Խոլոդնայա Ռեչկա
| Գյուղ | ||
|---|---|---|
| Խոլոդնայա Ռեչկա | ||
| աբխ.՝ Баҕрыпсҭа, վրաց.՝ ხოლოდნაია რეჩკა | ||
 | ||
| Երկիր |  Աբխազիայի Հանրապետություն | |
| Մունիցիպալիտետ | Գագրայի մունիցիպալիտետ | |
| Համայնք | Գագրայի շրջան | |
| ԲԾՄ | 50 մ | |
| Բնակչություն | 909 մարդ (2011) | |
| Ազգային կազմ | Հայեր, Ռուսներ, Հույներ | |
| ||
Խոլոդնայա Ռեչկա կամ Բագրիպշ (Բագրիպստա[1], աբխազերեն՝ Баҕрыпсҭа, վրացերեն՝ ხოლოდნაია რეჩკა, նախկինում՝ ცივწყარო - Ցիվծղարո), հայաբնակ գյուղ Աբխազիայի Գագրայի շրջանում, Խոլոդնայա Ռեչկա (թարգմանաբար` Պաղ գետակ) գետի ձախ ափին, Գագրայից 10 կմ հյուսիս-արևմուտք։ Գտնվում է ծովի մակարդակից 50 մ բարձրության վրա։
Բնակչությունը
[խմբագրել | խմբագրել կոդը]1959 թվականի տվյալներով, գյուղում բնակվում էր 660 մարդ` հիմնականում հայեր և ռուսներ։ Գյուղական խորհրդի ենթակայության տակ գտնվող տարածքում բնակվում էր 1430 մարդ, մեծամասնությունը նույնպես հայեր և ռուսներ[2][3]։ 1989 թվականին, գյուղում ապրում էր 1624 մարդ[4]` կրկին հայեր և ռուսներ[5]։
Ըստ 2011 թվականին արված հաշվառումների, գյուղի բնակչությունը կազմում էր 909 մարդ, որից 651 (71,6%) - հայեր, 192 (21,1%) - ռուսներ, 21 (2,3%) - հույներ, 16 (1,8%) - ուկրաինացիներ, 14 (1,5%) - աբխազներ, 2 (0,2%) - վրացիներ, իսկ մնացածը այլ ազգությունների ներկայացուցիչներ[6]։
Բնակչությունը զբաղվում է ծխախոտի, եգիպտացորենի, ցիտրուսային կուլտուրաների մշակությամբ, այգեգործությամբ, անասնապահությամբ, մեղվաբուծությամբ և շերամապահությամբ։ Խորհրդային տարիներին գյուղն ուներ տարրական դպրոց, գրադարան, ակումբ-կինո, բուժկայան, բուսաբանական այգի, 2 հանգստյան տուն և 4 պանսիոնատ։
Գյուղը հիմնել են Սամսունից, Տրապիզոնից և Օրդուից եկած հայերը, 1828 թվականին։
1992 թվականին, Աբխազիայի կառավարության որոշմամբ, գյուղը վերանվանվել է Բագրիպստա։
Ծանոթագրություններ
[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 68)։ 
|
| ||||||||||||||||||||||||||||||