Punti

Punti (ngaran botani: Musa spp.) Punti nopo tua'ua ii milo akanon , botani berry ii aasil mantad piipiro kosunion kitusak rusap tagayo poinsuang id genus Musa. Id piipiro pogun, punti nopo nga gunoon do mogonsok om milo roitan do plantains, misuai ko punti pencuci mulut. Tua'ua diti sumimban mantad ginayo, warana om ginirot nga koinsoruan anaru om okilong miampai olomi o tonsi ii ogumu kanji di nosompon do kulit ii kiwotik do otomou, osilou, aragang, osohug toi ko' sukulat soira do oonsok. Bontuk guas roun punti alaab kumaa id tomod roun ii tompok nopo nga lumawis.^[1] Tua'ua ii kosuni id timungan poinsait mantad boogian sawat di tua'ua. Kogumuan do parthenocarpic ii milo kanon (kilinsou) punti moden nopo nga mantad duo spesies liar - Musa acuminata om guas Punti Gouton. Ngaran-ngaran saintifik punti di maan kopio inggisaman nopo nga Musa acuminata, Pokok Pisang Hutan om Musa × paradisiaca hibrid Musa acuminata × M. balbisiana, tumanud do ko'oturan genom diolo. Ngaran saintifik pogulu do Musa Sapientum amu nodi gunoon.

Tadon do spesies Musa nopo nga mantad Indomalaya tropika om Australia, om namanagan alaya hilo id Papua New Guinea. Iti nopo punti ti nga namangan tonomo id 135 pogun, lobi-lobi montok tua'ua diolo om soboogian nopo nga gunoon montok momonsoi gentian, ms:Wain punti om ms:Bir punti om nogi sabaagi susumuni momiro.