Fjöruspói

Fjöruspói
	;
Ástand stofns
	; Við hættumörk
Vísindaleg flokkun
Ríki:	Dýraríki (Animalia);
Fylking:	Seildýr (Chordata);
Flokkur:	Fuglar (Aves);
Undirflokkur:	Neornithes;
Innflokkur:	Neognathae;
Yfirættbálkur:	Neoaves;
Ættbálkur:	Strandfuglar (Charadriiformes);
Undirættbálkur:	Scolopaci;
Ætt:	Snípuætt (Scolopacidae);
Ættkvísl:	Spóar (Numenius);
Tegund:	N. arquata;
Tvínefni
	Numenius arquata; (Linnaeus, 1758)

Fjöruspói (fræðiheiti Numenius arquata) er fugl af snípuætt. Fjöruspói er algengur varpfugl víða í Evrópu. Fjöruspói er vetrargestur á Íslandi en virðist farinn að verpa hérna og fannst fyrsta hreiðrið árið 1987. Vetrarstöðvar á Íslandi eru einkum á Suðvesturlandi, einkum á Rosmhvalanesi og Innesjum en varpstöðvar á Melrakkasléttu og á Suðausturlandi.

Fjöruspói verpir í mólendi fyrri hluta maímánaðar. Eggin eru fjögur og útungunartími er fjórar vikur og verða svo ungarnir fleygir á fimm vikum. Fjöruspóinn heldur sig í fjörum á veturna og er fæða hans ýmis skeldýr, krabbar og marflær.

Fjöruspói er alfriðaður.

Heimildir

Válisti 2 - Fuglar, Náttúrufræðistofnun Íslands, 2000 Geymt 6 mars 2016 í Wayback Machine