tuzo zingine mbili, ingawa kushindwa kwake katika kategoria ya Video Bora ya Kike na video ya Taylor Swift ya wimbo "You Belong to Me" kulisababisha mgogoro wakati wa hafla; Hotuba ya Swift ya kukubali tuzo ilikatizwa na msanii wa Hip-Hop Kanye West, ambaye alimpokonya kipaza sauti na kutangaza video ya "Single Ladies" kama "mojawapo ya video bora zaidi". Wakati Knowles alipokea tuzo ya video ya Mwaka, yeye alisema, "Mimi ninakumbuka nikiwa na umri wa miaka 17, nikieda kuchukua tuzo langu ya kwanza kutoka MTV na kikundi cha Destiny's Child, na ilikuwa ni mojawapo ya nyakati za kusisimua zaidi katika maisha yangu" na kwamba yeye angependa Swift "ajitokeze na afurahie wakati wake".^{[79][80][81][82]} Mnamo Oktoba 2009, Knowles alipewa tuzo ya jarida la Billboard ya "Woman of the Year".^[83] Wakati wa kukubali tuzo hilo, Knowles alisema "Mimi ni mwanamke aliyebahatika sana duniani." ^[83]

"Trust in Me" Faili:Beyonce Trust in Me.ogg While predominately R&B, Knowles' music explores various styles. The Daily Mail calls Knowles' voice "versatile", capable of exploring power ballads, soul, rock belting, operatic florishes, and hip hop.[84] "Emotion" Faili:Destiny's Child, Emotion.ogg Knowles' prominent use of melisma and other vocal ornamentation earns her both praise and criticism from critics and fans.[85][86]

Problems listening to these files? See media help.

Knowles daima amekuwa akitambuliwa kama kiongozi wa Destiny's Child.^[87] Mwandishi Jon Pareles wa gazeti la The New York Times alisema kwamba Knowles ana sauti inayokitambulisha kikundi, huku akiandika kuwa sauti yake ni "nyororo tena kali, pamoja na mtetemeko unaodumu na inayoweza kucharaza nyimbo za 'soul'". ^[88] Mwandishi James Anthony wa jarida la The Guardian alisema kuwa sauti yake ni tofauti na ya kasi, na iliyo na mbinu za kwikwi.^[18] Wakosoaji wengine walisifu anuwai yake na nguvu. Katika marekebisho ya albamu yake ya pili, B'Day , mwandishi Jody Rosen wa jarida la Entertainment Weekly aliandika "Beyoncé ni mfumo wa dhoruba uliojigeuza mwimbaji. Katika albamu yake pekee ya pili, B'Day, nyimbo ziliwasili kwa mbubujiko mkubwa wa mdundo na hisia, huku sauti ya Beyoncé ikipasua kelele za matigo ya wimbo; wewe utahitajika kutafuta kwa mapana na marefu - pengine katika kumbi za Metropolitan Opera - kupata mwimbaji mwingine anayeimba kwa nguvu zaidi ya zake ...Hakuna mmoja - si R. Kelly, si Usher bila kuwataja wapinzani wake wa 'pop'- anayeweza kufikia uwezo wa Beyoncé wa kuivuta mistari yake dhidi ya mapigo ya hip-hop.^[89] Mwandishi Chris Richards wa jarida la Washington Post anaandika, "Hata wakati ambapo yeye hafanyi vyema kimuziki, yeye hupaa juu ya waigaji wake. Yote yako katika sauti yake -chombo kilichozidi cha binadamu kilicho na uwezo wa kuimba wimbo wowote kwa mgong'ono wa kusisimua au mngurumo kamili-. Mchomo, kubeza, ashiki, mapambano-Beyoncé huimba kutoka pande hizi zote kwa uwezo mkuu.^[90] Jarida la Cove lilimworodhesha katika nafasi ya saba katika orodha yao ya "Waimbaji 100 mashuhuri wa Pop" (The 100 Outstanding Pop Vocalists), na kumpatia alama 48 kati ya 50 kutokana na vigezo kadhaa vikiwemo uwezo wake wa kuimba na ulinganifu wa sauti.^[91][92] Mara nyingi Knowles amesemekana kuimba sana. Kama mtu anayejulikana kuendelea kujiboresha, yeye mara kwa mara hulinganishwa na wasanii kama Mariah Carey, ambao umaarufu wao wa kuimba umejulikana kupungua kutoka kwenye utamu wa nyimbo zao. Jarida la Eye Weekly linaandika, "Hakuna swali kwamba Beyonce ni mmoja wa waimbaji bora wa pop, labda mmoja aliyebora miongoni mwa walio hai ... [Hata hivyo] ingawa uimbaji wake una busara, athari kwa jumla bado ni kama kupondwa kichwa kwa ngumi iliyo kwenye glavu ya mahameli.^[93]

Muziki wa Knowles kwa jumla ni wa R & B ya kisasa, ingawa pia unajumuisha muziki wa dance-pop, Funk, pop na soul. Ingawa karibu nyimbo zake zote ni za Kiingereza, Knowles alirekodi nyimbo kadhaa za Kihispania wakati wa toleo jipya la albamu ya B'Day. Kikundi cha Destiny's Child kilikuwa tayari kimerekodi wimbo wa Kihispania na kupokea mapokeo mazuri kutoka mashabiki wao wa Kilatini. Knowles alisoma Kihispania katika shule wakati alipokuwa kijana, lakini sasa anaweza kusema maneno machache tu ya lugha hiyo. Kabla ya kurekodi nyimbo za Kihispania za toleo jipya la albamu ya B'Day, yeye alifunzwa kutamka na mtayarishaji wa Marekani Rudy Perez.^[62]

Tangu wakati wa kikundi cha Destiny's Child, Knowles anadai kuwa anashughulika kisanii katika kazi yake.^[13] Yeye alipokea sifa za kushiriki katika uandishi wa nyimbo nyingi zilizorekodiwa na kikundi cha Destiny's na zake mwenyewe. Mwimbaji huyu anayejulikana kuandika nyimbo zilizo na maudhui yanayotokana na uchocheo wake binafsi na hamasisho za kuwawezesha wanawake, yeye amesema, kuwa na Jay-Z katika maisha yake kumebadilisha mawazo yake machache kuhusu jinsi wanaume na wanawake wanavyohusiana.^[94] Baadhi ya nyimbo zake ni tawasifu, ambazo amekubali kuwa zimechotwa kutoka tajriba zake mwenyewe na za marafiki zake '.^[95]

Knowles pia alipata sifa za kushiriki katika utayarishaji wa nyingi za rekodi ambazo amehusika, hasa wakati wa juhudi zake pekee. Hata hivyo, yeye huwa habuni mapigo ya mdundo, lakini kwa kawaida yeye huandika nyimbo na kutoa mawazo mapya wakati wa utayarishaji, na kuyapitisha kwa watayarishaji.^[96] Knowles alitambuliwa kama mtunzi wa nyimbo wakati wa uimbaji wa kikundi cha Destiny's Child katika miaka ya 1990 na nyakati za mapema hadi kati ya-2000. Yeye alishinda tuzo ya Mtunzi wa Mwaka 2001 katika mashindano ya Tuzo za Muziki wa Pop wa Chama cha Watunzi Waamerika, Waandishi, na Wachapishaji(American Society of Composers, Authors, na Publishers Pop Music Awards),^[17] na kuwa mwanamke kwanza wa Marekani mwenye asili ya Kiafrika na mwanamke wa pili kutambuliwa kwa kutunga nyimbo.^[4][95] Knowles alipokea tuzo tatu katika mwaka mmoja, za uandishi wa nyimbo kutokana na kushiriki katika kuandika nyimbo za "Irreplaceable", "Grillz" ( sampuli ya wimbo wa "Soldier" ) na "Check on It", hivyo kuwa mwanamke pekee kufika hapo tangu Carole King katika mwaka wa 1971 na Mariah Carey mwaka 1991. Katika suala la tuzo, yeye ameshikana na Diane Warren katika nafasi ya tatu kwa kuwa na nyimbo tisa zilizowahi kuwa namba moja.^[97]

Mapema katika kazi yake, Knowles alichukua mwelekeo wa ujasiri, Sasha Fierce, unaowakilisha upande wa mtu asiyeogopa, hali za kingono na kujiamini, wa mwimbaji. Katika mahojiano na jarida la Entertainment Weekly , Knowles alibainisha kuwa mwelekeo wake mpya ni wa "kutumika katika jukwaa pekee." [251] Knowles huvaa "glavu ya roboti" (roboglove) akiwa jukwaani kuendeleza Sasha Fierce.

Katika mwaka wa 2006, Knowles alianzisha bendi yake ya ziara inayoshirikisha wananwake pekee na inayoitwa Suga Mama, ambayo inajumuisha wacheza besi, wapiga ngoma, wacheza gita, pembe na ala zingine za muziki .^[98] Wao waliimba kwa mara ya kwanza katika hafla ya mashindano ya 2006 BET Awards na wakahusika katika video ya nyimbo "Irreplaceable" na "Green Light". ^[62] Bendi hii imemsaidia Knowles katika maonyesho yake mbele ya hadhira, na katika ziara yake ya 2007 The Beyoncé Experience World Concert Tour, na katika ziara ya 2009 I Am ...

Katika makala iliyoitwa "Born to Entertain", Knowles, akishirikiana na waimbaji wa mitindo ya kisasa na ya kale, alipokea sifa kutokana na maonyesho yake kwenye jukwaa.^[99] Katika kutoa maoni yake kuhusu ziara ya 2009 I Am ...Tour, mwandishi Alice Jones wa jarida la The Independent anaandika, "kumtazama Beyoncé akiimba na kucheza kunaweza kukakufanya kwa upande mmoja ushangae na kwa upande mwingine uhisi kutengwa. Yeye huchukua jukumu lake la kuburudisha kwa umakini hivi kwamba yuko karibu kuwa mzuri kupita kiasi.^[100] Gazeti la The New York Times linsema, "kuna usanii wa kustaajabisha katika hamu yake ya kutaka kuburudisha".^[101] Mwandishi Michelle Renee Harris wa jarida la South Florida Times anaandika, Knowles "humiliki jukwaa kwa mikogo na nguvu zake zinazomtambulisha ... akionyesha uwezo wake wa kuimba bila kuruka noti hata moja, mara nyingi akiwa ameshughulikia kucheza ngoma kwa nguvu na umaarufu ... hakuna mmoja, si Britney, si Rihanna na si Ciara anayeweza kufanya hivyo-kifurushi kamili cha sauti, mitindo ya uchezaji ngoma na uwepo." ^[102] Maoni haya yaliungwa mkono na mwandishi Lorraine Schwartz wa The Examiner, ambaye aliandika, "Kwa muda wa chini ya mwaka, nimeona Madonna, Britney na Beyoncé ... [Beyoncé] ndiye alikuwa, kwa mbali, bora miongoni mwa wote watatu.^[103]

Wahakiki pia husifu maonyesho yake kwenye jukwaa. Katika kutoa maoni yake kuhusu mojawapo ya maonyesho ya mwimbaji huyu, mwandishi Jim Farber wa The Daily News anaandika "Beyoncé alionyesha umaarufu mkuu. Wakati wimbo ulipokuwa ukiendelea, yeye aliimba kwa urahisi. Jinsi Beyoncé alivyotumia mwili wake ulizidisha hisia za furaha. Huku nywele zake zikiwa zimeshikwa kwa njia ya kuvutia, akitingisha kiuno chake na miguu mirefu kiasi cha kumfanya Tina Turner amwonee fahari, uwepo wa Beyoncé ulijenga uimbaji wake kikamilifu.^[104] Mwandishi Stephanie Classen wa Star Phoenix anatangaza "Beyonce si mwimbaji wa kawaida ... kutoka mwanzo, mwimbaji huyu wa umri wa miaka 27 anayeimba kwa nguvu alipaa juu ya wanavitimbi wote, huku akitawala onyesho kama malkia asiye na asili ya kibinadamu. Hakuna kitu chochote isipokuwa nguvu za kiungu kinachoweza kuelezea sauti hiyo ....[ Beyonce] anaweza kuimba vyema kushinda mwimbaji yeyote mwingine wa pop hivi leo." Jarida la Newsday linaandika, "Yeye anathibitisha kuwa si lazima uwezo bora wa kucheza ngoma na sauti nzuri zisiwe na mtu mmoja pekee ... Hakuna hofu ya mdomo-synching hapa.^[105]****kindly assist to translate

Beyonce pia amekosolewa kwa sababu ya mitindo yake ya kucheza ngoma. Uimbaji wake katika kaburi la Rais wa zamani wa Marekani Ulysses S. Grant tarehe 4 Julai 2003 ulisemekana kuwa wa kisherati; wanafamilia wa Grant waliohudhuria walitoa maoni tofauti kuhusiana na jambo hilo.^[106]

Knowles imekuja inajulikana kama ishara ya ngono.^[107][108] Yeye alisema, "Mimi hupenda kuvaa kwa mitindo ya kingono na ninajibeba kama mwanamke aliyeheshimika," lakini yeye amesema kuwa njia anayovalia ni "ya jukwaa pekee".^[109] Kama mtu ambaye anapenda mitindo ya mavazi, Knowles huchanganya sifa zake za kisanaa na video zake za muziki na maonyesho yake. Kulingana na mwanamitindo wa Kiitaliano Roberto Cavalli, Knowles hutumia mitindo tofauti na anajaribu kuioanisha na muziki wakati maonyesho.^[110] Diwani yake ya B'Day Anthology ilionyesha matukio mengi ya yanayohusiana na mitindo ya mavazi, huku ikionyesha mitindo ya kisasa na ya kale.^[111] Jarida la People lilimtambua Knowles kama mtu mashuhuri anayevaa vizuri zaidi katika mwaka wa 2007.^[112] Mamake Knowles aliandika kitabu kilichochapishwa mwaka wa 2002, na kilichoitwa Destiny's Style: bootylicious Fashion, Beauty na Lifestyle Secrets From Destiny's Child, kilichoeleza jinsi mitindo ya mavazi ilivyoathiri mafanikio ya kikundi hiki cha Destiny's Child'.^[113]

Kama moja wa wasanii weusi kutoka Marekani anayeangaziwa sana na vyombo vya habari, Knowles mara nyingi hupata ukosoaji ambao baadhi ya watu huamini kuwa husababishwa na ubaguzi wa rangi na uana.^[114] Mmoja wa mashabiki wake anasema, "[Knowles] anajionyesha kama ishara ya ngono kuliko kama msanii." ^[115] Mwandishi Toure wa jarida la Rolling Stone alisema kwamba tangu kutolewa kwa albamu ya Dangerously in Love, "[Beyoncé] imekuwa ishara ya ngono kama Halle Berry ..." ^[116] Sura yake katika jarida la Vanity Fair pia ilizua maoni tofauti kwamba toni ya ngozi yake ilikuwa imebadilishwa kupitia mitambo ya tarakimu.^[8]

Mwaka 2007, Knowles alitokea kwenye ngozi ya jarida la Sports Illustrated Swimsuit Issue, mwanamke wa kwanza asiyehusika na mtindo wala michezo, kutokea kwenye jarida hilo na modeli wa kwanza mwenye asili ya kiafrika kutoka Marekani tangu modeli Tyra Banks. ^[43] Katika mwaka uo huo, Knowles alitokea katika mabango na magazeti kote Marekani, akiwa ameshika kishika sigara kikuukuu. Picha hiyo iliyokuwa imetolewa nyuma ya ngozi ya albamu ya B'Day, ilizua maoni kutoka kwa kikundi cha wapinga uvutaji wa sigara, waliosema kuwa yeye hakuwa na haja ya kuongeza kishika sigara " ili kujifanya aonekane mngwana zaidi".^[117]

Tarehe 24 Aprili 2009, Knowles alitokea katika onyesho la Larry King Live, ambapo yeye mwenyewe alijipatoa picha ya kisiasa na kuongea kuhusu kila kitu kuanzia kuimba kwake wakati wa kutambulishwa kwa Rais Barack Obama, hadi ubaguzi ambao amekumbana nao kwa sababu ya asili yake ya kiafrika-kiamerika. Alisema kwamba Michelle Obama ni "maridadi sana," na hata akasema kuwa kuimba kwake katika hafla ya dansi yao ya kwanza kulikuwa ndicho kilele cha uimbaji wake.^[118]

Knowles ametaja wasanii mbalimbali ambao wameathiri mtindo wake wa kimuziki. Yeye alikua akiwa anasikiliza nyimbo za Anita Baker na Luther Vandross, na hatimaye akashirikiana na Luther Vandross, lakini mara nyingi yeye hutaja Michael Jackson kama aliyemfanya aimbe ^[119] na shujaa wake.^[120] Yeye pia alianza kusikiliza muziki wa jazz uliombwa na Rachelle Ferrell, baada ya kuimba nyimbo za Ferrell wakati wa masomo yake ya sauti.^[121] Knowles amewataja wasanii kutoka Marekani waliomwathiri wakiwa ni pamoja na Tina Turner, Prince, Aretha Franklin, Whitney Houston, Janet Jackson, Selena, Mary J. Blige, Diana Ross, Donna Summer, Mariah Carey na mwimbaji kutoka Colombia Shakira.^[122][123]

Knowles pia amethiri wasanii mbalimbali ya kisasa. Mwimbaji wa Pop Rihanna imelinganishwa na yeye wakati mwandishi wa safu katika jarida la 'The Guardian', Amina Taylor, alimwita "Bajan Beyoncé",^[124] Mwimbaji kutoka Kanada wa aina sawa ya muziki, Keshia Chante, pia aliathiriwa na Knowles.^[125] Aidha, wimbo wa kwanza wa mshindi wa American Idol, Jordin Sparks, "Tattoo", na albamu yake ya kwanza zimesemekana kuwa "Beyoncé-ish";^[126] baadhi ya wakosoaji walisema kuwa "Tattoo" inaweza kuwa "imetolewa" kutoka kwa wimbo wa Knowles wa "Irreplaceable". ^[127] Stephen Thomas Erlewine kutoka Allmusic alisema kuwa nyimbo za mwimbaji wa Marekani Katharine McPHEE, kwenye albamu yake iliyokuwa na jina hilo zilikuwa na athari kubwa kutoka kwa muziki wa Knowles.^[128] Rowland aliathiriwa na sauti ya Knowles wakati wa kurekodi albamu yake ya pili, Ms Kelly. ^[129]

Knowles ndiye aliyekuwa mwanamke wa kwanza kupewa tuzo ya 'International Artist Award' katika shindano la American Music Awards. Katika hafla ya World Music Awards ya 2008, Knowles alipewa tuzo ya kifahari ya 'Outstanding Contribution To The Arts'.^[130] Knowles alikuwa mwimbaji mkuu wa mojawapo ya vikundi vya wanawake vilivyosifika sana duniani, Destiny's Child. ^[131] Kwa wengi, yeye ametambuliwa kama mmojawapo wa wasanii mashuhuri duniani kote.^[132][133] Albamu yake ya kwanza iliorodheshwa kama moja ya albamu 200 bora zaidi katika historia na Rock & Roll Hall of Fame. Yeye alikuwa mmoja wa wasanii wachache wa kizazi yake kuwa zilizotajwa juu kwamba orodha.^[134] Knowles ana sanamu nyingi na mbalimbali zanta lakini sanamu yake inayofahamika zaidi iko kwenye Madame Tussaud 's Wax Museum.^[135].

Knowles na mama yake walianzisha House of Deréon, aina ya mitindo ya kisasa ya mavazi, ya wanawake, katika mwaka wa 2005. Wazo hili lilichochewa na vizazi vitatu vya wanawake katika familia yao, waliotumia jina Deréon na waliotaka kuonyesha heshima zao kwa bibi yake Knowles, Agnèz Deréon, ambaye alifanya kazi ya kushona.^[136][137] Kulingana na Tina Knowles, mtindo huu wa mavazi kwa jumla unaonyesha ladha na mitindo wanayoipendelea na wanawake kutoka familia ya Knowles.^[138] Bidhaa za 'House of Dereon', zilizozinduliwa mwaka 2006, ziliwekwa kwenye maonyesho kwa umma wakati wa ziara ya kikundi hiki ya Destiny Fulfilled. ^{[137][139][140]} Duka za bidhaa hizi, ambazo zinapatikana kote Marekani na Kanada, zinauza nguo za michezo, denimu pamoja na manyoya, nguo za kawaida pamoja na mikoba na viatu.^[137] Bidhaa hizi pia zinahusisha viatu, ambazo hutengenezwa na Knowles wakishirikiana na 'House of Brands', kampuni ya viatu ya huko kwao.^[141] Katika mwaka wa 2004, Knowles na mama yake walianzisha kampuni ya familia yao inayoitwa 'Beyond Productions', ambayo inatoa leseni kwa na usimamizi wa bidhaa za House of Deréon.^[142] Mapema mwaka 2008, wao walianzisha 'Beyoncé Fashion Diva', mchezo wa simu ulio na sehemu ya mitandao ya kijamii, ikishirikisha 'House of Deréon'.^[142]

Shirika linalotetea haki za wanyama la People for the Ethical Treatment of Animals (PETA) lilimkosoa Knowles kwa kuvaa na kutumia manyoya kutengeneza nguo zake.^[4] Shirika hili limetuma barua kwake, likimsihi awache kutumia manyoya katika mavazi yake. Katika tukio moja, shirika hili la PETA liliandaa hafla ya chakula cha jioni, ya Knowles pamoja na mashabiki wake, ambao walikuwa wamekula njama na shirika hili. Knowles PETA alikabiliwa na wawakilishi wa PETA, ambao walitolewa nje baada ya Tina Knowles kuja. Tukio hili lilizua maoni tofauti; Knowles hakusema lolote juu ya tukio hili, ingawa baba yake alijaribu kukabiliana nao.^[143]

Knowles alitia saini mkataba na shirika la Pepsi katika mwaka mwaka wa 2002 kwa ajili ya ukuzaji wa bidhaa zao,^[144] ambao ulihusisha kuonekana kwenye matangazo ya runinga, pamoja na yale ya redio na mtandao. Aliwekwa na kampuni kama mtia sahihi ili kusaidia kuvutia watu kutoka maeneo mengi.^[145] Tangazo moja la kibiashara katika TV la Pepsi la 2004 liliokuwa na mada ya "Gladiators" lilishirikisha Knowles na waimbaji Britney Spears, Pink, na Enrique Iglesias,^[146] na la mwaka uliofuata lilimshirikisha wakiwa na Jennifer Lopez na David Beckham aliyeitwa "Samurai".^[147]

Mikataba ya kibiashara na bidhaa za Knowles pia zinajumuisha bidhaa za urembo na manukato. Yeye amefanya kazi na kampuni ya L'Oréal tangu akiwa na umri wa miaka 18,^[148] na akatia saini mkataba na kampuni hii ya bidhaa za urembo katika mwaka wa 2003, mkataba ambao ulimpatia dola milioni 1.^[149] Yeye alizindua marashi yake mwenyewe yaitwayo 'True Star', manukato ya Tommy Hilfiger, mwaka 2004. Kama sehemu ya mchango wake kwa bidhaa hii, Knowles aliimba toleo la wimbo "Wishing on a Star" lililotumika kwenye matangazo ya 'True Star', ambapo alilipwa $ 250.000.^[150] Yeye pia alizindua bidhaa ya Hilfiger ya 'True Star Gold' katika mwaka wa 2005 na bidhaa ya 'Emporio Armani 's Diamonds' katika mwaka wa 2007.^[151] Jarida la Forbes lilisema kuwa Knowles alichuma $ 80 million kati ya Juni 2007 na Juni 2008, ikiwa ni pamoja na albamu yake, ziara zake, biashara yake ya mitindo, na mikataba ya ukuzaji. Pato hili lilimfanya mwimbaji wa pili duniani kote anayepata malipo bora wakati huu.^[152]. Katika kipindi cha kuanzia Juni 2008 hadi juni 2009, Beyoncé alichuma $ 87 million kulingana na jarida la Forbes, jambo lililomweka katika nafasi ya nne katika orodha ya jarida la Forbes ya Watu 100 Mashuhuri ya 2009.^[153]

Knowles amekuwa akihusishwa na masuala ya kijamii tangu akiwa mtoto mdogo, kwani babake wakati mwingine angempeleka kutagusana na jamii, ikiwa ni pamoja na wamarekani walio wa asili ya kiafrika.^[5] Knowles na Rowland, pamoja na familia ya Knowles, walianzisha shirika la 'Survivor Foundation', lililoanzishwa kusaidia kuwapatia makazi ya mpito waathiriwa wa Hurricane Katrina wa 2005 pamoja na wale walioathiriwa na dhoruba katika eneo la Houston, mjini Texas.^[4] Shirika hili la 'The Survivor Foundation' lilipanua wito wake wa uhisani kwa kuanzisha kituo cha vijana cha 'Knowles-Rowland Center for Youth', kinachushughulikia maswala mbalimbali ya jamii katika eneo la Houston.^[4] Knowles alichangia $ 100.000 kwa 'Gulf Coast Ike Relief Fund', shirika ambalo huwafaidi waathiriwa wa Hurricane Ike katika eneo la Houston. Yeye pia ana andaa hafla ya kukusanya pesa za kuwasaidia waathiriwa wa 'Hurricane Ike' kupitia shirika lake la 'Survivor Foundation'.^[154]

Katika mwaka wa 2005, mtayarishaji muziki David Foster, binti yake Amy Foster-Gillies, na Knowles waliandika "Stand Up for Love," wimbo ambao ungetumika kama wimbo mkuu wa kuadhimisha Siku ya Watoto Duniani, hafla ambayo hufanyika kila mwaka duniani kote tarehe 20 Novemba kuongeza ufahamu na fedha kwa ajili ya kushughulikia maswala yanayowaathiri watoto duniani kote. Wanakikundi cha Destiny's Child walichangia kama mabalozi wa kimataifa katika mpango wa Siku ya Watoto Duniani kote, wa 2005.^[4][155] Katika mwaka wa 2008, yeye alirekodi wimbo wa "Just Stand Up!", akiwa pamoja na wasanii mbalimbali kwa ajili ya hafla ya Stand Up to Cancer. Walioungana na Knowles kurekodi wimbo huo ni pamoja na Mariah Carey, Leona Lewis, Rihanna, Leann Rimes na Mary J. Blige, miongoni mwa wengine.

Knowles alipeana chakula katika vituo mbalimbali aliposimama wakati wa ziara yake ya The Beyoncé Experience Tour katika Houston tarehe 14 Julai, Atlanta tarehe 20 Julai, Washington, DC on 9 Agosti, Toronto 15 Agosti, Chicago 18 Agosti, na Los Angeles tarehe 2 Septemba 2006.^[156] 4 Oktoba 2008, Knowles alihudhuria hafla ya 'Miami Children's Hospital Diamond Ball & Private Concert' katika uwanja wa American Airlines mjini Miami, ambapo yeye aliingizwa kwenye International Pediatric Hall of Fame'. Ethan Bortnick, mwimbaji wa miaka saba, alimwimbia Knowls wimbo wa "Under Rainbow".^[157] Baada ya kukamilisha kazi katika kampuni ya Cadillac Records, Knowles alipeana mshahara wake wote kwa Phoenix House, shirika la vituo vya kuwaasaidia watu kuweza kurudi kuishi maisha ya kawaida, nchini kote. Knowles alitembelea kituo cha Brooklyn katika maandalizi kwa kumwonyesha singer Etta James, ambaye aliwahi kutumia dawa ya heroin.^[158]. Na hivi majuzi, Knowles ameungana na mradi wa 'The Show Your Helping Hand Hunger Relief' na 'General Mills Hamburger Helper. Lengo lao ni kusaidia shirika la 'Feeding Amerika' kupeleka zaidi ya milo milioni 3.5 kwenye mabenki ya chakula mitaani. Knowles huwahimiza mashabiki wake kuleta chakula kisichoharibika kwa urahisi kwenye vituo anavyotembelea katika ziara zake za Marekani.^[159]

Wakati wa mzozo wa Destiny's Child mwaka 2000, Knowles alikubali, katika Desemba 2006,^[160] kwamba alikuwa amepatwa na mfadhaiko kutokana mkusanyiko wa matatizo: yakiwa pamoja na kutoka kwa LeToya Luckett na LaTavia Roberson, kwenye kikundi kulikoangaziwa hadharani na kushambuliwa na vyombo vya habari, wakosoaji pamoja na blogu kwa kusababisha mgawanyiko huo,^[161] na kuachwa na mchumba wake (aliyekuwa amechumbiana naye tangu umri wa miaka 12-19).^[162]

Mfadhaiko huo ulikuwa mkali kwani ulidumu kwa miaka kadhaa, na wakati huo alijifungia chumbani mwake na akakataa kula kitu chochote. Knowles alisema kuwa yeye alipata ugumu wa kuzungumza kuhusu mfadhaiko huo kwa sababu kikundi cha Destiny's Child kilikuwa tu kimeshinda tuzo yao ya kwanza ya Grammy na yeye aliogopa kuwa hakuna mtu ambaye angemwamini.^[163] Matukio haya yote yalimfanya ajiulize maswali na kujiuliza ni nani waliokuwa marafiki zake. Akielezea hali hiyo, yeye alisema, "Sasa kwa sababu mimi ninajulikana sana, nilikuwa ninaogopa kuwa sitaweza kumpata mtu tena wa kunipenda vile nilivyo. Niliogopa kupata marafiki wapya.^[162] Yeye humkumbuka mama yake, Tina Knowles, ambaye hatimaye alimwambia haya, na kusaidia kumwondoa kwenye mfadhaiko huo, "Kwa nini unafikiri mtu hawezi kukupenda? Kwani hujui jinsi ulivyo smart na tamu na n? ^[162]

Tangu mwaka 2002, Knowles imekuwa katika uhusiano na rapa Jay-Z, ambaye ameshirikiana naye katika nyimbo nyingi. Fununu zilianza kutanda kuhusu uhusiano wao baada ya Knowles kushirikishwa katika wimbo wa "'03 Bonnie & Clyde". ^[7] Licha ya kuendelea kwa fununu kuhusu uhusiano wao, wao walitahadhari kuhusu jambo hilo.^[164][165] Katika mwaka wa 2005, fununu zilianza kuenea kuhusu ndoa yao. Knowles alipinga uvumi huo kwa kusema kuwa yeye na Jay-Z walikuwa hata hawana uchumba.^[94] Alipoulizwa tena kuhusu jambo hili katika Septemba 2007, Jay-Z alijibu, "siku moja hivi karibuni-wacha tuyaachie hapo." ^[166] Laura Schreffler, mwandishi mwandamizi wa jarida la OK! , alisema, "Wao ni watu wasiri sana".^[167]

Mnamo 4 Aprili 2008, Knowles na Jay-Z walioana katika mji wa New York. Jambo hili lilijulikana na umma mnamo 22 Aprili 2008,^[168] lakini Knowles hakuvaa pete yake ya harusi hadharani hadi wakati wa hafla ya 'Fashion Rocks Concert' tarehe 5 Septemba 2008 mjini New York.^[169] Knowles hatimaye alifichua ndoa yao kupitia kwa video ya ufunguzi ya Montage katika hafla ya ukilizaji wa albamu yake ya I Am ... Sasha Fierce katika klabu ya Sony huko Manhattan.^[170]

Albamu za studio

• Dangerously in Love (2003)
• B'Day (2006)
• I Am... Sasha Fierce (2008)
• 4 (2011)
• Beyoncé (2013)
• Lemonade (2016)
• Renaissance (2022)
• Cowboy Carter (2024)

Video zilizotolewa

• Live at Wembley (2004)
• BET Presents Beyoncé (2006)
• Beyoncé The Ultimate Performer (2006)
• B'Day Anthology Video Album (2007)
• The Beyoncé Experience Live (2007)
• I Am... Yours: An Intimate Performance at Wynn Las Vegas (2009)

• Dangerously in Love Tour (2003)
• Verizon Ladies First Tour (2004)
• The Beyoncé Experience (2007)
• I Am ... Tour (2009)
• The Mrs. Carter Show World Tour (2013-2014)
• The Formation World Tour (2016)
• Renaissance World Tour (2023)

Wikimedia Commons ina media kuhusu:

Beyoncé Knowles

Wikiquote ina mkusanyiko wa dondoo kuhusu:

Beyoncé Knowles

• Tovuti rasmi ya Marekani Archived 5 Januari 2009 at the Wayback Machine.
• Beyoncé katika All Music Guide
• Beyoncé at the Internet Movie Database