Lompat ke isi

Budah

Ti Wikipédia Sunda, énsiklopédi bébas
Budah sabun

Budah nyaéta zat anu melendung alatan kasurungkeun ku hawa atawa gas anu kapengpet di jerona.[1] Budah anu dihasilkeun tina sabun paling remen kapanggih dina kahirupan sapopoé, saperti budah sabun seuseuh, sabun mandi, jeung sajabana.[2] Di pabrik sabun mah, lobana jeung saeutikna budah anu dihasilkeun dipariksa ku hiji alat anu disebut active meter (AM).[3] Budah ogé katempo dina cai laut, kuayana cai anu kaubek ku lambak .[3] Komo deui mangsa cai laut kacampuran bahan organik anu leyur dina cai laut, budah cai leuwih loba tur atra ka tempona.[3][4]

Budah ogé katempo dina inuman anu mibanda soda, komo pareng dicicikeun atawa diasupan zat séjén baris ngaberebes ngaluarkeun budah.[5] Kadaharan anu maké ragi (pengembang) saperti roti, adonan roti anu geus dicampur ragi sok ngabeukahan ngawangun budah di jerona alatan panas mangsa diasakan.[5] Budah ogé aya dina plastik, ilaharna dipaké dina barang éléktronik, wanguna ngenyod, ngoléang hampang tur kuat.[6]

Struktur budah dimangpaatkeun ogé dina kaperluan anu leuwih lega dina ukuran industri, saperti budah dina bahan alumunium anu dimangpaatkeun pikeun nyerep sarta ngurangan geteran anu dihasilkeun ti luar tur mibanda sipat anu hampang.[7] Utamana dina industri plastik struktur budah geus loba dijieun pikeun rupa-rupa kebutuhan, utamana dimangpaatkeun pikeun bungkus barang anu gampang beulah mangsa dipindahkeun.[7] Struktur budah dimangpaatkeun pikeun bungkus anu kagunaanna kawas anggel, pikeun nyingkahan barang anu di jero henteu peupeus atawa ruksak kabuntang-banting salila di perjalanan. [8]

Dicutat tina

[édit | édit sumber]
  1. ↑ Dibrata, R.A. Dana (2009). Kamus Basa Sunda. Bandung: PT Kiblat Buku Utama. ISBN 9793631937. 
  2. ↑ Suryana, Dayat (2013). Cara Membuat Sabun: Cara Praktis Membuat Sabun. Bandung: PT Kiblat Buku Utama. p. 72. ISBN 9781492266525. 
  3. ↑ a b c Ajar Permono, M.M., Ir. H. (2015). Membuat Sabun dan Shampo. Bandung: PT Kiblat Buku Utama. p. 47. ISBN 9789790026728. 
  4. ↑ Rigg, Jonathan (1862). Rigg. Universitas Harvard: Lange. p. 67.  Disungsi 27 Mei 2024
  5. ↑ a b . Sardjono, Agus R (2001). Bahasa dan bonafiditas hantu. Bandung: IndonesiaTera. p. 59. ISBN 9789799375162. 
  6. ↑ . Sardjono, griya (2001). Ragam Bentuk, Bahan & Variasi Tangga. Bandung: Griya kreasi. p. 60. ISBN 9789792636307. 
  7. ↑ a b Ballecer, Robert. "Aluminum Foam". http://twit.tv/show/padres-corner/18. TWiT.tv. Diakses tanggal 31 December 2014. 
  8. ↑ Singh, S. P.; Chonhenchob and Burges (1994). "Compariison of Various Loose Fill Cushioning Materials Based on Protective and Environmental Performance". Packaging Technology and Science (Wiley) 7 (5): 229–241. doi:10.1002/pts.2770070504. 
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Budah&oldid=667409"