Provincia de Chanthaburi

Provincia de Chanthaburi

จังหวัดจันทบุรี (th)
Lema	«น้ำตกลือเลื่อง เมืองผลไม้ พริกไทยพันธุ์ดี อัญมณีมากเหลือ เสื่อจันทบูร สมบูรณ์ธรรมชาติ สมเด็จพระเจ้าตากสินมหาราช รวมญาติกู้ชาติที่จันทบุรี»
Localización
12°36′37″N 102°06′10″L / 12.610277777778, 102.10277777778
Monarquía constitucional	Tailandia
Capital	Chanthaburi
Contén a división administrativa	Kaeng Hang Maeo (en) Khao Khitchakut (en) Khlung (en) Laem Sing (en) Makham (en) Mueang Chanthaburi (en) Na Yai Am (en) Pong Nam Ron (en) Soi Dao (en) Tha Mai (en)
Poboación
Poboación	535.559 (2020) (84,5 hab./km²)
Lingua usada	Dialeto khmer setentrional (pt) Chong (en)
Xeografía
Superficie	6.338 km²
Comparte fronteira con	Provincia Trat Provincia Chachoengsao Provincia Chon Buri Provincia Rayong Provincia Sa Kaeo
Identificador descritivo
Código postal	22
ISO 3166-2	TH-22
Sitio web	chanthaburi.go.th

Chanthaburi (en tailandés: จันทบุรี) é unha provincia do leste da Tailandia. A súa capital é a cidade de Chanthaburi.

Limita coas provincias tailandesas de Trat, Rayong, Chonburi, Chachoengsao e Sa Kaeo; ao leste ten fronteira con Camboxa coas provincias Battambang e Pailin e ao suroeste ten o golfo de Tailandia. Etimoloxicamente o nome provén do sánscrito chandra (lúa) e puri (cidade), significando a Cidade da lúa.

Se ben a zona sur da provincia está situada na costa do Golfo de Tailandia e está constituída por chairas aluviais costeiras, o interior da provincia é bastante montañoso. Nas montañas Cardamom no norte chégase á maior altitude da provincia, 1.556 metros de altura pico Soi Dao Nua. O principal río é o Chantaburi.

Xunto coa veciña provincia Trat, Chanthaburi é un centro tailandés na extracción de pedras preciosas, especialmente rubís e zafiros. As froitas tropicais tamén constitúen un produto importante da provincia.

Tras a crise de Paknam en 1893, tropas coloniais francesas ocuparon Chanthaburi, regresando en 1905, cando Tailandia abandonou a propiedade da parte occidental de Camboxa. Unha minoría significativa dos habitantes son vietnamitas, que chegaron principalmente en tres momentos históricos: o primeiro tivo lugar no século XIX durante a persecución contra os católicos na Cochinchina e a conseguinte intervención franco-española; o segundo produciuse entre os anos 1920 a 1940, cando os vietnamitas fuxían da Indochina Francesa, e o terceiro foi despois da vitoria comunista no Vietnam en 1975. Tanta presenza de fuxidos católicos levou a que en 1944 se estabelecera a Diocese de Chanthaburi na capital.

O emblema provincial representa a lúa rodeada dunha aura. No interior do disco da lúa atópase un coello (na tradición tailandesa as áreas escuras da Lúa represéntanse coa forma deste animal). O selo simboliza a paz e a tranquilidade da provincia. A lúa tamén se encontra no nome da provincia: Cidade da Lúa. A bandeira tamén mostra no centro un coello branco sobre a lúa en ton marelo. O fondo da bandeira é de cor vermella, co nome da provincia escrito en amarelo. A árbore provincial é a diospyros decandra, e a flor unha orquídea.

A provincia está subdividida en 9 distritos (amphoes) e 1 subdistrito (king amphoe). Os distritos e o subdistrito son á súa vez divididos en 76 comunas (tambons) e estas en 690 poboados (moobans). (muban).