Ecclesia Orthodoxa Russica

Ecclesia Orthodoxa Russica^[1] (Russice Русская православная церковь, tr. Russkaja pravoslavnaja cerkov' ), vel Patriarchatus Moscuensis seu Mosquensis^[2] (Russice Московский патриархат, tr. Moskovskij patriarchat), est ecclesia Christiana orthodoxa et autocephala. Una cum aliis Ecclesiis Orthodoxis secundum symbolum communem "Unam, Sanctam, Catholicam et Apostolicam Ecclesiam" conficit. Praecipue ob diuturnam traditionis autonomiam varias proprietates peperit.

Ecclesia Orthodoxa Russica originem suam a metropoli Kioviensi (anno 988 cum baptismo Russiae Kioviensis condita) Patriarchatus Constantinopolitani ducens, autocephaliam ut metropolis Russica Moscuensis de facto anno 1448 cepit, anno 1589 patriarchatus declarata et ab aliis ecclesiis orthodoxis autocephala agnita, nunc est unio religiosa maxima in Russia, Ucraina, Ruthenia Alba, et Moldavia (cum Transtyria). Caput ecclesiae, Patriarcha Moscuensis et totius Russiae (Rutheniae), sedem in monasterio Sancti Danielis (Russice Данилов монастырь) Moscuae habet. Maximum templum Russico-Orthodoxum est templum Christi Salvatoris (Russice Храм Христа Спасителя).

Cum Ecclesia Orthodoxa lingua Latina uti non soleret, fontes Latini de sanctis et feriis et ceteris rebus orthodoxis, praecipue Russicis, rariores sunt, quam de Ecclesia Catholica Romana, sed minime absunt. Haec nominari possunt:

• Annus ecclesiasticus Graeco-Slavicus Ioannis Martinov, Iesuitae Russicae originis, Bruxellis 1863 (Textus apud Google Books);
• Specimen Ecclesiae Ruthenicae Ignatii Kulczinsky Poloni, Parisiis et Tornaci, 1733 (Textus apud Google Books);
• Statutum canonicum sive ecclesiasticum Petri Magni..., Petropoli 1785 (a Theophane Procopowicz compositum) (Textus apud Google Books)
• Kalendarium manuale utriusque Ecclesiae, orientalis et occidentalis Nicolai Nilles SI, Oeniponte 1897 (tomus II apud Internet Archive; HathiTrust);
• Kalendaria Ecclesiae universae... Kalendaria Ecclesiae Slavicae sive Graeco-Moschae Iosephi Simonii Assemani, Romae 1755:
  • Tomus I (Textus apud Google Books)
  • Tomus II (Textus apud Google Books)
  • Tomus III (Textus apud Google Books)
  • Tomus IV (Textus apud Google Books)
  • Tomus V(Textus apud Google Books)
  • Tomus VI (Textus apud Google Books)
• Acta sanctorum Iesuitica saepe et vitas sanctorum Ecclesiae Russicae continent.