Alvin Botes

Alvin Botes (gebore 9 September 1973)^[1] is ’n Noord-Kaapse politikus en lid van die African National Congress (ANC).

Botes het tussen 1999 en 2009 as die ANC se provinsiale hoof van beleid, navorsing en ontleding in die Noord-Kaap gewerk. Hy het ook as provinsiale tesouris en voorsitter van die ANC-jeugliga tussen 2003 and 2008 gedien.^[2] Botes het tussen 2008 en 2017 as adjunk- provinsiale sekretaris van die ANC gedien.^[2]

Botes was ʼn lid van die Noord-Kaapse Provinsiale Wetgewer tussen 2009 en 2018 en het as lid van die uitvoerende komitee tussen 2009 en 2013 gedien: eers verantwoordelik vir maatskaplike ontwikkeling (tot 2013) en daarna vir samewerkende regering, menslike nedersettings en tradisionele aangeleenthede.^[2]

Botes is sedert 2018 'n lid van die Nasionale Vergadering van Suid-Afrika en sedert Mei 2019 die adjunkminister van Internasionale Betrekkinge en Samewerking.^[3]