Antony Hewish

Antony Hewish
Fødd	Antony Hewish 11. mai 1924 (100 år) Fowey
Død	13. september 2021
Nasjonalitet	Britisk
Område	Radioastronomi
Yrke	astronom, astrofysikar, fysikar, universitetslærar
Institusjonar	Cavendish Laboratory Yale University Mullard Radio Astronomy Observatory
Alma mater	Gonville and Caius College University of Cambridge King's College
Kjend for	Pulsarar
Utmerkingar	Eddingtonmedaljen (1969) Karl Schwarzschild-medaljen (1971) Nobelprisen i fysikk (1974) Hughesmedaljen (1977)
Medlem	Royal Society American Academy of Arts and Sciences Indias nasjonale vitenskapsakademi Academia Europaea Koninklijke Vlaamse Academie van België voor Wetenschappen en Kunsten
Religion	Kristendom

Antony Hewish (fødd 11. mai 1924) er ein britisk radioastronom og nobelprisvinnar.

Saman med landsmannen Sir Martin Ryle vart han tildelt nobelprisen i fysikk i 1974 for banebrytande arbeid innan radioastrofysikken: Ryle for sine observasjonar og oppfinningar, særskilt apertursynteseteknikken, og Hewish for innsatsen sin ved oppdaginga av pulsarane.

Etter utdanninga ved University of Cambridge slutta Hewish seg i 1946 til ei gruppe radioastronomar som vart leia av Sir Martin Ryle. Medan han leia eit forskingsprosjekt ved Mullard Radio Astronomy Observatory ved Cambridge i 1967, observerte ein av hans studenter, Jocelyn Bell, regelmessig pulserande radiosignal frå ei ukjend kjelde. Hewish forstod tydinga av observasjonen, og lukkast å konstatere at signala ikkje var interferens frå noko kjelde på jorda, men at dei måtte kome frå ei hittil ukjend type stjerne. Seinare har ein fastslått at signal av denne typen vert sende ut av hurtig rotererande nøytronstjerner. Tildelinga av nobelprisen til Hewish og Ryle, utan å verdsette innsatsen til Jocelyn Bell, er i ettertid blitt kritisert.

• 1977 – Hughesmedaljen
• 1974 – Nobelprisen i fysikk
• 1971 – Karl Schwarzschild-medaljen
• 1969 – Eddingtonmedaljen