Сінітычы
| Сінітычы | |
| Першыя згадкі: | XIX ст. |
| Краіна: | Беларусь |
| Вобласьць: | Берасьцейская |
| Раён: | Камянецкі |
| Сельсавет: | Дзьмітравіцкі |
| Насельніцтва (2005) | |
| колькасьць: | 21 чал.[1] |
| колькасьць двароў: | 15 |
| Часавы пас: | UTC+3 |
| Тэлефонны код: | +375 1631 |
| Паштовы індэкс: | 225065[2] |
| СААТА: | 1240820126 |
| Нумарны знак: | 1 |
| Геаграфічныя каардынаты: | 52°30′1″ пн. ш. 23°42′38″ у. д. / 52.50028° пн. ш. 23.71056° у. д.Каардынаты: 52°30′1″ пн. ш. 23°42′38″ у. д. / 52.50028° пн. ш. 23.71056° у. д. |
Сінітычы на мапе Беларусі ±   Сінітычы | |
Сіні́тычы [3] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет, у складзе СВК «Хадасы».
Сінітычы месьцяцца за 500 м на поўдзень ад аўтадарогі «Абход тэрыторыі нацыянальнага парку „Белавеская пушча“» (Р98), за 18 км на паўночны захад ад Камянца, за 51 км на поўнач ад Берасьця, за 28 км на паўночны ўсход ад чыгуначнай станцыі Высока-Літоўск на лініі Берасьце — Беласток.
У вёсцы 15 гаспадарак, 21 жыхар (2005)[1].
Гісторыя
- сярэдзіна XIX ст.: вёска ў складзе маёнтку Пашукі, уласнасьць абшарнікаў Насаржэўскіх.
- 1857: паводле 10-й рэвізіі 156 рэвіскіх душ.
- 2-я палова XIX ст.: вёска ў Дзьмітравіцкай воласьці Берасьцейскага павету Гарадзенскай губэрні Расейскай імпэрыі.
- 1863: вяскоўцы разам з сялянамі суседніх вёсак адмовіліся выконваць павіннасьці ў маёнтку Пруска адстаўнога падпалкоўніка Насаржэўскага.
- 1897: паводле перапісу ў вёсцы 28 двароў, 207 жыхароў, хлебазапасная крама. Адносілася да Сінітыцкай сельскай грамады.
- 1905: 47 двароў, 350 жыхароў.
- 1921: у выніку Польска-савецкай вайны па Рыскай мірнай дамове ў складзе Польшчы, у Дзьмітравіцкай гміне Берасьцейскага павету Палескага ваяводзтва.
- 1923: 41 двор, 300 жыхароў.
- 1939: у выніку Пакту Молатава-Рыбэнтропа ў складзе Берасьцейскай вобласьці БССР.
- 1940: у Дзьмітравіцкім сельсавеце Камянецкага раёну Берасьцейскай вобласьці.
- 1941—1945: цягам 2-ой сусьветнай вайны на франтах загінулі і прапалі бязь вестак 9 жыхароў вёскі.
- 1948: у пачатковай школе 53 вучні.
- 1949: арганізаваны калгас «Маладая гвардыя».
- 1959: паводле перапісу 168 жыхароў.
- 1970: 137 жыхароў, у саўгасе «Белавескі» (з 1982 г. саўгас «Першамайскі»).
Крыніцы
- ^ а б Гарады і вёскі Беларусі. Энцыкл. Т. 4. Кн. 2. — Менск, 2007. С. 84
- ^ Почтовые индексы улиц деревни Синитичи (рас.) Каменецкий район. Белпошта. Праверана 25 сакавіка 2013 г.
- ^ Дзяржаўны каталёг найменьняў геаграфічных аб’ектаў Рэспублікі Беларусь (рас.). Дзяржаўны цэнтар картографа-геадэзічных матэрыялаў і зьвестак Рэспублікі Беларусь. Праверана 25 сакавіка 2013 г.
Літаратура
- Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 84.