Zotero

Zotero
Irudi gehiago
Jatorria
Sorrera-urtea	2006
Argitaratze-data	2006
Azken bertsioa	7.0.13
Ezaugarriak
Euskarria	IA-32, web-nabigatzaile, Microsoft Word, LibreOffice eta x86-64
Programazio-lengoaia	JavaScript, PHP eta SQL
Irakur dezake	BibTeX, RIS, COinS (en) , Metadata Object Description Schema (en) , MARC standards (en) , MARCXML (en) , RDF/XML (en) , MAB (en) eta JavaScript Object Notation
Sistema eragilea	Microsoft Windows, MacOS X, Linux, iOS eta Android
Idatz dezake	BibTeX
GUI tresnak	XUL
Egile-eskubideak	copyrightduna
Lizentzia	GNU Affero General Public License, version 3.0 (en) , GPLv3, Educational Community License (en) eta GNU General Public License
Deskribapena
Oinarritua	Monaco Editor (en) Firefox
Honen parte da	Corporation for Digital Scholarship (en)
Kokapena
Bilduma	Social Sciences and Humanities Open Marketplace (en) eta Text Analysis Portal for Research (en)
Jabea	Corporation for Digital Scholarship (en)
Ekoizpena
Garatzailea	Roy Rosenzweig Center for History and New Media (en)
Euskaraz
Euskaraz	Bai
Historia
Jasotako sariak	Open Publishing Awards (en)
Zotero
Iturri-kodea	https://github.com/zotero/zotero

Zotero ikerketako artikuluak idazterakoan bibliografia eta erreferentziak kudeatzeko software libreko aplikazioa da (reference management software). Aukera ematen du erreferentzia bibliografikoak nabigatzailearekin erraz bildu, kudeatu eta gero testu editoretara erraz esportatzeko. Firefox nabigatzailerako gehigarri gisa sortu zen 2006. urtean, baina 2011tik urtetik aurrera, Zotero Standalone bertsioa erabil daiteke sistema eragile nagusietan (Windows, GNU/Linux eta Mac OS X), baita Safari eta Chrome nabigatzaileekin ere.^[1][2][3][4]

Liburutegi digital moduan antolatutako ikerketari buruzko webgune nagusietan (PubMed, Google Scholar, Google Books, Amazon.com, eta Wikipedian ere bai), Zoterok detektatzen du noiz azaltzen den liburu edo artikulu baten erreferentzia, eta sagu-ziztada bakar batekin posible da erreferentzia oso horiek automatikoki jasotzea eta modu egituratuan fitxategi lokal batera eramatea testu moduan.

2012tik integratuta dago Microsoft Word and LibreOffice testu editoreekin, jasota daukan artikulu baten aipamena testuan gehitzea klik pare batean egin daiteke horrela.

Abiapuntua online artikulu bat bada edo web orri bat, Zoterok artikulu osoaren kopia bat gorde dezake lokalean. Horrelakoetan erabiltzaileak oharrak, etiketak, eta beste gorde ditzake nabigatzailearen interfazearen bitartez.

Lokalean gordetako erreferentzia bibliografikoen azpimultzo bat esportatu daiteke geroago hainbat formatu bibliografiko ezagunetako bat erabiliz. Are gehiago, erreferentzia bibliografiko guztiekin eta horien gainean erabiltzaileak sortutako rich-text memo-ekin laburpen bat sortu daiteke HTML fitxategi moduan.

Programa honen egilea Center for History and New Media da (George Mason Unibertsitatekoa (GMU)). Software irekia eta luzagarria da, onartzen baita beste erabiltzaileek zita-idazkera eta webguneetarako itzultzaileak gehitzea, eta oro har, plataforma zabaltzea ere onartzen du^[5].

Zotero izena albaniera hizkuntzako zotëroj aditzetik dator, bere adiera, gutxi gorabehera, "menpean hartu, ondo jakin" da^[6]. Bere helburua erreferentziak kudeatzeko programa zaharkituen tokia hartzea da, programa zahar horiek Internet konektatu gabe lan egiteko diseinatuta baitzeuden.

Badabil software librearen euskal komunitateko baten bat Zotero honen hizkuntza-lokalizazioa euskarara ekartzen.^[7]

• ScrapBook. Firefox-en antzeko beste gehigarri bat, erreferentziak harrapatzeko balio du, baina erreferentzia horiek kudeatzeko laguntzarik ez du
• CiteProc
• COinS
• LibX

• (Ingelesez) Zotero webgune ofiziala.
• (Ingelesez) Zotero & Wikipedia.
• (Ingelesez) Screencasts on Zotero website.
• (Ingelesez) Harkaitz Zubiagaren bloga.