Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Շահումյան (այլ կիրառումներ)
Շահումյան ( ռուսերեն՝ Шаумян), գյուղ Ռուսաստանի Դաշնության Կրասնոդարի երկրամասի Տուապսեի շրջանում, Ելիզավետկա գետի ափին։ Գտնվում է Տուապսեից 42 կմ հյուսիս-արևելք, ծովի մակարդակից 246 մ բարձրության վրա։
Շահումյանում բնակվում են հայեր, ռուսներ, ադըղեներ և այլ ազգություններ։ 1987 թվականին գյուղում բնակվել է 1535 մարդ, իսկ 1989 թվականին՝ 1479 մարդ, որից 704 հայեր, 679 ռուսներ, 24 ուկրաինացիներ, 11 հույներ, 4 գերմանացիներ և 3 ադըղեներ։
Բնակիչներն զբաղվում են թեյի և ծխախոտի մշակությամբ, բանջարաբուծությամբ, այգեգործությամբ և անասնապահությամբ։ Գյուղում կա միջնակարգ դպրոց, գրադարան, ակումբ և հիվանդանոց։
Գյուղը հիմնադրվել է 1864 թվականին՝ Կուբանի կազակական զորքերի կողմից, տեղահանված չերքեզական աուլի տեղում և կոչվել Ելիսավետպոլսկայա։ 1869 թվականին ստանիցան դարձել է գյուղ և կոչվել Ելիսավետպոլսկոյե։ 1936 թվականին, ի պատիվ Ստեփան Շահումյանի, կոչվել է Շահումյան։
1925-1953 թվականներին մտել է Հյուսիս-Կովկասյան երկրամասի Հայկական ազգային շրջանի կազմի մեջ։
Հայերը եկել են Սամսունի շրջակայքից` 1910 թվականին։
|
|---|
| | Տուապսեի շրջանի հայաբնակ գյուղեր | |
|---|
| | Լքված (անհայտ) | Կոտլովինսկոյե • Մելքոնով • Մերգելով • Նաթանսուրան • Չաթանլուղ • Պոյրոզյան • Սարգիսովո |
|---|
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 436)։ 
|
- ↑ ОКТМО. 185/2016. Southern FD
Ռուսաստան.png)
