"अठरावी लोकसभा" च्या विविध आवृत्यांमधील फरक

भारताची ��ोकसभा
भारताची अठरावी लोकसभा
प्रकार
प्रकार	द्विसभागीय राष्ट्रीय विधिमंडळ
इतिहास
नेते
अध्यक्ष	ओम श्रीकृष्ण बिर्ला, भारतीय जनता पक्ष (२६ जून २०२४ पासून)
उपाध्यक्ष	रिक्त (२६ जून २०२४ पासून),
सभागृह नेता (पंतप्रधान)	नरेंद्र दामोदरदास मोदी, भारतीय जनता पक्ष (२६ जून २०२४ पासून)
विरोधी पक्षनेता	राहुल राजीव गांधी, भारतीय राष्ट्रीय काँग्रेस (२६ जून २०२४ पासून)
संरचना
सदस्य	५४३
निवडणूक
मागील निवडणूक	२०१९
बैठक ठिकाण
संसद भवन, नवी दिल्ली, भारत
संकेतस्थळ
लोकसभा संकेतस्थळ
तळटिपा
ब च सं

भारताच्या कनिष्ठ सभागृहाचा नवीन कार्यकाळ (२०२४ ते २०२९) अर्थात १८वी लोकसभा २०२४ लोकसभा निवडणुकीद्वारे निर्मित झाली. १९ एप्रिल २०२४ ते १ जून २०२४ अश्या ७ चरणांमध्ये मतदान झाले व ४ जून २०२४ रोजी निकाल जाहीर झाले. भारतीय जनता पक्षाच्या नेतृत्वात राष्ट्रीय लोकशाही आघाडीला २९३ जागांसह सभागृहात स्पष्ट बहुमत मिळाल्याने नरेंद्र दामोदरदास मोदी हे सलग तिसऱ्यांदा पंतप्रधान झाले. असे करणारे मोदी हे पहिलेच काँग्रेसेतर पंतप्रधान आहेत. २६ जून २०२४ रोजी ओम बिर्ला हे सलग दुसऱ्यांदा लोकसभा अध्यक्ष म्हणून निवडले गेले. तसेच भारतीय राष्ट्रीय काँग्रेस पक्षाचे राहुल गांधी यांची विरोधीपक्षनेतेपदी निवड करण्यात आली.

निकाल जाहीर झाल्यानंतर निर्वाचित सदस्यांच्या शपथविधीसाठी भारताच्या राष्ट्रपती श्रीमती द्रौपदी मुर्मू यांनी भारतीय जनता पक्षाचे खासदार भर्तृहरी माहताब यांना लोकसभेचे कार्यकारी अध्यक्ष म्हणून नेमणूक केली. १८व्या लोकसभा २४ जून २०२४ रोजी पहिल्यांदा बसली. पहिल्या दोन दिवशी सदस्यांचा केवळ शपथविधी पार पाडला. व तदनंतर पंतप्रधान नरेंद्र मोदी यांनी दोन्ही सभागृहांना आपल्या मंत्रीमंडळाची ओळख करून दिली.

१८व्या लोकसभेच्या दुसऱ्या अधिवेशनात गृहमंत्री अमित शाह यांनी सभागृहाच्या पटलावर आणलेल्या वक्फ दुरुस्ती विधेयक आणि मुसलमान वक्फ रद्द विधेयक या दोन विधेयकांमुळे प्रचंड गदारोळ झाला. विरोधी पक्षाच्या प्रचंड विरोधानंतर अखेर सरकारने ही दोन विधेयके संयुक्त संसदीय समितीकडे पाठवली. २०२४ च्या हिवाळी अधिवेशनादरम्यान समितीने अहवाल सादर करण्यासाठी आणखी वेळ वाढवून मिळावा या करता अर्ज दिला. तत्पश्चात सभागृहाने अहवाल सादर करण्यासाठी समितीस २०२५ अर्थसंकल्प अधिवेशनापर्यंतची मुदतवाढ दिली.

• १८व्या लोकसभेचे सदस्य