BMW E53

BMW X5 (E53)

BMW X5 (E53) на Вікісховішчы

Агульныя даныя

Вытворца:

Bayerische Motoren Werke AG

Выпуск:

1999—2006

Зборка:

ЗША  Мексіка

Дызайн

Тып(ы) кузавы:

5‑дзв. красовер (5‑месн.)

Трансмісія

5-хутк. МКПП
6-хутк. МКПП
5-хутк. АКПП
6-хутк. АКПП

Характарыстыкі

Масава-габарытныя

Даўжыня:

4667 мм

Шырыня:

1872 мм

Вышыня:

1715 мм

Колавая база:

2820 мм

Каляіна пярэдняя:

1576 мм

Каляіна задняя:

1576 мм

На рынку

Пераемнік Пераемнік E70

Звязаныя:

E39

Сегмент:

J-сегмент

Іншае

Дызайнер:

Крыстафер Чэпман Крыс Бэнгл  (англ.) (бел.

BMW X5 — сярэднепамерны красовер ад нямецкага аўтавытворцы BMW. Аўтамабіль быў прадстаўлены ў 1999 годзе на аўтасалоне ў Дэтройце. Літара «Х» азначае, што аўтамабіль мае поўны прывад, а лічба «5» — што базай паслужыла 5-я серыя (BMW E39), аднак X5 карацей E39, але пры гэтым вышэй і шырэй. Кузаў Е53 нагадвае BMW E46 Touring. Машына прыстасаваная для язды па ўсіх тыпах дарожнага пакрыцця, гэтым яна абавязана вялікаму клірансу і пастаяннаму прываду на ўсе колы.

BMW Х5 Е53 быў распрацаваны ў той час, калі BMW Group ўжо належаў брэнд Land Rover і  таму ён мае шмат агульных кампанентаў і ка��струкцыю з Range Rover L322, у прыватнасці сістэму Hill Descent і Off Road, а таксама рухавік і электронныя сістэмы ад BMW E39. У адрозненне ад Range Rover, першы X5 быў распрацаваны ў якасці спартыўнага аўтамабіля, і яго пазадарожныя магчымасці значна менш, чым у Land Rover.

Машына выпускалася на заводзе ў горадзе Спартанберг, Паўднёвая Караліна (ЗША), як для амерыканскага, так і для еўрапейскага рынку. У ЗША продаж стартаваў у 1999 годзе, а ў Еўропе ў 2000. Разам са з’яўленнем малодшага брата (X3) у 2003 годзе быў абноўлены і X5. Машына атрымала новыя пярэднія фары і заднія ліхтары, рашотку радыятара і злёгку зменены капот і новыя рухавікі 4.4 л (valvetronic ад BMW E65) і дызельны 3,0 л 218 к. с.

У 2006 годзе вытворчасць машыны ў кузаве E53 была спынена ў сувязі з пастаноўкай на канвеер наступнага пакалення E70, якое паступіла ў продаж у ЗША зімой 2006/2007, а ў Еўропе вясной 2007 года.

У 2001 годзе баварцы пабудавалі прататып BMW X5 Le Mans з 6-літровым маторам ад спорт-прататыпа BMW V12 LMR. У чэрвені таго ж года знакаміты гоншчык Ганс-Ёахім Штук усталяваў на гэтым аўтамабілі рэкорд хуткасці для гэтага класа машын, разагнаўшы X5 Le Mans да 311 км/г на Нюрбургрынгу. Неўзабаве пачалася вытворчасць красовера BMW X5 4.6is, створанага па матывах машыны-рэкардсмена.

Ад іншых версій BMW X5 4.6is адрозніваецца наяўнасцю спойлераў пад пярэднім і заднім бамперамі, заніжанай падвескай і коламі дыяметрам 20 цаляў (спераду — 275/40, ззаду — 315/35).

На рынак машына была выведзена з двума рухавікамі:

• Радны 6-цыліндравы аб'ёмам 3 літра і магутнасцю 231 к. с. (170 кВт) — BMW X5 3.0i.
• V8 M62TU аб'ёмам 4.4 літра і магутнасцю 286 к. с. (210 кВт) — BMW X5 4.4i.

У 2001 годзе да іх дадалі яшчэ два маторы:

• 3-літровы дызель M57 з сістэмай Common Rail магутнасцю 184 к. с. (135 кВт) — BMW X5 3.0d
• V8 аб'ёмам 4.6 літра і магутнасцю 347 к. с. (255 кВт) — BMW X5 4.6is.

У 2003 пры правядзенні фэйсліфцінга былі замененыя маторы V8 4.4i і дызельны 3.0d.

• Магутнасць абноўленага дызельнага рухавіка 218 к. с. (160 кВт) пры тым жа аб'ёме 3 літра.
• Бензінавы V8 N62 4.4 літра магутнасцю 320 к. с. (235 кВт).

У 2004 годзе матор 4.6is быў заменены на 4.8is магутнасцю 360 к. с. (265 кВт) — BMW X5 4.8is.

На BMW Х5 Е53 усталёўвалася 5-ступеньчатая механічная, 5-ступеньчатая аўтаматычная, 6-ступеньчатая аўтаматычная і 6-ступеньчатая механічная каробка перадач.

• Коллектив авторов. Руководство по ремонту и эксплуатации BMW Х5 (E53). Модели с 1999 по 2006 год выпуска. — Днепропетровск: Издательство Монолит, 2011. — 354 с. — (Золотая серия). — ISBN 978-617-537-054-4.