Татарскія могілкі (Мінск)

Татарскія могілкі?
53°55′01″ пн. ш. 27°31′30″ у. д.HGЯO
Размяшчэнне
Краіна	Беларусь
Горад	Мінск
Гістарычны раён	Татарская Слабада
Гісторыя
Дата заснавання	XIX стагоддзе
Дата ліквідацыі	1974

Татарскія могілкі Мінска — зніклыя мусульманскія могілкі ў раёне вул. Татарскай г. Мінска. Дзейнічалі на працягу ХІХ стагоддзя ў Татарскай слабадзе і былі ліквідаваны ў 1974 г^[1]. Самі могілкі былі пераўтвораны ў сквер, але пры гэтым захавалася магіла падпольшчыка Х. Александровіча^[2]. Згодна са звесткамі гісторыка І. Канапацкага, сваякі Александровіча дабіліся захавання яго магілы з вялікай цяжкасцю^[3]. У скверы захаваліся некаторыя магільныя помнікі, частка з іх з надпісамі на арабскай мове^[4]. У 1990-я гг. татары Мінска паднялі пытанне не толькі аднаўлення мячэці, разбуранай у 1962 г., але і рэканструкцыі могілак^[5]. Гэта пытанне праходзіла працэдуры згаднення з рознымі інстанцыямі ў 1993-98 гг^[6]. А ў 2003 годзе мусульманская абшчына Мінска была абавязана плаціць штомесячны падатак у памеры 1,5 млн руб. за тэрыторыю могілак, выдзеленую ўладамі горада пад рэканструкцыю мячэці^[7].

• Нямецкія вайсковыя могілкі 1941-1944 гг. пад Мінскам
• Сляпянскія могілкі

• Мячэць у раёне Татарскіх могілак на карце Мінска 1903 г. Архівавана 5 сакавіка 2016. (пункт 3, самі могілкі на карце не адзначаны)
• Сквер на месцы Татарскіх могілак на фотаграфіях Архівавана 15 жніўня 2015.
• Раскіданыя помнікі татарскіх магіл на фотаграфіях
• Здымкі 2018 г. на месцы зніклых Татарскіх могілак