Агароднікі (Дзьмітравіцкі сельсавет)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Агароднікі (неадназначнасьць).

Агароднікі
трансьліт. Aharodniki
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	▼8 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225065
СААТА:	1240820091
Нумарны знак:	1
Геаграфічныя каардынаты:	52°27′8″ пн. ш. 23°39′6″ у. д. / 52.45222° пн. ш. 23.65167° у. д. / 52.45222; 23.65167Каардынаты: 52°27′8″ пн. ш. 23°39′6″ у. д. / 52.45222° пн. ш. 23.65167° у. д. / 52.45222; 23.65167
Агароднікі на мапе Беларусі ± Агароднікі Агароднікі

Агаро́днікі^[1] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Агароднікі месьцяцца за 16 км на паўночны захад ад Камянцу, за 55 км на поўнач ад Берасьця, за 23 км на паўночны ўсход ад чыгуначнай станцыі Высока-Літоўск на лініі Берасьце — Беласток.

• 1-я палова XIX ст.: сяло ў Берасьцейскім павеце Гарадзенскай губэрні Расейскай імпэрыі.
• 1857: паводле 10-й рэвізіі 110 рэвіскіх душ, дзяржаўная ўласнасьць.
• 1860: у Войскай воласьці тых жа павету і губэрні.
• 1885: 9 двароў, 99 жыхароў, дзейнічала праваслаўная Васкрасенская царква на могілках (з 1841).
• 1897: паводле перапісу у сяле 17 двароў, 120 жыхароў, 2 праваслаўныя царквы (Васкрасенская і Ушэсьцеўская), народнае вучылішча, хлебазапасная крама, ветраны млын, кузьня.
• 1905: 177 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, у Войскай гміне Берасьцейскага павету Палескага ваяводзтва.
• 1923: 18 двароў, 82 жыхары.
• 1928: у Дзьмітравіцкай гміне таго ж павету.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: цэнтар Агародніцкага сельсавету Камянецкага раёну Берасьцейскай вобласьці, 24 двары, 124 жыхары. У склад сельсавету ўваходзілі 9 паселішчаў, 361 двор з насельніцтвам 2004 чалавекі. На тэрыторыі сельсавету працавалі 4 пачатковыя школы, 7 ветраных млыноў.
• 1941—1945: за час Другой сусьветнай вайны на франтах загінулі і прапалі бязь вестак 10 жыхароў вёскі.
• 1960: у вёсцы 122 жыхары.
• 1962: у саўгасе «Белавескі» (у 1982 годзе перайменаваны ў «Першамайскі», у 1991 годзе рэарганізаваны ў калгас).
• 1964: вёска ў Дзьмітравіцкім сельсавеце Камянецкага раёну.
• 1970: 64 жыхары.

• 2010 год — 8 жыхароў
• 2005 год — 8 жыхароў, 6 двароў^[2]
• 1999 год — 13 жыхароў

У складзе СВК «Хадасы».

• Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 14.

• Агароднікі (рас.), Глёбус Беларусі