Марит Бјорген

Марит Бјорген
Марит Бјорген за време на Светскиот куп во скијачко трчање во Стокхолм во март 2013
Држава	Норвешка
Роден	21 март 1980(1980-03-21) (44 г.)[1] Трондхејм, Норвешка
Spouse(s)	Фред Боре Љундберг
Скијачки клуб	Рогнес ИЛ
Кариера во Светскиот куп
Сезони	18 – (2000–2015, 2016-2018)
Поединечни победи	114
Екипни победи	30
Поед. подиуми	184
Екипни подиуми	37
Поед. тргнувања	303
Екипни тргнувања	44
Вкупно титули	4 – (2005, 2006, 2012, 2015)
Титули по дисциплина	8 – (3 далечински, 5 спринт)
Освоени медали Скијачко трчање Натпреварувач за  Норвешка Меѓународни натпревари во скијачко трчање Натпреварување 1  2  3  Олимписки игри 8 4 3 ФИС Светски првенства во нордиско скијање 18 5 3 Вкупно 26 9 6

Марит Бјорген (норвешки: Marit Bjørgen; родена на 21 март 1980 година) е норвешка нордиска скијачка. На вечната листа од Светскиот куп во скијачко трчање таа е рангирана на првото место со 114 победи во поединечна конкуренција. Бјорген е и најуспешната спринтерка во историјата на Светскиот куп во скијачко трчање, со 29 победи. Таа освоила најмногу медали на Зимските олимписки игри во 2010 година; освоила пет медали од кои три златни. Како петкратна учесничка на Олимписки игри, освоила рекордни 15 медали, повеќе од било кој спортист во историјата на Зимските олимписки игри.^[2]

На 6 април 2018 година, Бјорген објавила дека се повлекува од натпреварите во скијачко трчање по завршување на сезоната 2017-18. ^[3] Во мај 2020 година, Бјорген објавила дека ќе се врати на натпреварувањето, со цел да учествува на трката во Васалопет во март 2021 година.^[4]

Марит Бјорген на почетокот била одлична на спринтерските трки, а со седумте победи во тие трки биле доволни за да го освои второто место во генерален пласман во Светскиот куп во скијачко трчање во сезоната 2003–04. Но, од сезоната 2004-2005, Бјорген станала врвен скијач на долги патеки.

Бјорген има осумнаесет златни медали од Светските првенства во нордиско скијање, од кои дванаесет во поединечна конкуренција. Својот прв златен медал на Светските првенства го освоила спринтерската трка во Вал ди Фиеме во 2003 година, каде што исто така освоила сребро во трката 4 × 5 км. Таа освоила три медали во Оберстдорф во 2005 година во 30 км класично, тимски спринт и 4 × 5 км. Таа исто така освоила сребро во 7,5 км + 7,5 км двојна потера и бронза на 10 км слободно на истите игри. На првенството во 2007 година во Сапоро, Бјорген освоила две бронзени медали во екипен спринт (со Астрид Јакобсен) и во 4×5 км. Во Холменколен во 2011 година таа победила на спринтот во поединечна категорија, на 15 км потера, на 10 км класично, и на 4×5 км и освоила сребро на 30 км. На Светското првенство во Вал ди Фием во 2013 година, таа победила на спринтот во поединечна категорија, двоен потера, 4 x 5 км, 30 км и освоила сребро на 10 км слободен стил.

На 21-годишна возраст, таа учествувала на Зимските олимписки игри во Солт Лејк Сити 2002 година, каде што освоила сребро во штафетата 4x5 километри. На Зимските олимписки игри 2006 во Торино, освоила сребрен медал на 10 километри слободно и завршила на четвртото место во штафетата 4x5 километри. На Зимските олимписки игри 2010 во Ванкувер, Бјорген освоила пет олимписки медали во сите дисциплини во кои учествувала: златен медал на 15 километри, класичен спринт и штафетна трка 4x5 километри, како и сребрен медал на 30 километри масовен старт и бронзен медал на 15 км.

На Олимписките игри 2014 во Сочи, Русија, освоила три златни медали: 15 километри скиатлон, 30 километри масовен старт и екипен спринт. Со овие три олимписки медали, дотогаш имала освоено вкупно десет медали, со што го израмнила рекордот за најмногу освоени медали на зимските олимписки игри во женска конкуренција, заедно со Стефанија Белмондо и Раиса Сметанина; но од сите три наведени рекордери, Бјорген имала најмногу злата.^[5]

На Олимпијадата во Пјонгчанг 2018 година, освоила злато на 30 км класично, 4х5 км штафетната трка, сребро на 15 километри скиатлон и бронза на 10 километри слободно и екипен спринт.

Бјорген учествувала на пет последователни Зимски олимпијади, од Солт Лејк Сити во 2002 година, каде што го освои својот прв сребрен медал, до Зимските олимписки игри 2018 во Пјонгчанг кога ги освоила последните пет олимписки медали, и со вкупно 15 освоени медали таа има освоенонајмногу медали во историјата на Зимските олимписки игри.^[6]

• 15 медали – (8 златни, 4 сребрени, 3 бронзени)

• 26 медали – (18 златни, 5 сребрени, 3 бронзени)

• 12 титули – (4 севкупно, 3 далечински трки, 5 спринт)

Сезона	Возраст	Дисциплина					Скијачки турнири
		Севкупно	Далечински трки	Долги патеки	Средни патеки	Спринт	Нордиско Отворање	Тур де ски	Светски куп Конечно
2000	20	NC	Н/П	NC	—	NC	Н/П	Н/П	Н/П
2001	21	53	Н/П	Н/П	Н/П	48	Н/П	Н/П	Н/П
2002	22	32	Н/П	Н/П	Н/П	36	Н/П	Н/П	Н/П
2003	23	6	Н/П	Н/П	Н/П		Н/П	Н/П	Н/П
2004	24	02 	11	Н/П	Н/П		Н/П	Н/П	Н/П
2005	25			Н/П	Н/П		Н/П	Н/П	Н/П
2006	26		4	Н/П	Н/П		Н/П	Н/П	Н/П
2007	27	02 	4	Н/П	Н/П	6	Н/П	02 	Н/П
2008	28	11	6	Н/П	Н/П	16	Н/П	DNF	6
2009	29	10	9	Н/П	Н/П	14	Н/П	10	20
2010	30	02 	02 	Н/П	Н/П	02 	Н/П	—
2011	31	02 	02 	Н/П	Н/П	4		—
2012	32			Н/П	Н/П	03 		02 
2013	33	4	6	Н/П	Н/П	7		—
2014	34	02 	02 	Н/П	Н/П	03 		DNF	02 
2015	35			Н/П	Н/П				Н/П
2017	37	5	02 	Н/П	Н/П	15	4	—
2018	38	5	5	Н/П	Н/П	26	02 	—

• Marit Bjoergen на Меѓународната скијачка федерација
• ESPN
• fasterskier