2. október

Sep – Október – Nóv
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2024 Allir dagar

2. október er 275. dagur ársins (276. á hlaupári) samkvæmt gregoríska tímatalinu. 90 dagar eru eftir af árinu.

Atburðir

829 - Teófílos keisari tók við völdum í Konstantínópel.
959 - Játgeir friðsami var krýndur Englandskonungur.
1187 - Konungsríkið Jerúsalem gafst upp fyrir her Saladíns.
1263 - Alexander 3. Skotakonungur sigraði flota Hákonar gamla í orrustunni við Largs.
1535 - Jacques Cartier uppgötvaði Montréal í Québec.
1601 - Umsátrið um Kinsale hófst á Írlandi. Ósigur Íra þar leiddi til þess að Elísabet 1. gat lagt allt Írland undir sig.
1608 - Hollenski linsusmiðurinn Hans Lippershey sýndi fyrsta sjónaukann í hollenska þinginu.
1786 - Oddur Gíslason prestur á Miklabæ hvarf á leið heim að bæ sínum og var afturgöngunni Miklabæjar-Solveigu kennt um og sagt að hún hefði dregið prestinn í gröf sína. Lík hans fannst raunar ári síðar í læk skammt frá Miklabæ.
1801 - Konungur úrskurðaði að Ísland skyldi allt verða að einu biskupsdæmi og var þá biskupsstóllinn á Hólum lagður niður.
1847 - Prestaskólinn tók til starfa í Reykjavík. Hann var í fyrstu til húsa í húsi Lærða skólans.
1887 - Góðtemplarahús Reykjavíkur var vígt.
1906 - Dagblaðið kom út í Reykjavík í fyrsta sinn. Það kom út daglega í þrjá mánuði.
1934 - Ólafur Thors tók við formannsembætti í Sjálfstæðisflokknum.
1940 - Áfengisskömmtun var tekin upp á Íslandi og var skammtur karlmanns 4 hálfflöskur á mánuði af sterkum drykkjum en kvenna helmingur þess.
1958 - Gínea fékk sjálfstæði frá Frakklandi.
1960 - Ísafjarðarflugvöllur var tekinn í notkun.
1964 - Tækniskóli Íslands var settur í fyrsta sinn.
1972 - Danir samþykktu inngöngu í ESB í þjóðaratkvæðagreiðslu. Færeyjar ákváðu að standa utan sambandsins.
1981 - Breska hljómsveitin The Police gaf út breiðskífuna Ghost in the Machine.
1992 - Vígð var 120 metra l��ng brú yfir Dýrafjörð. Við það styttist leiðin á milli Þingeyrar og Ísafjarðar um 13 kílómetra.
1992 - Blóðbaðið í Carandiru hófst með uppþotum í Carandiru-fangelsinu í São Paulo í Brasilíu.
1996 - Andrej Lúkanov, fyrrum forsætisráðherra Búlgaríu, var myrtur.
1996 - Aeroperú flug 603 hrapaði í Kyrrahafið þegar öll tæki um borð biluðu skömmu eftir flugtak frá Límaflugvelli í Perú. Allir um borð, 70 að tölu, fórust.
1997 - Mikið hneykslismál kom upp þegar í ljós kom að þéttiefni sem notað var í Hallandsås-göngunum í Svíþjóð gaf frá sér eiturefni sem barst í grunnvatn.
1999 - Slysavarnafélagið Landsbjörg var stofnað á Íslandi.
2001 - Svissneska flugfélagið Swissair hætti öllu flugi.
2006 - Byssumaður tók fimm stúlkur á aldrinum 7-13 ára í gíslingu í West Nickel Mines School í Pennsylvaníu, myrti þær og framdi síðan sjálfsmorð.
2007 - Sjónvarpsstöðin ÍNN tók til starfa á Íslandi.
2007 - Annar leiðtogafundur Suður- og Norður-Kóreu frá Kóreustríðinu átti sér stað.
2009 - Önnur þjóðaratkvæðagreiðsla um breyttan Lissabonsáttmála var haldin á Írlandi. Sáttmálinn var samþykktur í þetta sinn.

2010 - Héðinsfjarðargöng, milli Siglufjarðar og Héðinsfjarðar annars vegar og Héðinsfjarðar og Ólafsfjarðar hins vegar, voru vígð.
2013 - Bandaríska alríkislögreglan lokaði vefsíðunni Silk Road.
2016 - Friðarsamkomulag milli ríkisstjórnar Kólumbíu og skæruliða FARC var fellt í þjóðaratkvæðagreiðslu.
2018 - Sádiarabíski blaðamaðurinn Jamal Khashoggi var myrtur í ræðismannsskrifstofu Sáda í Istanbúl, Tyrklandi.
2020 - Opinbera hlutafélagið Betri samgöngur var stofnað á Íslandi.
2020 - Donald Trump Bandaríkjaforseti greindist með Covid-19.
2023 - Katalin Karikó og Drew Weissman fengu nóbelsverðlaun í læknisfræði vegna þróunar RNA-bóluefnis gegn kórónaveirunni.

Fædd

1452 - Ríkharður 3. Englandskonungur (d. 1485).
1847 - Paul von Hindenburg, prússneskur hershöfðingi (d. 1934).
1851 - Ferdinand Foch, franskur hermarskálkur (d. 1929)
1869 - Mohandas Gandhi, pólitískur leiðtogi Indverja (d. 1948).
1871 - Cordell Hull, utanríkisráðherra Bandaríkjanna (d. 1955).
1904 - Graham Greene, enskur rithöfundur (d. 1991).
1951 - Sting, enskur tónlistarmaður.
1957 - Pálmi Gestsson, íslenskur leikari.
1957 - Janry, belgískur teiknari.
1958 - Árni M. Mathiesen, íslenskur stjórnmálamaður.
1962 - Sigtryggur Baldursson, íslenskur tónlistarmaður.
1963 - Birgir Baldursson, íslenskur trommuleikari.
1963 - Björk Vilhelmsdóttir, íslenskur stjórnmálamaður.
1963 - Maria Ressa, filippseyskur blaðamaður og Nóbelsverðlaunahafi.
1970 - Stephanie Sunna Hockett, íslensk fegurðardrottning og leikkona.
1973 - Ólafur Teitur Guðnason, íslenskur blaðamaður.
1976 - Elísabet Gunnarsdóttir, íslenskur knattspyrnuþjálfari.
1986 - Sandra Sigurðardóttir, íslensk knattspyrnukona.
1992 - Alisson Becker, brasilískur knattspyrnumaður.
2000 - Jóhannes Damian Patreksson, íslenskur tónlistarmaður.

Dáin

829 - Mikael 2. keisari Austrómverska ríkisins (f. 770).
1264 - Úrbanus 4. páfi (f. 1195).
1709 - Ívan Mazepa, rúþenskur kósakkaforingi (f. 1639).
1764 - William Cavendish, hertogi af Devonshire, breskur stjórnmálamaður (f. 1720).
1768 - Otto von Rantzau, danskur embættismaður (f. 1719).
1786 - Oddur Gíslason, íslenskur prestur (f. 1740).
1791 - Gunnar Pálsson, íslenskur prestur (f. 1714).
1803 - Samuel Adams, bandarískur stjórnmálamaður (f. 1722).
1807 - John Thomas Stanley, breskur ferðalangur (f. 1735).
1927 - Svante August Arrhenius, sænskur vísindamaður (f. 1859).
1969 - Sigurbergur Elísson formaður Knattspyrnufélagsins Fram (d. 1899).
1985 - Rock Hudson, bandarískur leikari (f. 1925).
2018 - Jamal Khashoggi, sádiarabískur blaðamaður (f. 1958).