چارسدہ

چارسدہ
انتظامی تقسیم
ملک	پاکستان   [1]
دار الحکومت برائے	ضلع چارسدہ
تقسیم اعلیٰ	ضلع چارسدہ
جغرافیائی خصوصیات
متناسقات	34°08′43″N 71°43′51″E / 34.145277777778°N 71.730833333333°E / 34.145277777778; 71.730833333333
بلندی	300 میٹر
آبادی
کل آبادی	105414 (2017)
قابل ذکر
جیو رمز	1181439
درستی - ترمیم

چارسدہ (Charsadda) پاکستان کے صوبہ خیبر پختونخوا میں ایک شہر اور ضلع چارسدہ کا ضلعی سردفتر ہے۔29 کلومیٹر کی دوری پر واقع ہے۔

ضلعی ہیڈکوارٹر ہونے کے ساتھ یہ چارسدہ تحصیل کا بھی ہیڈکوارٹر ہے۔ چارسدہ شہر 4 یونین کونسلوں پر مشتمل ہے۔ ضلع چارسدہ تین تحصیلوں پر مشتمل ہے، تحصیل چارسدہ، تحصیل شبقدر اور تحصیل تنگی۔

چارسدہ شہر چھٹی صدی قبل از مسیح سے دوسری صدی عیسوی تک گندھارا کا صدر مقام رہا۔ اِس کا قدیم نام پش کلاوتی ہے جو سنسکرت کا لفظ ہے جس کا مطلب ہے ‘‘کنول کا شہر’’۔ یہ گندھارا مملکت کا اِنتظامی مرکز تھا۔ تاریخ کے کئی اوقات میں مختلف حملہ آوروں نے اِس علاقے پر حکومت کی ہے۔ اِن حملہ آوروں میں ایرانی‘ سکندر یونانی، موریائی، تُرک، کُشن اور ہُنز وغیرہ شامل ہیں۔

تمباکو، گنا، گندم، مکئی اور چقندر یہاں کی اہم فصلیں ہیں۔ سبزیوں میں آلو، ٹماٹر، بينگن، بھنڈی، پالک اور دیگر سبزیاں اُگائی جاتی ہیں۔ جبکہ، یہاں کی پھلوں میں خوبانی، لیموں، آلوچہ، توت فرنگی اور آڑو بہت مشہور ہیں۔ یہاں پر املوک اور ابازئی کے علاقے میں ‍‍‍آم کے باغات بھی ہیں اور وہاں کے آم بھی مشہور ہیں۔

چارسدہ کی مشہور چیزوں میں سرفہرست رجڑ کی مٹھائی اور چارسدہ کی مشہور چپل ہیں۔ جبکہ یہاں کا گڑ بھی ملک اور بیرون ملک یکساں مشہور ہے۔

کھڈی کا کپڑا خاص الخاص سردیوں کا تحفہ ہے۔

چارسدہ کی زمین بہت زرخیز ہے اور خوبصورتی میں دمشق شہر سے مشابہت رکھتی ہے۔
یہاں پر تین دریا بہتے ہیں: دریائے جندی، دریائے کابل (چارسدہ کے مقام پر اسے سردریاب کہتے ہیں) اور دریائے سوات (چارسدہ کے مقام پر اسے خیالے کہتے ہیں)۔ یہ تینوں دریا یہاں آبپاشی کے سب سے بڑے مآخذ ہیں۔

جامعہ باچا خان (باچا خان یونیورسٹی چارسدہ) چارسدہ میں اعلیٰ تعلیم کا ایک عظیم ادارہ ہے۔ اس کا قیام 3 جولائی 2012 میں عمل میں لایا گیا۔ اور اس کے قیام کا بنیادی مقصد تعلیم، تحقیق اور سیکھنے سکھانے کے عمل کو آگے کے طرف بڑھانا تھا۔ یہ تعلیمی ادارہ پروفیسر ڈاکٹر احسان علی کی نگرانی میں قائم ہوا اور پروفیسر ڈاکٹر فضل الرحیم مروت اس کے پہلے وائس چانسلر بنے۔

منڈہ ھیڈورکس چارسدہ میں ابازئی کے مقام پر ایک ڈیم ہے۔ ایک اندازے کے مطابق سطح سمندر سے اس کی اونچائی 368 میٹر ہے۔

• حاجی صاحب ترنگزئی
• علامہ شمس الحق افغانی*
• خان عبدالغفار خان
• خان عبدالجبار خان
• عبدالغنی خان
• عبدالولی خان
• اسفند یار ولی خان
• آفتاب احمد خان شیرپاؤ
• مولانا حسن جان
• الحاج محمد آمین صاحب عمرزئی
• حضرت پیر سرگند خان
• شیخ الحدیث مولانا ادریس صاحب
• پروفیسر ڈاکٹراحسان علی
• ڈاکٹر محمد شفیق امینی قادری
• چیف جسٹس سید عثمان علی شاہ مرحوم پڑانگ یاسین زئی
• پروفیسر ڈاکٹر محمد اعظم
• اعظم خان (نگران وزیر اعلیٰ خیبر پختونخوا)

• سردریاب
• دریائے خیالی
• حصار ڈھیری، (آثریاتی مقام)
• چارسدہ کا تاریخی قبرستان
• ترنگزئی

• چار سدہ نیوز { مدیر قیصر محمود }

• ضلع چارسدہ
• چارسدہ تحصیل
• خیبر پختونخوا

1. ↑   "صفحہ چارسدہ في GeoNames ID"۔ GeoNames ID۔ اخذ شدہ بتاریخ 18 دسمبر 2024ء  line feed character في |accessdate= على وضع 15 (معاونت); تحقق من التاريخ في: |access-date= (معاونت)