Մաքսիմ Սարգսյան

Մաքսիմ Սարգսյան;
Ծնվել է	մարտի 12, 1936
Ծննդավայր	Այգեստան (Բալլուջա), Ստեփանակերտի շրջան, Լեռնային Ղարաբաղի ինքնավար մարզ
Մահացել է	հունվարի 19, 2022 (85 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան
Կոչում	պրոֆեսոր
Գիտական աստիճան	տնտեսագիտության դոկտոր (1988)
Մասնագիտություն	տնտեսագետ
Աշխատավայր	Երևանի պետական համալսարան և Հայկական պետական մանկավարժական համալսարան

Մաքսիմ Տիգրանի Սարգսյան (մարտի 12, 1936(1936-03-12), Այգեստան, Խոջալուի շրջան, Ադրբեջան - հունվարի 19, 2022(2022-01-19)^[1], Երևան, Հայաստան), հայ տնտեսագետ։ Տնտեսագիտության դոկտոր (1988), պրոֆեսոր (1990):

Կենսագրություն

Մաքսիմ Սարգսյանը ծնվել է 1936 թվականի մարտի 12-ին, Արցախում (Ստեփանակերտի շրջան, գ. Բալլուջա)։ 1953 թվականին ընդունվել է Երևանի պետական համալսարանի տնտեսագիտական ֆակուլտետը:1958 թվականին, ավարտելով համալսարանը, մի քանի տարի աշխատել է Արցախում՝ մշակույթի բնագավառում։ 1962-1966 թվականներին եղել է Երևանի պետական համալսարանի Քաղաքատնտեսության ամբիոնի ասպիրանտ։ 1963-1972 թվականներին եղել է ԵՊՀ Քաղաքատնտեսության ամբիոնի ավագ դասախոս, դոցենտի պաշտոնակատար, 1972-1975 թվականներին` ՀԽՍՀ ԳԱ ինֆորմացիայի սեկտորի ավագ գիտաշխատող, 1975-2002 թվականներին` ՀՊՄՀ Տնտեսագիտության ամբիոնի դոցենտ և պրոֆեսոր, 2002-2014 թվականներին` նույն ամբիոնի վարիչ^[2]^[3]։ Հետագայում մինչև այժմ նույն ամբիոնում պրոֆեսոր-խորհրդատու^[4]։

Աշխատությունները վերաբերում են սեփականության, բնակչության պահանջմունքների և կենսակերպի սոցիալ-տնտեսական հիմնահարցերրին^[5], ինչպես նաև երիտասարդության ռազա-հայրենասիրական դաստիարակության խնդիրներին։ Հեղինակ է յոթ մենագրության և գիտական ավելի քան 60 հոդվածների։ Ռուսերենից թարգմանել է քաղաքատնտեսության մեկ դասագիրք (ավելի քան 300 էջ)։

Տիրապետում է հայերենին, ռուսերենին, թուրքերենին և գերմաներենին։

Մասնակցել է արցախյան պատերազմին։ 1990 թվականին Երևանում կազմակերպել և ղեկավարել է «Մեղրագետ» հայրենակցական միությունը, որը ամբողջ պատերազմի և նրանից հետո ընկած շրջանում ըստ ամենայնի օգնել է Արցախին։

Մանկավարժական համալսարանում երախտապարտությամբ կերտվել է նրա դիմաքանդակը (քանդակագործ Միսաք Մելքոնյան)։

Մահացել է 2022 թվականի հունվարի 19-ին^[6]։

Պարգևներ

Պարգևատրվել է ութ մեդալով (չորս աշխատանքային, չորս մարտական) և մի շարք պատվոգրերով։

Ծանոթագրություններ

↑ ^1,0 ^1,1 ^1,2 Մահացել է Մաքսիմ Սարգսյանը
↑ «Մաքսիմ Տիգրանի Սարգսյան». aspu.am. Վերցված է 2019 թ․ ապրիլի 15-ին.
↑ «Իմաստավորված տարիներ» (PDF). Արխիվացված է օրիգինալից (PDF) 2019 թ․ ապրիլի 15-ին.
↑ ՀՀ ԳԱԱ Լրաբեր հաս. գիտությունների 2016թ., հ. 1, էջ 352-354։
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 415։
↑ Մահացել է Մաքսիմ Սարգսյանը

Վիքիդարանն ունի նյութեր, որոնք վերաբերում են «Մաքսիմ Սարգսյան» հոդվածին։

[_88d4f6f73f781b4c-1] 1,0 ^1,1 ^1,2 Մահացել է Մաքսիմ Սարգսյանը

[2] «Մաքսիմ Տիգրանի Սարգսյան». aspu.am. Վերցված է 2019 թ․ ապրիլի 15-ին.

[3] «Իմաստավորված տարիներ» (PDF). Արխիվացված է օրիգինալից (PDF) 2019 թ․ ապրիլի 15-ին.

[4] ՀՀ ԳԱԱ Լրաբեր հաս. գիտությունների 2016թ., հ. 1, էջ 352-354։

[5] Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 415։

[6] Մահացել է Մաքսիմ Սարգսյանը

[1]