Kasus
Da Kasus (Pl.: Kasus mit am langa u) (aa: „da Foi“) is a grammatische Kategorie vo Nominai-Woatoartn.
As Kasussystem im Boarischn
[Werkeln | Am Gwëntext werkeln]As Boarische kennt drei Kasus:
- an Nominativ, 1. Foi, „Wea-oda-wos-Foi“
- an Dativ, 3. Foi, „Wem-Foi“
- an Akkusativ, 4. Foi, „Wen-oda-woas-Foi“
Im Boarischn wean Substantive afgrund vom grammatischn Gschlecht (Genus) afteit; es Gschlecht is in da Regl ned am Substantiv erkennbor, sundan am bstimmtn Artikl:
| maskulin | feminin | neutrum | Plural |
|---|---|---|---|
| da Hund | de Kotz | as Diandl | de Buam |
Da unbstimmte Artikl is dageng fia olle drei Genera im Nominativ identisch
| maskulin | feminin | neutrum |
|---|---|---|
| a Mo | a Frau | a Kind |
Da Artikl wead im Boarischn flektiat, d. h. da Kasus wead so deitli gmochd. Wei de moastn Substantive im Boarischn olle Kasusendunga valuan hom, wead da Kasus praktisch nur iwan Artikl ozoagt.
| best. | maskulin | feminin | neutrum | Plural |
|---|---|---|---|---|
| nom: | da Hund | de Ruam | as Kind | de Leid |
| dat: | im/em Hund | da Ruam | im Kind | de Leid |
| akk: | in/en Hund | de Ruam | as Kind | de Leid |
| unbest. | maskulin | feminin | neutrum | Plural |
|---|---|---|---|---|
| nom: | a Hund | a Ruam | a Kind | oa/oi Leid |
| dat: | am Hund | a/ana/ara/oana Ruam[1] | am Kind | ane/oane Leid |
| akk: | an Hund | a Ruam | a Kind | oa/oi Leid |
Literatua
[Werkeln | Am Gwëntext werkeln]- Barry J. Blake: Case. 2. Auflage. Cambridge University Press, Cambridge u. a. 2001, ISBN 0-521-80761-1.
Beleg
[Werkeln | Am Gwëntext werkeln]- ↑ Belege fia <oana> in da boarischn Literatur (bei Google gibts zudem zoireiche Treffa in Foren u.ä.):Stelzhamer-Bund, 2. Preis, "Auftaut" von Stella Felder (Memento des Originals [1] vom 15. Mäerz 2016 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. / Die Probefrau, Bayerischer Schwank, in 3 Akten, für 3 Damen und 3 Herren, von Erwin Guffler und Jürgen Gode
De Deklination in da Boarischn Sproch
Kasus: Nominativ | Dativ | Akkusativ
Numerus: Singular | Plural | Singularetantum | Pluraletantum