San Cristóbal de Los Ángeles é un barrio da cidade de Madrid (España), situado no extremo sur do distrito de Villaverde. Conta cunha poboación de 16.675 habitantes en 2022, dos cales preto do 36 % eran inmigrantes, sendo un dos barrios de Madrid con maior porcentaxe.
O barrio estivo historicamente illado, ao ser un rectángulo limitado ao norte e leste polo ferrocarril, ao sur polo antigo Parque de Automobilismo do Exército de Terra e ao oeste pola antiga estrada de Andalucía (A-4), actualmente avenida de Andalucía. En 2017, un 25% das vivendas do barrio estaban desocupadas.
Hoxe en día é un dos barrios mellor comunicados por medio de diferentes transportes.
