2 шыжа

2 шыжа (2 октябрь) — григориан кечышот почеш идалыкын 275-ше (кужемдыме ийлаште — 276-шо) кечыже. Идалык пытыме марте 90 кече кодеш.

 Россий — Профтехобразований кече.

Шыжа тылзын кокымшо кечынже Игорь, Константин, Алекей, Гавриил, Георгий, Давид, Макар, Трофим да Фёдор-влакын лӱмгечышт палемдалтеш.

Тугак ончо: Категорий:Шыжа тылзын 2 кечысе событий-влак

• 1552 — Шучко Йыван кугыжан войскаже-влак Озаҥ олам руалтен налыныт, Озан ханстве Россий дек куснен.
• 1803 — Москваште икымше гана воздушный шарым южыш колтеныт.
• 1987 — «Взгляд» телепрограммын премьерыже лийын.

Тугак ончо: Категорий:Шыжа тылзын 2 кечынже шочшо-влак

• 1936 — Арнольд Валентинович Муравьёв, шанче да туныктыш пашаеҥ. Провой кундем Кожласолаште шочын. Паша корныжо Марий политехник институт дене кылдалтын: кафедре вуйлатышыланат, деканланат ятыр тыршен. 1995-2001-ше ийлаште Козьмодемьянск тоштер-заповедникын вуйлатышыжлан тыршен. Историйым шымлымаштат Арнольд Валентиновичын надырже кугу. Тиде суапле пашажлан тудым чап танык дене палемденыт.
• 1938 — Тихон Ефремов (Тихон Ефремович Ефремов), марий серызе, почеламутчо, этнограф, фольклорист, журналист, туныктышо, мер пашаеҥ.
• 1937 — Аксай Савельев, марий серызе, журналист.
• 1961 — Геннадий Феликсович Попов, туныктыш пашаеҥ. Поранча кундем Кугу пумарий ялыште шочын-кушкын. 1987-ше ий гыч тудо Арбор кыдалаш школ вуйлатышылан пашам ышташ тӱҥалын. Тӱвыра пашаштат уста вуйлатыше пагалымашым сулен шуктен: тудын чумырымо «Марий кумыл» ансамбльже эсогыл кундемна мучко чапланен.

Тугак ончо: Категорий:Шыжа тылзын 2 кечынже колышо-влак

Трофим да Зосимын кечыже. Ожнысо йула почеш тиде кечын эрден-эрак муйым кочман улмаш да левырак вуд дене подыл колтыман. Калык палымат эскернеыт: мардеж кечвалвелым пуалеш гын, вес ий кокияш шурно лектыш сай лиеш.

	2 шыжа Викиклатыште?