Медыцынскі кабінет АН БССР
Медыцынскі навукова-даследчы кабінет АН БССР (іншая назва - Медкабінет АН БССР) - нароўні з Інстытутам тэарэтычнай медыцыны і Інстытутам псіханеўралогіі профільная арганізацыя акадэмічнай медыцынскай навукі ў Беларусі. Быў утвораны ў 1936 годзе. Загадчыкам кабінета на працягу яго існавання быў акадэмік Фёдар Аскаравіч Гаўсман.
Вядомы наступныя публікацыі супрацоўнікаў Медкабінета:
- Гаусман Ф.О. Проблема внелегочного туберкулеза, патогенез и профилактическое лечение его помощью туберкулина / Ф.О. Гаусман. - Мн.: Дзяржвыд Беларусі, 1939. - 90 с.[1]
- Ксендзов Е.М. Течение экспериментального туберкулеза и биосдвиги у морских свинок леченных и не леченных туберкулином / Е.М. Ксендзов, И.Х. Фабрикант; под редакцией и с предисловием Ф. О. Гаусмана; Медкабинет Академии наук БССР. - Мн.: Издательство Академии наук БССР, 1940. - 109 с.[2]
Медкабінет у 1936-1940 гг. уваходзіў у склад Аддзялення матэматычных і прыродазнаўчых навук АН БССР, у 1940-41 гг. - у склад Аддзялення прыродазнаўчых і сельскагаспадарчых навук. Спыніў сваю дзейнасць у 1941 годзе ў выніку акупацыі нямецка-фашысцкімі войскамі Мінска. Пасля вайны не аднаўляўся, даследаванні былі працягнуты ў Інстытуце тэарэтычнай медыцыны.
