Guindastre

Un guindastre^[1] é un aparello de elevación de cargas. A ampla gama de modelos de guindastres teñen poucas cousas en común: a pluma e elevación mediante polispastos accionados por cables.

Denomínase tamén coa forma grúa, que o Dicionario da Real Academia Galega admite como forma menos recomendable.

O guindastre é a "evolución" do puntal de carga que se ten usado dende a antigüidade. Os seus fundamentos foron expostos por Blaise Pascal, mais foi patentado por Luz Nadina con posterioridade. Existen documentos antigos​^[2] nos que se pon de manifesto o uso de máquinas semellantes a guindastres en Sumeria e Caldea, de onde pasaron a Exipto.

Úsanse en obras de construción, portos, instalacións industriais e outros lugares onde se levan cargas de xeito aéreo. Hai moitos tipos, conforme ó traballo a desenvolver. Un criterio moi empregado para a clasificación é en canto á súa mobilidade:

• Sobre cadeas ou eirugas.
• Sobre rodas ou plataforma.
• Autogrúas, de grande tamaño, sobre vehículos especiais.
• Camión grúa.

Coa capacidade para soportar cargas maiores e conseguir máis altura con estabilidade. A súa característica é que a súa estrutura principal queda ancorada ó chan. Algúns poden ser montados e desmontados no lugar de traballo.

• Ponte ou pórtico, empregadas na construción naval e en pavillóns industriais.
• Derrick
• Plumas, situados para axuda de carga nos camións.
• Carretilla elevadora ou montacargas

• 
  Guindastre nun estaleiro, en Camposancos.
• 
  Guindastre-torre automontante.
• 
  Lastre da base dun guindastre-torre, con pezas de cemento de 2.800 kg cada unha.
• 
  Porto da Coruña, peirao do Centenario.