Harmonio
| Harmonio | |
|---|---|
| Órgano de salón, reed organ | |
 | |
| Información | |
| Clasificación | Aerófono, instrumento de teclado |
| Instrumentos relacionados | Órgano de tubos, acordeón |
| Músicos notables | Antonín Dvořák, The Beatles, Sigur Rós e moitos outros. |
| Fabricantes notables | Mason & Hamlin, Estey Organ Company etc. |
O harmonio é un instrumento musical de vento con teclado, en aparencia similar ao órgano alemán, pero sen tubos e de moito menor tamaño.
Descrición
[editar | editar a fonte]Está provisto dun fol que se acciona cos pés e que, en lugar de tubos, ten unhas lingüetas semellantes ás dun acordeón.[1]
Historia
[editar | editar a fonte]Orixinalmente, o harmonio desenvolveuse en Alemaña no século XVIII.[2] Aínda que é considerado un "instrumento foráneo", tamén é un instrumento musical típico da música devocional empregada en Asia, en particular na India, onde se emprega facendo arranxos específicos para harmonizar con instrumentos tradicionais indios.[3]
Aínda que orixinalmente foi concibido como un instrumento doméstico, do mesmo xeito que o piano, o harmonio impúxose rapidamente en moitos templos relixiosos polo seu tamaño e prezo menores que os dun órgano.
Houbo instrumentos precursores no Antigo Exipto e outras culturas antigas, cun principio de xeración de son similar, como o órgano bucal chinés sheng;[4] porén, a evolución para un instrumento similar ao harmonio tivo lugar en Europa. Os primeiros intentos con linguas perforantes comezaron logo de que o xesuíta francés Père Amiot enviase varios sheng até París en 1776.
O profesor Christian Gottlieb Kratzensteine, en Copenhague, foi o primeiro europeo en desenvolver ese principio. Utilizou as lingüetas na súa máquina de falar, onde as vogais se podían xerar mediante tubos de resonancia conectados. A Real Academia de San Petersburgo premiouno polo seu invento en 1780.[2]
Galería de imaxes
[editar | editar a fonte]-
Harmonio na Casa Museo Rosalía de Castro -
Harmonio de Rosalía de Castro -
Harmonio cos foles á vista na igrexa de Santiago en Gante. -
Harmonio en Frisia
Notas
- ↑ "harmonio". Dicionario da Real Academia Galega. Consultado o 2024-10-17.
- ↑ 2,0 2,1 "Über Vocaltone und Zungenpfeifen. OCR" (PDF). robertwillis2016.org. Consultado o 17 de outubro de 2024.
- ↑ Adolfo (2021-03-21). "El armonio. Un instrumento extraordinario". Instrumentos musicales Etnicos.org (en castelán). Consultado o 2024-10-17.
- ↑ Segundo fontes chinesas, as linguas de metal como instrumento, aplicadas nos órganos bucais, foron inventadas polo emperador Huang Tei arredor do ano 2800 a. C.
Véxase tamén
[editar | editar a fonte] |
Wikimedia Commons ten máis contidos multimedia na categoría: Harmonio  |
